Nikah Karne Par Aadha (50%) Deen Mukammal Ho Jata Hai...
Mehboob-E-Rehman Sarwar-E-Zishanصلل الله عليه وسلم Ne Farmaya:
"Bande Ne Jab Nikah Kar Liya To Aadha Deen Mukammal Ho Jata Hai Ab Baki Aadhe Ke Liye ALLAH Ta'ala Se Daro"
ZEENAT AUR AARAISH (MAKEUP):
Qudrat Ne Insaan Ko Tamam Makhlookaat Se Bahtar Shakl Aur Umdah Soorat Ata Ki Hai,
Us Haseen Shakal Wa Soorat Ka Taqaaza Hai Ke Usko Saaf Wa Paak Rakha Jaaye Aur Jahan Tak Mumkin Ho Mard Aur Aurat Dono Hi Apni Paaki Wa Shakal Wa Soorat Ko Sawaaren,
Allah Taala Ka Irshad Hai...
"Aurton Ke Liye Tumpar Waise Hi Huqooq Hain Jaise Tumhare Liye Un Par Hain"
📓(Surah Baqarah)
Hazrat Ibn Abbas Radiallahu Anhu Is Aayat Ki Tafseer Me Farmate Hain....
"Jis Tarah Biwi Mere Liye Aaraish (Makeup) Karte Hai, Main Bhi Uske Liye Aaraish Karta Hoon, Main Pasand Nahi Karta Ke Biwi Par Jo Mere Huqooq Hain Wah Poore Haasil Kar Loon Kyonki Uski Wajah Se Mere Uper Jo Uske Huqooq Hain Unki Mustahik Ho Jayegi Jaisa Ke Allah Taala Ne Is Aayat Me Farmaya "
Rasoollullah Sallalaho Alaihi Wasallam Ne Farmaya...
"Jab Tum Safar Se Raat Me Aao (Aur Ghar Waalon Ko Pahle Se Malum Na Ho) Toh Fauran Ghar Me Na Chale Jao, Taake Jis Aurat Ka Shauhar Ghayab Tha Wah Zer E Naaf Baal Moond Le Aur Pur'gandah Baal Waali Surmein Kanghi Kar Le, Heshyaar Heshyaar Jald Baazi Na Karna"
📚(Bukhari)
Yaad Rakhna chahiye Ke Asal Zeenat Wa Aaraish Ye Hai Ke Jism Wa Libaas Ko Paak Wa Saaf Rakha Jaaye Aur Hiyyat Wa soorat Ko Unki Fitri Zeenaton Se Aaraasta Kiya jaye, Jinko Rasoollullah Sallalaho Alaihi Wasallam Ne Ek Hadith Me Bayan Kiya Hai,
"10 Cheezein Fitri Zeenat Hain,
Moonchh (Maustache) Ko Khoob Taraashna,
Daadhi Poori Poori Chhodhna,
Miswaak Karna,
Naak Me Paani Daal Kar Saaf Karna,
Naakhun Kaatna,
Ungalion Ke Jodon Ko Dhona,
Baghal Ke Baal Ukhedhna,
Zer E Naaf Baal Moondhna,
Peshab Ke Baad Paani Se Istinja Karna,
Kulli Karna "
📚(Muslim)
Ameer Ul Momineen Hazrat Umar Radiallahu Anhu Ki Khidmat Me Ek Maila Kuchaila Pur'gandah Baal Waala Ek Mard Aaya, Saath Me Uski Biwi Bhi Aayi, Kahne Lagi:- "Aye Ameer Ul Momineen ! Mujhko Isse Chhutkaara Dilaaiyye" Hazrat Umar Radiallahu Anhu Samjh Gaye Ki Ye Apne Shauhar Se karaahat Karti Hai, Uske Shauhar Ko Huqm Diya Ke Jaao Ghusl Karo, Sar Ke Baal Aur Naakhun Taraasho, Jab Wah In Kaamon Se Faarigh Hokar Aaya Toh Huqm Diya Ke Biwi Ke Saamne Jaao, Ab Jo Biwi Ki Nigaah Uspar Padi Toh Usko Ajnabi Mard Samjhkar Hat Gayi Lekin Kuch Der Me Pahchan Gayi Aur Apne Daawe Se Dast Bardaar Ho Kar Uske Saath Rahna Manzoor Kar Liya, Uske Baad Hazrat Umar Radiallahu Anhu Ne Aam Huqm Sunaaya...
"Logon ! Aurton ki Qurbat Wa Muhabbat Qaayem Rakhne Ke Liye Ye Sab Kaam Kiya karo, Allah Ki Qasam Tumhari Biwiyan Tumko Isi Tarah Aaraasta Dekhna chaahti Hain Jis Tarah Tum Unko Aaraasta Dekhna Chaahte Ho"
📚(Adab Zawaaj Page-60)
Nikah Meri Sunnat he....
Noor-E-Mujassam, Rasool-E-Khuda, Habeeb-E-Kibriya, Nabi-E-Rehmat, Shafa-E-Mehshar, Fakhar-E-Do aalam, Fakhar-E-Bani-E-Aadam, Malik-E-Do Jahan, Khatmul Ambiya, Rehmatallil Aalamin, Tajdare Madina Rahat-E-Kalbo Sina, Janabe Ahmade Mujtaba, Muhammad Mustafa Sallalaho Alayhi Wasallam ne irshad farmaya: "Nikah Meri Sunnat He"
📕(Ibne Maja, Jild 1, Hadees no 1913, Safa 518)
📓(Tarjuma: Kanzul Iman, Para 4, Surah Nisa, Aayat 3)
📘(Bukhari sharif, Jild 3, Safa 80, Hadees no 136)
Aur irshad farmate he Pyare Madani Aaqa Sallalahu Alayhi Wasallam: "Bande ne Jub Nikah kar liya to Aadha Deen Mukammal ho jata he Ab baki aadhe ke liye Allah Ta'ala se daro"
📗(Mishkat sharif, Jild 2, Hadees no 2962, Safa 72)
Hazrat Abdullah Bin Masud Radiallahu Ta'ala Anho Se Riwayat he ke Sarkar Sallalaho Alayhi Wasallam ne irshad farmaya: "Aye Jawano Jo tum me se Aurato ke Hukooq (Haq) ada karne ki takat rakhta he To wo Nikah jarur kare Kyunki Nikah Nigah Ko Zukata he Aur Sharmgah ki hifajat karta he aur Jo iski takat na rakhe to woh Roza Rakhe Kyunki ye Shahwat (Wasna-Sex) Ko kam karta he...
📘(Bukhari sharif, Jild 3, Safa 52)
📕(Tirmizi sharif, Jild 1, Safa, 533)
Gair Mard, Gair Aurat se Parda karo...
📚(Kanzul Iman,Para 18,Surah Noor,Aayat 31)
Sarkare Madina Sallalaho Alayhi Wasallam ne irshad farmaya:- "Aurat, Aurat he yani chupane ki chiz he. Jab wo nikalti he to use shaitan zhank Zhank kar dekhta he.
📕(Tirmizi sharif,Jild 1,Bab 796,Hadees 1173,Safa 600)
Sarkare Madina Sallalaho Alayhi Wasallam ne Irshad Farmaya:- Jis gair Aurat ko jan buz kar dekha jaye aur jo aurat apne ko jan buz kar gair mardo ko dikhlaye us mard aur aurat par Allah ki la'anat.
📗(Mishkat sharif Jild 2,Hadees 2991,Safa 77)
Hazrat Maimuna Bin Sa'ad Radiallahu Anha se riwayat he ke Sarkare Madina Sallalaho Alayhi Wasallam ne irshad farmaya:- "Apne shauhar ke siwa dusro ke liye Jinat ke sath daman ghasite hue(itrakar) chalnewali Aurat Qayamat ke Andhero ki tarah he". Jisme koi roshni na ho
📕(Tirmizi sharif Jild 1,Bab 791,Hadees 1166,Safa 597)
Sarkare Madina Sallalaho Alayhi Wasallam ne irshad farmaya:- "Jab Mard gair Aurat ko dekhta he ya aurat gair mard ko dekhti he to dono ki aankhe zina karti he....
📚(Kashaful mahjub Safa 568)
Sarkare Madina Sallalaho Alayhi Wasallam ne irshad farmaya:- "Jab Gair Mard aur Gair Aurat Tanhai me kisi jagah sath hote he to unme tisra shaitan hota he...
📕(Tirmizi sharif Jild 1,Bab 794,Hadees 1171,Safa 599)
Sarkare Madina Sallalaho Alayhi Wasallam ne irshad farmaya:- "Tanha Gair Aurat ke pas jane se parhez karo. Ek sahabi ne sawal kiya Ya Rasoolallah dewar ke bare me kya irshad he? Aaqa ne farmaya Dewar to Maut he.
📘(Bukhari sharif Jild 3,Bab 141,Hadees 216,Safa 108,)
📕(Tirmizi sharif Jild 1,Bab 794,Hadees 1171 Safa 599,)
📗(Mishkat sharif Jild 2,Hadees 2968,Safa 73)
Biwi Ke Huqooq:
Rab ta'ala irshad farmata he Aur unse (Aurato) se Achcha bartav karo.
📓(Kanzul Iman Para 4,Surah Nisa,Aayat 19)
Sarkare Madina Sallalaho Alayhi Wasallam ne irshad farmaya:- "Nikah ki shart yani Meher ada karne ka sabse jyada khayal rakho...
📘(Bukhari sharif Jild 3,Safa 80)
Sarkare Madina Sallalaho Alayhi Wasallam ne irshad farmaya:- "Subse bura aadmi wo he jo apni biwi ko sataye.
📚(Tibrani sharif)
Sarkare Madina Sallalaho Alayhi Wasallam ne irshad farmaya:- "Tum me wo behtar he jo apni biwiyo ke sath behtar he. Aur me apni biwiyo ke sath tum subse jyada behtar hu...
📕(Ibne maja Jild 1,Hadees 2047,Safa 551,
📕(Tirmizi Sharif Jild 1,Safa 595)
Hazrat Abuhuraira radiallahu anhu se riwayat he ki Sarkare Madina Sallalaho Alayhi Wasallam ne irshad farmaya:- "Jab kisi ke nikah me 2 biwiya ho aur wo 1 hi ki taraf mayel ho to wo Qayamat ke din jab aayega to uska aadha dhad gira hua hoga...
📕(Tirmizi sharif Jild 1,Hadees 1137,Safa 584,)
📕(Ibne Maja Jild 1,Safa 549)
Sarkare Madina Sallalaho Alayhi Wasallam ne irshad farmaya:- "Biwi ka gulam badbakht he
📚(Kaumya-E-Sa'adat Safa 263)
Shauhar ke Huqooq:
Allah Ta'ala irshad farmata he Wo tumhari libas he aur Tum unke libas....
📓(Kanzul iman Para 2,Surah Bakar,Aayat 187)
Ummulmomenin Hazrat Aayesha siddiqa Wa Hazrat Abuhuraira radiallahu anhu se riwayat he ki Sarkare Madina Sallalaho Alayhi Wasallam ne irshad farmaya:- "Agar me kisi ke liye Sajde ka hukm deta to Aurato ko hukm deta ki apne Shohar ko sajda kare....
📕(Tirmizi sharif Jild 1,Bab 788,Hadees 1158,Safa 594)
Sarkare Madina Sallalaho Alayhi Wasallam se daryaft kiya ki..."Behtarin Aurat ki pehchan kya he?
Aapne farmaya "Jo Aurat apne Shauhar ki ita'at wa farmabardari kare."
📗(Nisaai sharif Jild 2,Safa 364)
Hazrat Abu said radiallahu anhu se riwayat he ke Sarkare Madina Sallalaho Alayhi Wasallam ne irshad farmaya:- "Shauhar ki Na shukri karna ek tarah ka Kufra he aur ek kufra dusre se kam hota he.
📕(Bukhari sharif Jild 1,Bab. 21,Hadees 28,Safa 109)
Hazrat Abdullah ibne Abbas se riwayat he ki Sarkare Madina Sallalaho Alayhi Wasallam ne irshad farmaya:- "Muze Dozakh dikhai gayi maine waha Aurato ko jyada paya wajah ye he ki wah Kufra karti he. Sahaba-E-Kiram ne arz kiya Kya wo Allah ke sath Kufra karti he????
Pyare Aaqa ne farmaya Nahi ! Wo shauhar ki Na-shukri karti he. Jo ke ek tarah ka kufra he aur Ehsan nahi manti agar tu kisi Aurat se umar bhar ehsan aur neki ka sulook kare lekin 1 bat bhi khilafe tabiyat ho jaye to zat kah dengi.. "Maine tuzse kabhi aaram aur sukoon nahi paya"
📕(Bukhari sharif Jild 1,Bab 21,Hadees 28,Safa 109)
Hazrat Umar Radiallahu anhu se riwayat he ki Sarkare Madina Sallalaho Alayhi Wasallam ne irshad farmaya:- "Tumko nahi malum Aurat ke liye Shirk ke bad subse bada gunah Shauhar ki Na-farmani he"
📚(Gunyatuttalebin Safa 114)
Hazrat Abuhuraira radiallahu anhu se riwayat he ki Sarkare Madina Sallalaho Alayhi Wasallam ne irshad farmaya:- "Shauhar apni biwi ko jis waqt bistar par bulaye aur wo aane se mana karde to us aurat par khuda ke farishte subah tak La'ant karte rehte he....
📘(Bukhari sharif Jild 3,Bab 115,Hadees 178,Safa 96)
Sarkare Madina Sallalaho Alayhi Wasallam ne irshad farmaya:- Jab shauhar apni Hajat (Sohbat) ke liye biwi ko bulaye to biwi agar roti paka rahi ho to usko lazim he ki sub kam chod kar shauhar ke pas hazir ho jaye...
📕(Tirmizi sharif Jild 1,Bab 788,Hadees 1159,Safa 595)
Hazrat Aayesha radiallahu anha se marwi he Sarkare Madina Sallalaho Alayhi Wasallam ki khidmat me 1 jawan aurat hazir hui aur arz kiya Ya Rasoolallah ! Me jawan aurat hu.Muze nikah ke paigam aate he magar me shadi ko bura samazti hu Aap muze bataiye biwi par shauhar ka kya haq he!
Pyare Aaqa ne farmaya Agar shauhar ki choti se edi tak peep ho aur woh use jaban se chate to bhi shauhar ka haq ada nahi kar payegi. Usne pucha: To me shadi na karu?
Aapne farmaya Tum shadi karo kyunki isme bhalai he....
📚(Mukashefatul Kuloob Bab 95,Safa 617)
Nikah ke Talluk Kuch Hadees Shareef...
Hazrat Ibne Abbas Radiallaho anhu se Riwayat He ke Huzoor Sallalaho Alayhi Wasallam ne irshad Farmaya:- "Gawaho ke bagair Nikah karnewali Aurate Jaaniya (Zina Karnewali) He....
📕(Tirmizi sharif,Jild 1, Safa 563, Hadees no 1095, Bab no 751)
Huzoor Sayyadna Gause Aazam Shaikh Abdul Qadir Jilani Radiallahu anhu farmate he:- "Nikah Jumerat Ya Jumma Ko Karna Must'hab he aur Subah ki Bajaye sham ke waqt Nikah Behtar karna He"
📚(Gunyatuttalebin, Bab no 5, Safa 115)
"Jis kisine Sohbat ki bate logo me bayan ki uski misal aisi he jaise shaitan Aurat shaitan Mard se Mile aur Logo Ke samne hi khule aam sohbat karne lage"
📗(Abu Dawood, Jild 2, Hadees no 407, Safa 155,Bab No 127)
📗(Abu Dawood, Jild 2, Hadees no 407, Safa 155,Bab No 127)
Aaqa Sallalaho Alayhi Wasallam ne irshad farmaya:- "Allah ki laanat Bad Nigahi karnewale par aur Jiski taraf Bad Nigahi ki jaye"
📚(Bayhaqi Sharif,Mishkat sharif Jild 2,Safa 77)
Ladki ki Nikah ke liye Razamandi..
Hazrat Abu Huraira Wa Hazrat Abdullah bin Abbas Radiallahu Anhu Se Riwayat he ke Huzoor Sallalaho Alayhi Wasallam ne irshad farmaya: "Kuwari ladki ka nikah na kiya jaye jab tak uski Rajamandi na hasil kar li jaye Aur uska Chup rehna uski Rajamandi He, Aur Na Nikah kara jaye Bewah ka jab tak usse Izazat na li jaye"
📕(Tirmizi sharif Jild 1, Safa 566)
Imaam Bukhari Radiallahu Anhu Nakal farmate hai:- Hazrat Aayesha Radiallaho Anha ne Arz kiya: "Ya Rasoolallah! kuwari ladki to nikah ki izazat dene me sharmati he." Aapne Farmaya "Uska khamosh ho jana Uski Izazat he"
📘(Bukhari sharif, Jild 3,Safa 76, Hadees no 124, Bab No 71)
Hazrat Abuhuraira Radiallahu Anhu se Riwayat he ki Rasoole Akram Sallalaho Alayhi Wasallam Ne irshad Farmaya:- "Balig kuwari ladki se uske Nikah ki izazat li jaye agar khamosh ho jaye to ye uski tarafse izazat he. Agar inkar kare to uspar koi Jabardasti Nahi"
📚(Tirmizi sharif, Hadees no 1101, Jild 1,Safa 567)
Nikah Kaha Karna Chahiye???
Ummulmomenin Hazrat Aayesha siddiqa Radiallahu Anha, Hazrat Anas Bin Malik, Hazrat Abdullah ibne Umar Radiallahu Anhuma se Riwayat he ke Huzoor Akram Sallalaho Alayhi Wasallam ne irshad farmaya:- "Apne Nutfe (Shadi ke liye) Achchi jagah talash karo. Apni Biradri me Byah ho, Aur Biradri se byah kar lao ki Aurate Apne hi Kunbe ke Mushaba (Milte hue Bachche) Janti he"
📕 (Ibne Maja Jild 1, Hadees no 2038, Safa 549,)
📚 (Bayhaqi Sharif wa Haaqim)
Hazrat imam Bukhari Radiallahu Anhu Riwayat karte he ki.. "Aur Must'hab (Behtar) He ke apni Nasl ke liye Behtar Aurat chune Lekin ye Wajib nahi"
📘(Bukhari sharif Jild 3, Bab no 41, Safa 56)
Hazrat Abuhuraira wa Hazrat Jaabir Radiallaho Anhu se Riwayat He Ke Nabi E Rehmat Sallalaho Alayhi Wasallam Ne irshad farmaya:- "Aurat se 4 chizo ki wajahse nikah kiya jata he...
✔ Uska Maal
✔ Husn wa Jamal
✔ Uska Khandan
✔ Uske Deendar hone ki wajahse.
Lekin tu Deendar Aurat Ko Hasil Kar"
📘(Bukhari sharif Jild 3, Safa 59)
📕(Tirmizi sharif, Jild 1, Safa 555)
Pyare Aaqa Sallalaho Alayhi Wasallam ne irshad farmaya:- "Aurato se unke Husn ke sabab shadi na karo ho sakta he uska Husn tumhe Tabah kar de, na uske Maal ki wajahse shadi karo ho sakta he ke unka Maal tumhe gunaho me Mubtela kar de, Balki Deen ki wajahse nikah kiya karo, Kali, Chapti, Badsurat Londi agar Deendar ho to Behtar he"
📕(Ibne maja, Jild 1, Hadees no 1926, Safa 522)
Kin Logo se Nikah karna Jaiz Nahi??
Kin Logo se Nikah karna Jaiz Nahi??
Hazrat Amra bint Aburrahman wa Hazrat Maula Ali Radiallahu anhu se Riwayat he Ke Sarkare Madina Sallalaho Alayhi Wasallam ne irshad farmaya:- "Raja'at yani dudh ke rishte se bhi wahi rishte haram ho jate he, Jo wiladat se haram ho jate he"
📘(Bukhari Sharif, Jild 3, Safa 62,)
📕(Tirmizi sharif, Jild 1, Safa 587)
Yani jisne bachpan me kisi Aurat ka dudh piya to usse Maa ka rishta ho jata he. Ab uski beti Behen he usse Nikah Haram he.
Allah Ta'ala Quran Pak me irshad farmata he:- "Haraam hui tum par tumhari Maa, Betiya, Behne Aur Fufiya, Khalaye, Bhatijiya, Bhanjiya, Aur Tumhari Ma jinhone Dudh pilaya Aur Dudh ki behne, Aurato ki Maaye."
📓(Kanzul iman, Para 4, Surah Nisa, Aayat 23)
Hazrat Abdullah ibne Abbas Radiallaho anhu se imaam bukhari radiallahu anhu Ne Riwayat kiya:- "Char se jyada Biwiya isi tarah Haraam he jaise Aadmi ki Beti Aur Behen"
📘(Bukhari Sharif, Jild 3, Bab no 54, Safa 64)
Allah Irshad farmata he:- "Aur Mushriko ke nikah me Na do Jab tak wo Imaan Na laye."
📓(Tarjuma: Kanzul Iman, Para 2, Surah Bakar, Aayat 221)
Allah irshad farmata he:- "Aur Shirk wali Aurato se Nikah na karo Jab tak Musalman Na ho Jaye"
📓(Tarjuma: Kanzul imaan, Para 2, Surah Bakar, Aayat 221)
Hadees Of Walima..
Hazrat Abdurrahman Bin Aauf radiallaho anhu ka bayan he ki muzse Nabi-E-Kareem Sallalaho Alayhi Wasallam ne irshad farmaya:- "Walima karo chahe 1 hi Bakri Ho"
📘(Bukhari sharif, Jild 3, Safa 85)
Hazrat Safiya Binte Shaiba Radiallahu Anha farmati he ki "Nabi Sallalaho Alayhi Wasallam ne Apni baz Ajwaje Muthrat (Biwiya) ka walima 2 Ser Jav ke sath kiya tha"
📘(Bukhari sharif,Jild 3, Safa 87)
Hazrat Abdullah Bin Umar Radiallahu anhu se Riwayat he ki Rasoolallah Sallalaho Alayhi Wasallam ne irshad farmaya:- "Jab tum me se kisi ko walima khane ke liye bulaya jaye to wo Hazir ho jaye"
📘(Bukhari sharif, Jild 3, Safa 87)
Hazrat Abuhuraira Radiallaho anhu se riwayat he ke Huzoor Akram Sallalaho Alayhi Wasallam ne irshad farmaya:- "Jo dawat Qubool na kare usne Allah ta'ala wa Rasool ki Nafarmani ki"
📘(Bukhari sharif,Jild 3,Safa 88,Hadees no 163,Bab no 102)
Sarkare Madina Sallalaho Alayhi Wasallam ne irshad farmaya:- "Dawat Me Jao Jab Ke Bulaye Jao" Aur Farmaya "Jo bagair bulaye dawat me gaya wo chor ho kar ghusa aur gaaratgiri karke lutere ki soorat me bahar nikala"
📘(Abu dawood, Jild 3, Bab no 127, Hadees no 342, Safa 130)
Hazrat Abuhuraira Radiallaho anhu se Riwayat he ke Rasool-E-Khuda Sallalaho Alayhi Wasallam ne irshad farmaya:- "Subse bura walima ka wo khana he jisme Amiro ko bulaya jaye Aur Garibo ko nazar andaz kar diya Jaye"
📘(Bukhari sharif,Jild 3,Safa 88)
Allah Haq Farmane Me Nahi Sharmata.. Allah Ta'ala irshad farmata he "Aur Allah haq farmane me nahi sharmata"
📓(Tarjuma: Kanzul iman Para 22, Surah Ahjab, Aayat 53)
Ummulmomenin Hazrat Aayesha Siddiqa Radiallahu Anha irshad farmati he: "Ansari (Madina Munawwarah me rehnewali) Aurate kya khub he ke unhe Deen samazne me Haya (Sharm) Nahi Rokati" Yani woh deeni bate malum karne me nahi sharmati.
📕(Bukhari Sharif,Jild:1,Safa:150, Ibne Maja, Jild: 1, Safa: 202)
Noor-E-Mujassam, Rasool-E-Khuda, Habeeb-E-Kibriya, Nabi-E-Rehmat, Shafa-E-Mehshar, Fakhar-E-Do Aalam, Fakhar-E-Bani-E-Aadam, Malik-E-Do Jahan, Khatmul Ambiya, Rehmatallil Aalamin, Tajdare Madina Rahat-E-Kalbo Sina, Janabe Ahmade Mujtaba, Muhammad Mustafa Sallalaho Alayhi Wasallam ne irshad farmaya:⭐"Nikah meri sunnat he"
📕(Ibne Maja, Jild 1, Hadees no 1913, Safa 518)
HADEES "HAZRAT ABDULLAH IBNE ABBAS RADIALLAHU TAALA ANHU SE RIWAYAT HAI KE "EK AURAT ka shohar mar gaya,uske Dewar ne usse nikah ka paigam bheje magar (aurat ka) baap dewar se nikah karne Par razi na hua usne kisi dusre mard se aurat ka nikah kardiya wo aurat NABI E KAREEM SALLALLAHU ALAIHI WASALLAM ki khidmat mei hazir hui aur aap se pura kissa bayan kiya, HUZUR NE uske baap ko bulwaya usse aap ne farmaya Ye Aurat kya kehti hai.? Usne jawab diya, SACH kehti hai, magar meine uska nikah ayse mard se kiya jo isske dewar se behtar hai,iss par HUZUR ne uss mard aurat mei Judai Karwadi aur aurat ka nikah ussi dewar se kar diya jisse wo nikah karna chahti thi...
📚 (MASNADE IMAAME AAZAM, BAAB NO. 124, safa no. 215)
Shaadi Ke Baad Pehli Raat (Suhag Raat) Ka Islamic Tarika...
Shadi Karna Sunnat Hai Aur islam Ka Ek Hissa Hai Isliye Har Insan Ko Shaadi Karna Chahiye. Bager Kisi Jaiz Wajah Ke Agar Koi Shaadi Nahi Kar Raha Ya Derse Kar Raha Hai To Ye islam Ke Khilaf Hai.
Jin Logo Ki Shaadi Honewali Hoti Hai, Unme Se Bahut Se Logo Ke Dimaag Mein Kuch Sawal Hote Hain Ki Islam Ke Hisab Se Shaadi Ke Baad Ki Pehli Raat Ko Kya Karna Chahiye, Ya iska Sahi Tarika Kya Hai.Hum Yaha Pehli Raat Ki Kuch Baat Karenge, Lekin Ye Baat Sirf islamic Tarika Sikhne Ki Niyat Se Padhiye, Dil Mein Kuch Gandagi Na Rakhiye Aur Na Koi Galat Comment kare. Hamara Maqsad Sirf Un Logo Ko islamic Tarika Batana Hai Jinko Is Baare Mein Maalumaat Kam Hai.
Shaadi Ke Baad Jab Ladka Room Mein Jaye To Sabse Pehle Salam Kare, Kheriyat Maalum Kare Aur Thodi Baat Karne Ke Baad Ladki Ke Peshani (forehead) Ke Baal Sidhe Haath Aahista Se Pakadiye Aur Ye Dua Padhe. Hazrat Muhammad Sallallaho Alaihi Wasallam Ne irshad Farmaya:-
Shaadi Ke Baad Jab Ladka Room Mein Jaye To Sabse Pehle Salam Kare, Kheriyat Maalum Kare Aur Thodi Baat Karne Ke Baad Ladki Ke Peshani (forehead) Ke Baal Sidhe Haath Aahista Se Pakadiye Aur Ye Dua Padhe. Hazrat Muhammad Sallallaho Alaihi Wasallam Ne irshad Farmaya:-
"Jab Koi Shaks Nikah Kare Aur Pehli Raat (Suhag Raat) Ko Apni Dulhan Ke Paas Jaye To Narmi Ke Sath Uski Peshani Ke Thode Se Baal Apne Sidhe Hath He Le Kar Yah Dya Padhe
"Allahumma in'ni as'a'luka min khai'riha wakhai'ri ma fiha wakhairi ma jabalta'ha alai wa a'udhu bika min shar'riha washar'ri ma fiha wa sharri ma jabalta'ha alai"
Tarjuma:- "Aye Allah me tujse iski (apni biwi ki) bhalai aur khairo barkat mangta hu aur uski fitari aadato ki bhalai aur teri panah chahta hu iski burai aur fitari aadato ki burai se.
📗(Abu Dawood : jild-2,page-150, Hasne Hasin : page-164)
📘(Bukhari shareef, Jild 3, Safa 473)
Peshani ke baal pakad kar dua karne se pahle apni biwi ko ye bata sakte hain ki ye hamare Aaqa Hazrat Muhammad Sallallahu Alyhi Wasallam Ka Hukm Hai, Warna Jis Ladki Ko Nahi Maalum Ho Wo Kuch Galat Na Sochne Lage.
Iske Baad Agar Wuzu Na Kiya Ho To Wuzu Kar Lijiye Aur 2 Rakat Nafal ALLAH Ka Shukr Ada Karne Aur Usse Dua Karne Ke Liye Padhiye, Namaz Is Tarah Padhiye (Jamat Bana Kar) Ki Ladka Aage Imaam Ban Kar Khada Ho Aur Ladki Uske Piche Khade Ho Jaaye. Dono Saath Namaz Padhe.
Namaz Ki Niyat : Niyat Ki Maine 2 Rakat Namaz Nafil Shukrane Ki Waste ALLAH TA'ALA Ke Rukh Mera Kaaba Sharif Ke Taraf.. Allaho Akbar.
Fir Humesha Jaise Namaz Padhte Ho Waise Hi Namaz Padhe Aur Namaz Ke Baad Shaadi Saath Kheriyat Se Hone Ke Liye ALLAH Ka Shukr Ada Kijiye Aur Ye Dua Kariye Ki ALLAH Is Shaadi Ko Kaamyab Banaye, Aage Bhi Hansi-Khushi Rakhe, Bacche Nek De, Aur Is Tarah Bhi Dua Kar Sakte Hain....
Fir Humesha Jaise Namaz Padhte Ho Waise Hi Namaz Padhe Aur Namaz Ke Baad Shaadi Saath Kheriyat Se Hone Ke Liye ALLAH Ka Shukr Ada Kijiye Aur Ye Dua Kariye Ki ALLAH Is Shaadi Ko Kaamyab Banaye, Aage Bhi Hansi-Khushi Rakhe, Bacche Nek De, Aur Is Tarah Bhi Dua Kar Sakte Hain....
"Aye ALLAH Tera Shukra Aur Ehsan Hai Ki Tune Hume Ye Din Dikhaya Aur Hume Is Khushi Wa Ne'amat Se Nawaza Aur Hume Apne Habib Sallallaho Alaihi Wasallam Ki Sunnat Par Amal Karne Ki Taufiq Ata Farmayi.
Aye ALLAH Humari Is Khushi Ko Humesha Isi Tarah Kayam Rakh Hume Mel-Milap Pyar Muhabbat Ke Sath Zindagi Gujarne Ki Taufiq Ata Farma. Ya Rabbe Qadir Hume Nek Farmabardar Aulad Ata Farma. Aamin
(Awwal Aakhir Durood)
Aur Iske Alawa Jo Bhi Aap Shaadi Ki Kaamyabi Ke Liye Dua Karna Chahe Kar Sakte Hain Dua Ke Pahle Aur Aakhir Mein Durood Sharif Padh Lijiye.
Namaz Ke Baad Kisi Bhi Kaam Mein Jald-Baazi Na Kare Balki Ladki Se Is Tarah Baat Kariye Ki Uski Thodi Jhijhak Door Ho Jaaye Thoda Apne Baare Mein Baat Kariye Thoda Uski Suniye.
Jab Ladki Ki Thodi Jhijhak Door Ho Jaye To Aur Aap Saath Mein Sone Ka Irada Karen To Usse Pahle Ye Dua Padh Lijiye.
"Bismillah, Allahumma jannib nash Shaitana, wa Janni bish-Shaitana ma razaq tana
Tarjuma:- "ALLAH ke Naam se Aye ALLAH door kar hamse shaitan mardud ko aur door kar shaitan mardud ko us Aulad se jo tu hame ata karega" "Jo shaks Is Dua Ko Sohbat Ke Waqt Padhega (Dua Wahi Jo Upar Likhi Hai) To ALLAH Us Padhnewale Ko Agar Aulad Ata Farmaye To Us Aulad Jo Shaitan Kabhi Bhi Nuksan Na Pahuncha Sakega"
📘(Bukhari sharif Jild 3,Safa 85, Tirmizi sharif,Jild 1,Safa 557)
Note : ⭐Ye Yaad Rakhiye Ki Jo Peshani Ke Baal Pakad Kar Dua Karna Hai Wo Sirf Pehli Raat Mein Hi Padhna Hai Aur Ek Hi Baar Padhna Hai, Lekin Ye Waali Dua
("Bismillah, Allahumma jannib nash Shaitana, wa Janni bish-Shaitana ma razaq tana")
Aapko Hamesha Padhni Hai, Jab Bhi Biwi Ke Saath Sone Ka Irada Ho Usse Pahle Is Dua Ko Padhle...
HADEES OF SOHBAT....
Hazrat Abu Musa Asha'ari Radiallahu anhu se riwayat he ki Huzoor Akdas Sallalaho Alayhi Wasallam ne farmaya: Jab koi Aurat Khushboo laga kar logo me nikalti he to woh Aurat Jaaniya(Balatkar karnewali Peshawar) He.
📘(Abu Dawood Jild 3 Safa 264)
Imame Ahle Sunnat Azimul Barkat Aalahazrat radiallaho anhu ne farmaya "Sohbat ke waqt apni biwi ke pistan (Stan) muh me lena jaiz he balki nek niyat se ho to sawab ki ummid he. Agar Aurat dudhwali ho to chusna na chahiye jisse dudh halak me chala jaye aur agar muh me aa jaye aur halak me na jane de to harj nahi ki aurat ka dudh haram he, Najis nahi"
📚(Fatwa-E-Razviya Jild 9 Safa 72)
Allah Rabbul izzat irshad farmata he: Rozo ki Rato me apni aurat ke pas jana tumhare liye halal hua...
📓(Kanzul Iman Para 2,Surah Bakar,Aayat 187)
Hazrat Abijar Radiallahu anhu se riwayat he ki Rasoolallah Sallalaho Alayhi Wasallam ne irshad farmaya: Pakhane ke mukam me Aurat se Sohbat karna haram he...
📚(Munsade imame aazam Safa 223)
Hazrat Abu Huraira radiallahu anhu se riwayat he Jisne Aurat ya Mard se uske piche ke mukam se sohbat ki usne yakinan kufra kiya.....
📚(Abu Dawood)
Rasoolallah Sallalaho Alayhi Wasallam ne irshad farmaya: Allah Ta'ala Qayamat ke din aise shaks ki taraf nazre rehmat nahi farmayega. Jisne apni Aurat ke piche ke mukam se sohbat ki.....
📚(Bukhari sharif,Tirmizi,Ibne maja)
Tumhari Aurate tumhare liye khetiya he. To aao apni khetiyo me jis tarah chaho. Aur apne bhale ka kam pehle karo.
📓(Kanzul iman Para 2,Surah Bakar,Aayat 223)
SOHAR KE HUUQOOQ BIWI PAR...
Sarkare Madina ﷺ Ne Irshad Farmaya:- "Agar Khuda Ke Siwa Kisi Dusre Ke Liye Sajda Karne Ka Huqm Deta To, Me Aurato Ko Huqm Deta Ki Wah Apne Shoharo Ko Sajda Karti Rahe".
📗(Mishkat Sharif, Jild- 2 Safa 281 Mujtabaai)
Madine Ke Tajdaar Janabe Muhammad Mustafa ﷺ Ne Irshad Farmaya:- "Jab Shohar Apni Biwi Ko Apne Bistar Par Bulaye, Aur Aurat Aane Se Inkar Karde, Aur Uska Shohar Is Baat Se Naraz Ho Kar Sota Rahe, To Raat Bhar ALLAH Ke Farishte Us Aurat Par Laanat Karte Hai".
📗(Mishkat Sharif, Jild-2,Safa 280)
Sarware Qaynaat Madani Aaqa ﷺ Ne Irshad Farmaya:- "Agar Shohar Apni Aurat (Biwi) Ko Yah Huqm De Ki Pile Rang Ka Pahad Kale Rang Ka Bana De Aur Kale Rang Ke Pahad Ko Safed Bana De To Bhi Aurat Ko Apne Shohar Ka Huqm Baja Lana Chahiye".
aur Aap ﷺ Ne Farmaya Ki "Jis Aurat Ki Maut Aisi Haalat Me Aaye Ki Marte Waqt Uska Shohar Usse Khush Ho..... To Wo Aurat Jannat Me Jayegi". Aur Farmaya, "Jab Koi Mard Apni Aurat Ko Kisi Kaam Ke Liye Bulaye To Wo Aurat Agarche Chulhe Ke Pas Baithi Ho Usko Laazim Hai Ki Wah Uthkar Shohar Ke Pas Chali Jaye".
aur Aap ﷺ Ne Farmaya Ki "Jis Aurat Ki Maut Aisi Haalat Me Aaye Ki Marte Waqt Uska Shohar Usse Khush Ho..... To Wo Aurat Jannat Me Jayegi". Aur Farmaya, "Jab Koi Mard Apni Aurat Ko Kisi Kaam Ke Liye Bulaye To Wo Aurat Agarche Chulhe Ke Pas Baithi Ho Usko Laazim Hai Ki Wah Uthkar Shohar Ke Pas Chali Jaye".
Is Hadees Sharif Ka Matlab Ye Hai Ki Aurat Chahe Kitne Bhi Jaruri Kam Me Mashgul Ho Shohar Ke Bulane Par Sab Kamo Ko Chod Kar Shohar Ki Khidmat Me Haazir Ho Jaye".
📗(Mishkat Sharif, Jild-2,Safa 383 Mujtabaai)
Biwi Ko Shohar Ka Huqm Har Hal Me Manna Hai. Aur Jis Aurat Ka Shohar Usse Razi Ho Aur Uska Intkal Ho Jaye To Uske Liye Jannat Hai. SubhanALLAH !
Khatmun Nabiyyin Huzoor-E-Akram ﷺ Ne Irshad Farmaya:- "Behtarin Aurat (Biwi) Wah Hai Ki Jab Uska Shohar Kisi Baat Ka Huqm De To Wo Uski Farmabardari Kare Aur Agar Shohar Uski Taraf Dekhe To Wah Apne Banav Singar Aur Apni Adaao Se Apne Shohar Ka Dil Khush Karde Aur Agar Shohar Kisi Baat Ki Kasam Kha Jaye To Wah Uski Kasam Ko Pura Karde Aur Agar Shohar Gayab Rahe (Matlab Ghar Se Bahar Ho) To Wah Apni Zaat Shohar Ke Maal Me Hifazat Aur Khair Kwahi Ka Kirdar Karti Rahe".
📗(Mishkat Sharif,Jild-2 Safa 268 Mujtabaai)
Apne Shohar Ko Khush Rakhna Hi Biwi Ka Farz Hai. Uska Singar Sirf Uske Shohar Ke Liye Hai Shohar Ki Namaujudgi Me Uske Ghar Aur Maal Wa Dolat Ki Hifazt Karna Biwi Par Laazim Hai
Ek Shaks Ne Aaqa ﷺ Se Daryaft Kiya Ki...."Behtarin Aurat (Biwi ) Ki Pehchan Kya Hai?"
Madni Aaqa ﷺ Ne irshad Farmaya:- "Jo Aurat Apne Shohar Ki Ita'at Wa Farma Bardari Kare".
Madni Aaqa ﷺ Ne irshad Farmaya:- "Jo Aurat Apne Shohar Ki Ita'at Wa Farma Bardari Kare".
📗(Nasaai Sharif,Jild-2,Safa 364)
Hazrat Abu Sai'd RadiAllahu Anhu Se Riwayat Hai Shafi-E-Mehshar, Rehmat-E-Aalam Janabe Muhammad Mustafa ﷺ Ka Farmane Aalishan Hai:- "Shohar Ki Na Shukri Karna Ek Tarah Ka Kufr Hai Aur Ek Kufr Dusre Se Kam Hota Hai".
📕(Bukhari Sharif,Jild-1, Bab No 21, Safa 109, Hadees No 28)
Aurat Hargiz Apne Shohar Ki Nafarmani Na Kare Warna Jahannam Ki Tayyari Karle..
Ummulmomenin Hazrate Aayesha Siddiqa RadiALLAHU Ta'ala Anha Wa Hazrat Abu Huraira RadiALLAHU Ta'ala Anhu Se Riwayat Hai Ki:- Rasool-E-Khuda ﷺ Ne Irshad Farmaya:- "Agar Me Kisi Ko Kisi Ke Liye Sajde Ka Huqm Deta To Aurato Ko Huqm Deta Ki Apne Shohar Ko Sajda Kare".
📕(Tirmizi Sharif,Jild-1, Bab No 788, Safa 594, Hadees No 1198)
SOHAR KE HUUQOOQ BIWI PAR...
Hazrat Abu Huraira Radiallahu Ta'ala Anhu Se Riwayat Hai Ki Nabi-E-Kareem ﷺ Ne irshad Farmaya:- "Shohar Apni Biwi Ko Jis Waqt Bister Par Bulaye Aur Wah Aane Se Mana Karde To Us Aurat Par Khuda Ke Farishte Subah Tak Laanat Karte Rehte Hai".
📘(Bukhari Sharif Jild 3, Bab No 115, Safa 96, Hadees No 178)
Hazrat Aayesha Siddiqa Radiallaho Ta'ala Anha Se Marvi Hai Ki... Aap Sallallaho Alaihi Wasallam Ki Khidmat Me Ek Jawan Aurat Haazir Hui Aur Arz Kiya "Ya Rasoolallah! ﷺ Me Jawan Aurat Hu Muze Nikah Ke Paigam Aate Hai Magar Me Shaadi Ko Bura Samajhti Hu. Aap Muze Bataiye Biwi Par Shohar Ka Kya Haq Hai"?
Pyare Aaqa Sallallaho Alaihi Wasallam Ne Irshad Farmaya... "Agar Shaohar Ki Choti Se Pair Ki Ediyo Tak Peep Ho Aur Wah Use Zaban Se Chate To Bhi Shaohar Ka Haq Ada Nahi Kar Payegi".
Us Aurat Ne Pucha "To Main Shaadi Na Karu"? Ispar Aap Sallallaho Alaihi Wasallam Ne Irshad Farmaya "Tum Shaadi Karo Kyunki Isme Bhalaai Hai".
📚(Mukasheftul Kuloob Bab No 95, Safa 617)
ALLAHU AKBAR..!
Hazrate Maimuna Radiallaho Ta'ala Anhu Se Riwayat Hai Ke... Rasoolallah ﷺ Ne Irshad Farmaya.. Meri Ummat Me Subse Behtar Wo Aurat Hai Jo Apne Shohar Ke Sath Acha Sulooq Karti Hai Aisi Aurat Ko 1000 Shahido Ka Sawab Milta Hai Jo Khuda Ki Rah Main Sabr Ke Liye Shahid Hue. Un Aurato Me Se Har Aurat Jannat Ki Hooro Par Aisi Fazilat Rakhti Hai Jaise Muhammad Sallallaho Alaihi Wasallam Ko Tum Me Se Adna Mard Par".
📚(Gunyatuttalebin Safa 113)
SubhanALLAH...!
Hazrate Abdullah Ibne Abbas Radiallaho Ta'ala Anhu Se Riwayat Hai Ki... Pyare Aaqa ﷺ Ne Irshad Farmaya "Muze Dozakh (Jahannam) Dikhai Gayi Maine Waha Aurato Ko Jyada Paya Wajah Ye Hai Ki Ye Kufr Karti Hai". Sahab-E-Kiram Ne Arz Kiya "Kya Wo ALLAH Ke Sath Kufr Karti Hai"? Aap Sallallaho Alaihi Wasallam Ne Irsad Farmaya "Nahi! Wo Shohar Ki Nashukri Karti Hai (Jo Ke Ek Tarah Ka Kufr Hai) Aur Uska Ehsaan Nahi Manti. Agar Tu Kisi Aurat Se Umar Bhar Ahsaan Aur Neki Ka Sulooq Kare Lekin Ek Baat Bhi Khilafe Tabiyat Ho Jaye To Jhat Keh Dengi Ki Maine Tuzse Kabhi Aaram Aur Sukun Nahi Paya".
📕(Bukhari Sharif Jild 1, Bab No 21, Safa 109, Hadees No 28)
Sarkare Do Aalam Sallallaho Alaihi Wasallam Ka Farmane Aalishan Hai Ki... "Jab Shohar Apni Haazat (Sohbat) Ke Liye Biwi Ko Bulaye To Biwi Agar Roti Paka Rahi Ho To Usko Laazim Hai Ke Sab Kaam Chod Kar Apne Shohar Ke Pas Haazir Ho Jaye".
📕(Tirmizi Sharif Jild 1, Bab No 788, Safa 595, Hadees No 1159)
Hazrat Umar Radiallaho Anhu Se Riwayat Hai Ki Madani Aaqa ﷺ Ne Irshad Farmaya... "Tumko Nahi Maalum, Aurat Ke Liye Shirk Ke Baad Sabse Bada Gunah Shohar Ki Nafarmani Hai".
📚(Gunyatuttalebin Safa 114)
Ya Rabbul Aalamin Tu Apne Karam Se Aurato Ko Nek Taufiq Ata Farma. Aur Unhe Apne Shaohar Ki Ita'at Karne Ki Taufiq Ata Farma Aameen...
BIWI KE HUQOOK SOHAR PAR.....
ALLAH TA'ALA Ne Jis Tarah Aurato Par Shohar Ke Huqooq Farz Kiye Hai Usi Tarah Shohar Par Bhi Aurato Ke Huqooq Farz Hai. In Huqooq Ko Ada Na Karnewala Sakht Gunaahgar Hai....
ALLAH TA'ALA irshad Farmata Hai..."Aur Unse (Aurato Se) Acha Bartaw Karo"....
📓(Tarjuma: Kanzul Imaan Para 4, Sure Nisa, Aayat 19)
Sarkaar-E-Madina Sallallaho Alaihi Wasallam Ne Irshad Farmaya:- "Tum Me Ache Log Wah Hai Jo Aurato Ke Sath Achi Tarah Pesh Aaye"....
📗(Mishkat Sharif,Jild-2, Safa 282)
Sarkar-E-Madina Sallallaho Alaihi Wasallam Ne Irshad Farmaya:- "Aurat Ko Kisi Bade Kasoor Ke Kabhi Hargiz Hargiz Na Mare Jis Tarah Apne Gulaam Ko Mara Karta Hai Fir Dusre Waqt Usse Sohbat Bhi Kare"....
📗(Mishkat Sharif Jild 2, Safa 280)
Afsos!
Aaj Ke Kuch Jahil Naujawan Apni Biwi Ko Marte Hai.....
Ya ALLAH Hum Subko Apni Biwi Ki Izzat Karne Ki Taufiq Ata Farma... Aameen
Habib-E-Khuda Sallallaho Alaihi Wasallam Ne Irshad Farmaya:- "Koi Momin Mard Kisi Momin Aurat Se Bugz Wa Nafrat Na Rakhe Kyunki Agar Aurat Ki Koi Aadat Buri Malum Hoti To Uski Koi Dusri Aadat Pasandida Bhi Hogi".....
📗(Mishkat Sharif Jild 2, Safa 280)
Mehboob-E-Khuda Khatmunn Nabiyyin Sallallaho Alaihi Wasallam Ne Irshad Farmaya:- "Tum Me Woh Behtar Hai Jo Apni Biwi Ke Sath Behtar Hai Aur Me Apni Biwiyo Ke Sath Tum Subse Jyada Behtar Hu"....
📕(Ibne Maja Jild 1, Safa 551, Hadees No 2047,)
📕(Tirmizi Sharif Jild 1, Safa 595)
apni Biwi Ke Sath Acha Sulooq Karo. Uske Sath Muhabbat Se Pesh Aao. Biwi Ke Sath Narmi Aur Khushmijaji Se Bartaw Karo. Apne Biwi Se Ladai Jhagda Na Karo Pyare Aaqa Alahissalam Ki Sunnato Par Amal Karo
Aaqa Sallallaho Alaihi Wasallam Ka Farmane Aalishan Hai Ki...."Sabse Bura Aadmi Wah Hai Jo Apni Biwi Ko Sataye".
📚(Tabrani Sharif)
Hazrat Abu Hurera Radiallaho Ta'ala Anhu Se Riwayat Hai Ki Rasool-E-Akram Sallallaho Alaihi Wasallam Ne Irshad Farmaya:- "Jab Kisi Ke Nikah Me Do Biwiya Ho Aur Wo Ek Hi Ki Taraf Mayel Ho To Woh Qayamat Ke Din Jab Aayega To Uska Aadha Dhad Gira Hua Hoga".....
📕(Tirmizi Sharif Jild 1, Safa 584, Hadees No 1137,)
📕(Ibne Maaja Jild 1, Safa 549)
Habib-E-Khuda Sallallaho Alaihi Wasallam Ne Irshad Farmaya:- "Aurato Ke Sath Neki Ka Bartaw Karo Ki Unki Paidaish Tedhi Pasli Se Hui Hai Woh Tere Liye Kabhi Sidhi Nahi Ho Sakti Agar Tu Use Baratna Chahe To Har Haalat Me Barat Sakta Hai Aur Sidha Karna Chahega To Tod Dega Aur Todna Talaaq Dena Hai....
📚(Muslim Sharif)
Hajjatul Wida Ke Mash'hur Khutbe Me Huzoor-E-Akram Sallallaho Alaihi Wasallam Ka Irshade Girami Hai Ki... Aye Logo! "Aurato Ke Baare Me Neki Aur Bhalaai Karne Ki Wasiat Farmata Hu Tum Meri Wasiat Qubool Karo Beshaq Aurato Ka Tumhare Upar Haq Hai Tum Unke Pehnaane Aur Khilaane Me Neki Ikhtiyar Karo...
📚(Ibne Maja)
Madani Aaqa Sallallaho Alaihi Wasallam Ne Irshad Farmaya:- "Nikah Ki Shart Yani Mehar Ada Karne Ka Sabse Jyada Khayal Rakho".....
📘(Bukhari Sharif Jild 3, Safa 80)
Haq Mahar Ada Karna Shohar Par Wazib Hai Aur Ise Ada Karne Me Kotahi Karnewala Sakht Gunahgar Hai....
NIKAH KARNE KE BE SHUMAR FAIDE HOTE HAI AAIYE DALTE HAI EK NAZAR.
FAIDA:- 01. Nikah Sarware Alam Noore Mujassam ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ Ki piyari Aur meethei Sunnat-E Mubare- ka hai Aur jo Tajdare Ambiya ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢKi Sunnate Mubarika Se Muhabbat Rakhe wo Jannati hai..
Hadees-e pak Me Aata hai Jisne meri Sunnat ke Sath muhabbat ki Beshak Usne Mere Sath Muhabbat ki Aur jisne mere sath Muhabbat ki wo mere sath Jannat me hoga.. (Subhan allah).
Faida:- 02. Nikah ke Zariye Insan Apne Deen ki Hifazat karta hai, Aur Shahwat Jo Hathiyar hai Shaitan ka Use Apne Se dur karta hai, Tajdare Madeena ﺻﻠﻰ ﺍﻟﻠﻪ ﻋﻠﻴﻪﻭﺳﻠﻢ Ne farmaya, Jisne Nikah kiya Usne Apne Aadhe deen ko hifazat Me le liya-Neez Nikah Aulad ki Niyat se karna chahiye Shahwat ke liye Nahi.....
Faida:- 03. Nikah ke Fawaid me ye bhi hai ke Waldain ko Aulad ki Parwarishs Hafqat Uthana padhti hai Aur ye bat Ajr-e Azeem hai, Hazrat Abdullah bin Mubarak (ﺭﺣﻤﺖ ﺍﻟﻠﻪ ﻋﻠﻴﻪ ) Ek din Jihad Me Shareek the to Us Halat me Apne Sathiyon se farmaya ke tum Jante Ho ke koi Aisa bhi Amal hai Jo Hamare Is Jihad Wale Amal Se Bhi fauqeeyat Rakhat ho Doston ne Arz ki huzoor Baayan Farmayen, Tab Aap Ne farmaya wo Jihad Se Afazal Amal ye hai ke ki si Musalman ke Bachche ho,Un Bachchon ko Raat Sote Me kapdhe Utar jata hai to Baap Meethi Neend chhodh kar Un Bachchon ko Sanbhal ta hai,Un ko kapdhe se dhanpta hai Aur Ye Amal is Jihad wale Amal se afazl hai. (Subhan allah).
Faida:- 04.. Rasoolallah ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ Ne Irshad farmaya, Allah pak Jannat me kisi Momin bande ke darje buland karta hai to wo banda Arz karta hai,ya Allah pak ye Mere Darje kis wajah se buland kiye Gaye hain? Allah pak farmata hai , Aye bande Tere bete tere liye duwa Aur Isale Sawab kiya hai Us wajah Se Tere Darje buland kiye gaye hain.Isse Maloom huwa ke Insan ek Aulad Chhodh jaye to ye bahut bada Ina’am hai Aur ye Se Nikah ke Samrat Me se hai..
Faida:- 05. Hazrat Umar ﺭﺿﻰ ﺍﻟﻠﻪ ﻋﻨﻪ ka Qaul hai Iman ke bad Nek Aurat se Behtar koi Nemat Nahi hai
Faida:- 06.. Nikah ke fawaid Me Se ye bhi hai ke Shadi ke baad Agar Insan badkari Aur bad Nigahi se bachna chahe to ba Aasani bach sakta hai-Hazrat Abdullah bin Masood ﺭﺿﻰﺍﻟﻠﻪ ﻋﻨﻪ Se Riwayat hai ke Rasool Allah Sallahu Alaih Wa Sallam ka Irshad hai, Ay Naw Jawanon jo koi Tum Me se Nikah karne ki Taqat Rakhta hai to use Chahiye ke Wo Shadi kare kyun ke Shadi karne Se Bad Nigahi Aur bad kari se Bach Jaata hai, Agar kisi ko Nikah ki Taqat Na ho to wo Roze Rakhe kyun ke Roze bachaow ka Zaria hai
Faida:- 07.. Khuwaja Abu talib ﺭﺣﻤﺔﺍﻟﻠﻪ ﻋﻠﻴﻪ kitab (Quwwatul quloob ) Me Naqal karte hain ke Jab Aurat ke sath Uska Shauhar khelta hai Usko Muhabbat karta hai to usko Itni Nekiyan Milti hain Jitni Allah ko Manzoor hain, Aur Jab dono gusl karte hain to Allah pak paani ke har Qatre se ek farishta Paida karta hai jo Qiyamat tak Allah Pak ki Tasbeeh Bayan karta hai Aur Us tasbeeh ka Sawab Dono khawind beevi ko Ata karta hai.
PART END....
NOTE:- BARAE KARAM NICHE DIYE GAE NAAM AUR PAGE KE NAAM KO EDIT KARKE YA NIKAAL KAR HARGIZ AAGE POST NA KARE......
Jazakallahu khaira
ReplyDelete