Sawal : kheti k kiye Narmada canal me se paani electric motor k zariye nahi liya jaata.
Balki pipe line k zariye paani liya jaata he. Aur wo pipe line farmers k paiso se hi daali gai he. Iss soorat me zakaat me 20va hissa dena hoga ya 10va hissa? Plz Rehnumai farmaye.
Jawaab : Agar ye Paani begair Ujrat ke liya jaata hai Kisi ko is pani ki ujrat nahi di jaati to Is pani se hone wali kheti par Ushr (10 waan hissa) waajib hai
Sawal : Kisi k T shirt k piche jandar ki tasweer ho to namaz hogi ya nahi?
Jawaab : Kisi bhi Janib se Tasweer ka Saamna ho to un logo ki Namaz Makrooh e Tahrimi Waajib ul Iaada hogi jab ke usi Makan me ho.
Sawal : ek dost abhi umre ke liye gaye hai unka sawal hai ki. First umre ku pure sar ke baal nikal na ya chote kara sakte
Jawaab : Umra ke Baad Halaq yaani Pure Baal Mundaana Afzal o Sunnat hai.
Sawal : Kya pure saal me kabhi bhi saahib e nisab ho to fitra wajib he ya eid k.din sahib e nisab ho to wajib he?
Jawaab : Eid ul Fitr ke Din Jo Malik e Nisaab ho Us par Fitra Waajib hai ...
Sawal : Namaz Jane me aksar susti aa jati hai.. Koi wazeefa jiski kasrat karne se susti na aaye...
Jawaab : Laahaul Shareef ki kasrat karen
Sawal : Agar maghrib ki namaz me koi shaks ek raqaat baad aye aur jamaaat k sath he salaam pher le to kya namaz puri hoti h??? Ya usey namaz dohrani padegi???
Jawaab : Agar us ne Qasdan imam ke sath Salam pher diya to Namaz na hui Dobara parhe ... Aur Agar bhool kar imam ke sath Salam pher diya tha aur Koi Aisa kaam ab tak na kiya tha jo Munaafi e Namaz ho to Yaad aate hi Khada ho jaaye aur Baqiya Rekaat puri kar ke akhir me Sajda e Sahw kar le. aur agar us ne koi Munaafi e Namaz Kaam kar liya to ab Dobara Shuru se Namaz parhe
Sawal : Eid ki namaz me imam ne total 7 takbeere extra kahi.to is Surat me namaz me koi karahat hogi ya dohrani hogi.?
Jawaab : Imam ne 6 takbeer se zyaada kahi to muqtadi imam ki pairwi kare mager 13 se zyaada me Imam ki pairwee nahi (bahare shariat hissa chahaaram page 60)
aur Imam ko Chahiye ke Akhir me Sajda e Sahw kar le. Namaz Ho Jaayegi.
Sawal : Zaid Ne IDD ki namaz parhi namaz k baad pata chala k imam deobandi tha about zaid par kya hukm hoga. Dusri Surat ye Hai k agar ass pass koi Sunni masjid na ho to is Surat main namaz e idd kaise ada hoga?
Jawaab : Ager waqaee zaid ko khaber nahi thi to girift nahi ,bad mazhab Imam ke peeche koi namaaz jaaiz nahi.
Sawal : Assalam u alaikum huzoor Agar kisi ke paas sade saath tola se zyada sona hai aur kuch chandi aur kuch raqm bhi toh zakat sab cheezon ki mila ke nikaalni hogi kya? Aur sade saath tole se kam sona hai aur chandi bhi nhi aur kuch raqam bhi nhi toh zakat uspar dene ka kya hukm hai?
Jawaab : Kisi ke paas sona Aur chaandi hai, Ager dono nisaaben Hain to ye zuroor nahi ke sone ko chaandi ya chandi ko sona qaraar de kar zakat ada kare, balke har ek ki alaheda wajib hai ,
ager dono me se koi ba qadre nisaab nahi to sone ki qeemat chandi ya chaandi ki qeemat ka sona farz kar ke milaaye, agar sone ki qeemat ki chaandi ,chaandi me milaaye to nisaab ho jaati hai Aur chaandi ki qeemat ka sona me milaaye to nahi hoti ya bil aks ,to waajib hai ke jis se nisaab poori ho wo kare .
Sawal : Assalamu alaikum agar kisi wahabi janaze ki namaz koi wahabi padha raha ho aoar koi sunni bagair niyat kare logon ko dikhane k liye jamat m shamil ho to us sunni k upar shariyat ka kaya hukm nafiz hoga ba hewala jawab inayat farmayen.
Jawaab : Us wahabi ki Jamaat me shaamil Hona use izzat Dena hai ,or jis ne izzat ki us ne deen dhaane me madad ki. Baher Haal Zaid Zarur Tauba kare Aur Logo ke Saamne Is baat ko waazeh kare.
Sawal : Zaid ki readymade garments ki dukan hai to kya dukan mannequin mein rakh sakta
Jawaab : Agar Mujassama Waazeh chehre ke sath bana hua hai jaisa k Aksar dukaano me hota hai to Ye Jaayez nahi.
Sawal : Fazr ki qaza umri padhte waqt ye niyyat nahi ki k sabse pehli fazr ki qaza karta hu. Balki sirf yu kaha ki fazr ki qaza e umri padhta hu. To kya namaz ho jayegi?
Jawaab : Namaz e Farz o waajib ki qaza karte waqt us ke waqt ki Ta'yeen zaruri hai.. Mazkura Niyyat se Qaza Namaz Ada na hui .. dobara parhe.
Sawal : Ek 24 no ne mujh se phucha hai ki kya ALLAH Har jagah maujud Hai kya?
Jawaab : Allah Ta'ala Jagah se Paak hai, ye Lafz bahot bure Ma'na ka Ehtemaal rakhta hai is se ehteraz laazim hai. Wa-Allahu Ta'ala A'lam
Sawal : Zaid Jamaat ke sath tisri raka'at me join hua, lekin imam sahab ke Salaam ferne ke Bad do ki bajae Sirf ek raka'at padhi, use Salaam pherne ke Bad khayal aya, to kya hukma hai..?. Agar namaz firse lautani hai to kya use jama'at ke sath namaz ka sawab milega ya wo jata raha..?... Rahnumai farmaie hazrat.. Jazakallah..
Jawaab : Agar us ne Qasdan imam ke sath Salam pher diya to Namaz na hui Dobara parhe ... Aur Agar bhool kar imam ke sath Salam pher diya tha aur Koi Aisa kaam ab tak na kiya tha jo Munaafi e Namaz ho to Yaad aate hi Khada ho jaaye aur Baqiya Rekaat puri kar ke akhir me Sajda e Sahw kar le use Jamaat me shamil hone ka sawaab milega. aur agar us ne koi Munaafi e Namaz Kaam kar liya to ab Dobara Shuru se Namaz parhe...
Sawal : Zaid roze ki haalat me gusl karne gaya,waha usne zere naaf k gair zaroori baal ko saaf kiya,is dauran zakar me koi bhi tanao nahi tha.isse farig hone k baad usne istenja karna chaha to peshab nikalne se pehle kuch mani kharij hui phir peshab.bair haal zaid ne apna baaki ka din ek roze daar ki tarha guzara. Kya zaid ka roza tut gaya? Zain per kaza lazim hui aur kya kaffara bhi lazim aaya? Zaid kya kare? Bara e meharbani jawab inaayat farmaye.
Jawaab : Mazkoora surat me Jab ke Shahwat thi hi nahi aur Mani ka Ikhraj hua to Us par Gusl Waajib nahi aur nahi Roza Fasid hua ..
Sawal : Agar aurat marad ko ye khede ke mein tum teen talaaq deti hoon toh kya talaaq waqe hogi yaa nahi..
Jawaab : Talaq ka haq sirf Mard ke paas hai Agar Shauhar ne Talaq Supurd na kiya tha aur biwi ne khud Se Apne Shauhar ko Talaq ke Alfaz keh diye to Lugw hai is se Talaq Na hogi.
Sawal : Hazrat agar koi safer mein hai toh panch waqta namaz kitni ada kare Jaise fazr, zohar, aser, Magrib Aur Esha kitni rakat pade safer mein Hazrat baraye karam rehnumaye farmaye
Jawaab : Agar Waaqai wo Shar'an musafir hai to Har 4 Rekaat waali Farz Namaz 2 rekaat parhe ... Aur Baqiya Namazen Puri Usi Tarah Parhe.
Sawal : Namaz me Topi na pehenna kaisa h? ???? Aur pant lambi ho to usey fold karna aur shirt ki aastin fold karna kaisa h???? Aisa sawaalat puchne walo ko jawab dene nahi ata mujhe... Isliye jawab ata farmae
Jawaab : Aam taur par Namaz me Topi na pehnna namaz ke adab ke khilaaf bhi hai Aur sunnat ke khilaaf bhi aur ye najaayez hai , Aur Ager Namaz ko haqeer jaan kar parhta hai topi nahi pahenta to kufr hai.
Pant Shirt fold kar k namaz parhna makrooh e Tahrimi hai. Asteen agar aadhi kalaai se zyada fold ki hui hai to Namaz makrooh e tahrimi hai warna tanzeehi.
Sawal : Zaid kahta hai Wo kuch yad karta hai school ki padai ke talluk se wo use bhool jata hai aur jabki yad karne me use waqt lagta hai. Kiya kare wo jaldi yad karle aur bhoole na.
Jawaab : وعلیکم السلام Yeh mslaa umuman hr bachche ke sath hai, pabandi k sath waqt par rozana parhne bithaaen , Aur khane ka khyaal rakhen taqat war giza jism ki nasho nomaa ke liye zaruri hai, Kabhi bachche tanhaai ki wajah se parhne se katrate hain, Aap bhi unke sath thodi der baith jayen, Time table banade, Waqt ki pabandi rahi to har kaam asani se ho jaay gaa
Parhne se pahle Aur har kaam se pahle بسم اللہ parh liya kare
Hadees e paak hai
Jo kaam bismillah k bagaer shuru kiya jaaye woh na mukammal aur adhora hota hai.
Durood sharif bhi bhooli hui baten yaad dilati hai
Kitaab parhne se pahle 3 baar durood sharif Aur
الھم افتح علینا حکمتک وانشر علینا رحمتک یا ذا الجلال والاکرام
Iska wird karen
رب اشرح لی صدری ویسرلی امری واحلل عقدة من لساني یفقه قولی
Ilm ul Kalam ke Murattib apni jamaat ke sab se kamzor zahen the magar mustaqil mizaji ne unhe waqt ka Imam bana diya.
Aaj dunya e islaam ko unpr rashk aataa hai
Hazrat abu huraira رضی اللّٰــه تعالیٰ عنــــــــہ Ko bhi bhoolne ki shikayat thi Magr tarikh gawaah hai k sb se zyada hadees e paak aap hi ne riwaayat ki
Beshak Allah Ta'ala k Dast e Qudrat me hi Dilo air zehno ka pher dena hai.
Nigahen jinki hoti hai mustaqbil ke chahre pr, Wo mazi ki nakami ko dhuhraya nahi krte, nasheman pr nasheman is tarah tameer krtaa jaa, K bijli girte girte aap khud bezaar ho jaaye.
Sawal : Zaid ne fasl ek muharram ko kaati. Aur usse 2 saal tak store karke ghar me rakha. Uss par usr adaa karna kab waajib hoga? Aur kya ek hi din me sab adaa karni hogi? Agar 1 muharram ko adaa na ki aur 2-3 din takhir hui to gunahgaar hoga?
Jawaab : ushr Fasl ke k katne par ek hi baar waajib hai .. ab chahe wo Ek saal me do baar kate to do baar ushr dena hoga ya do saal me ek baar kate to ek hi baar ushr wajib hoga ... Zakaat o ushr ke farz hote hi us ka ada karna zaruri hai der karna gunah hai ... agar Do teen roz takhir hui to ye Muaaf hai haan zyada takheer na kare
Sawal : Aur kya advance me usr adaa kar sakte he? Maslan zaid iss saal gehu ki kheti karna chahta he. aur wo chahta he ki abhi se hi uska usr adaa karde to kya ye durust he?
Jawaab : kar sakta hai.
Sawal : kya makan lene k 6 ya 7 saal baad us pe loan le sakte hai.? usme bank se li huve amount pe interest dena hota hai. ak bhai ka sawal hai. rhenumaye kre.
Jawaab : agar waaqai majburi hai k Us ke paas Makan ki baqiya Raqam dene ke liye paise nahi to Wo Loan le sakta hai. Jab ke loan ki tamam qisto ko un ke waqto par ada karne ki qudart rakhta ho
Sawal : Hazrath hamare kuch doston ke bich ek baat hui ki. " Alcohol ki 2 kisme(type) Hai. Ek jaiez (Allowed) jaise clinic/hospital main use hone walla sprit/ Anesthesia ya cough/cold (khasi/sardi) syrup ya Gulf/Islamic countries main use hone walle perfume aur Ek Haram hai( Not Allowed) jaise wine.?
Aur kisi ko yeah bhi khete sunna ki Alcohol ke baare main Quran Sharif main bhi koi Zikr nahi hai? Hazrath Rehumaye Farmaye?
Jawaab : Ahnaaf ke nazdeek Har Muskir e Maa'e (Liquid jis me nasha ho) Haram hai ... Ab wo Chahe Jo bhi ho ... Rahi baat dawa ki to Agar Us ke Begair chaara nahi to us jagah Ulama ne Ba Qadr e Zarurat istemaal ki ijaazat di hai ...
Sawal : Gair zaroori sir ke Baal cut karane se ek bakra fidya Dena hoga kya yeh sahi hai? Aur moula ali raziallahutalaanhu ney yeh farmaya hai ke jis ney gair zaroori yani bila wajeh apna sir mundwaya us sir pe my chappal se marunga. Yeah qaul sahi hai ?
Jawaab : وعليـــكم السَّـــلام ورحمــة اللــه وبركاته Fidia waali baat durust nahi ... Yu hi Hazrat Ali رضی اللّٰــه تعالیٰ عنــــــــہ ki janib Mansoob qaul ka mujhe ilm nahi ... Haan Sadqa e Naafila dena behtreen amal hai.
Sawal : Assalamualaikum mufti sahab hamare ghar ke pas ki masjid me mozan sahab zohar padhate jo ki fasiq e molin hai ..dadi bhi kat tey aur bohat sari chiz shamil hai , is baat ko pure area k log bhi jantey hai...
mai wo dekh k tanha namaz padh raha tha, ajj masjid ki comitti wale mere ku bula ke bole ki mai alag namaz padke fitna kar raha hu, mere samjhane par wo log mere pe hi lan tan kar rahe the ki tum ku kya maloom tum alim hai kya mufti hai bolke...
mere bohat sare dost us namaz me shamil hotey the lekin sab tanha hi padh rahe hai.
ab wo log mujh par ilzam lagaye ki mere wajah se masjid khali hojari...
wo log bolre ki tum logo ko kyu bolre tumhari namaz tum padho logo ko kyu bhatkare? hazrat mera sawal ye hai ki kya log akar mujhse puche aur agar mai masla na batake koi bahana pesh kar sakta hu.
ya fir masla jaan kar na batane par qayamat ke roz meri pakad hogi.???? hazrat rehbari faramaye jazakallah khaira...
Jawaab : agar waaqai wo shaks fasiq e Mo'lin hai to us ke peeche Namaz Makrooh e Tahrimi hogi ... Agar koi pooche to zarur bataya jaaye ... ya Fitne ka andesha ho to us masjid me na jaayen.
Sawal : Mannequin ka chehra bana hua hai Aur aankhe bhi hai. Par zaid mannequin ka chehra rumal se dhank deta hai Aur aankho par kala chasma laga kar rakhta hai, Is Surat mein mannequin rakh sakte hai
Jawaab : behtar ye hai k us ke chehre ka naak naqsha mita ya bigaad diya jaaye.
Sawal : zaid ka sawal he ke ham jo full baju ka shairt ya zubba pahente he us me jo hand me batan hote he vo batton namaz me bandh na kare our khule chod de to namaz me kay karahat ayegi
Our agar baton tutd huvd ho to laya hukum hoga
Jawaab : Namaz Makrooh e Tanzihi hogi
Sawal : Jamat se tasbih ki namaz me imaam ne kirat suru ki Alhamd k bad 3 baar sure ikhlaas Or pehli bar sure ikhlaas khatm hui or muktadi ne galti se tasbih padhna suru kardi to uski namaaz ka kyaa hoga batade, Jazakallah
Jawaab : jaise hi Imam dobara Surah Ki Qiraat shuru kare muqtadi khamosh ho jaaye aur baad me Tasbeeh parhe ... Namaz ho jaayegi Magar Nafl Namaz ki Jamaat Makrooh hai
Sawal : Assalamu alaikum Ek wahabi kehta hai ki ya rasulalah sirf rozae uqdas ke samne hi bol sakte hai digar jagah pe bolna jaaiz ho to jawaz (subut) pesh karo. Hazrat rah'numai farmayen
Jawaab : Ahl e Sunnat o Jamaat ka Aqeeda hai k Allah ke Nabi Zinda hain .. lehaza Jis Tarah Zaahiri Hayaat e Tayyebah me Ap Door o Nazdeek Se Logo ki Faryaad Samaat farmaate ab bhi Usi Tarah Samaat farmaate hain ..
Door o Nazdeek k Sunne wale wo kaan
Kaan e La'l e karamat pe lakho salam
Sawal : Hazrat bina wazu k mobile se dkh kar quran sharif padhna jayaz hain?..aur agar quran sharif padhte waqt shoes ya chappal pehne hue ho to quran sharif padhna jayaz h?
Jawaab : Begair wuzu Quraan shareef ki tilawat jaayez hai chahe dekh kar ho ya begair dekhe ... Haan screen par Jahan Aayat e Kareema Nazar aaye us jagah Begair wuzu hath na lagaaye ..
Adab ka taqaza ye hai ke joote chappal utaar kar tilawat kare
Sawal : Hazrat Zaid kahta hai Asar ki Namaz padhne ke bad kiya jo Qaza Namaz hai use padh sakte hai jabki usne suna hai Asar Magrib ke bich waqt me kuch nhi karna chahiye, Kiya ye durust hai rahnumai farmaye pure masle par....
Jawaab : Agar Makrooh waqt na ho to Qaza Namaz parh sakte hain ... Haan ye hai k Logo ke saamne na parhe.
Sawal : Mufti sahab, ek admi pehle wahabi tha, bad me sunni ho gaya, uske bad usne apni wali masjid me ek water cooler tohfe ke taur par diya.. bad me ab firse wo admi wahabi ban gaya hai..... aur water cooler abhi bhi us masjid me hi hai.... ab kya hum uska diya huva water cooler me se paani pi sakte hai?? Baraye karam jawab inayat kafmaiyega...
Jawaab : ji Haan! Saare Masjid K Namazi Us se pani pi sakte hain is me koi Harj nahi
Sawal : Assalamo Alaikum huzur... Mobile pe Gana photo video ka dawnlordig ka bizness karna kaisa hai? Rehbari farmayen huzur... Mohammad irfan jharkhand
Jawaab : Is Tarah ka kaam Haraam hai k khud bhi gunahgar hua aur dosro ko bhi Gunah me Mulawwis kiya
Sawal : Jo log Mulk Se Bahar aisi jagah me Rahte Jaha Sunni ki Mashjid Nahi hoti hai to waha Namazo k liye kya kare khususan Juma k lite
Jawaab : Agar waaqai wahan koi sunni imam nahi milta to apni tanha Namaz parhe aur Juma ke din bhi zohar ada kare ..
Sawal : Hazrat agar recording main koi sura sun raha hu aur us main agar aayate sajda aajaye to Kya sajda wajib hoga
Jawaab : Recording me aayat e sajda sun lene se Sajda wajib na hoga
Sawal : السَّـــــلام علـــــيْكم ورحمَــةُ الله وبركاتــــُه
kya Farmate hain Olma-E-deen Wa Muftiyane Shehre Matin IsMasle me...
1⃣ Shaher ki Ruyate Hilal committee ne Phone par dusare Shaher se Chand ki gawahi li (jisse nam Khabare mustafiz kaha gaya) aur idd ke Chand ka Aelan kiya gaya aur shaher ki masajido se vahi gawahi ka Aelan kar diya gaya, To wohi gawahi se shaher me dushare din eId ho jayegi? Agar nahi huye to vaha ke rahnewalo ke liye kya sharai huqm hoga?
2⃣ Agar issi Shaher ke kuchh afrad koi tishre Shaher se sharai gawahi lekar aaye aur voh gawahi kuchh (2-3) Ulma k samne pesh ki gayi Lekin ye gawahi ka aam Aelan na kiya gaya, To ye gawahi jiss jiss afrad ke pas personally pahochi aur ye gawahi jiss jiss afrad k pass phone ke jariye pachonchi, To iss tarah se sharai gawahi jiss k pass pahonchi uss ki Idd huyi? Ya Ye gawahi se pure Shaher walo ke liye Idd ho gayi? Ya Idd me kharabi aayi? To shariyat ka kya huqm hoga???
✴ Hazrat Rahnumai farmaiye
Jawaab : وعليـــكم السَّـــلام ورحمــة اللــه وبركاته
1⃣ Hukm e Shar e Mutahhar ye hai k jis jagah chand hua to wo sirf wahin ke liye nahi hai balke puri dunia ke liye hai ... Magar dosri jagah ke liye us chand ka hukm us waqt hoga jab k wahan us din tareekh me chand hona suboot e sharai se sabit ho jaaye.
Dosri jagah chand ka suboot us waqt hoga jabke Shahadat, ya Shahadat Alash Shahadah, ya Shahadah alal Qaza, ya Kitab ul Qazi ilal Qazi, ya Khabar e Mustafeez wagaira Turuq e hilal ke zariye chand ka hukm ho.
Telephone, Mobile,Redio, TV wagaira se isbaat hilaal nahi ho sakta. Ruyat e hilal commetti ka mahez TV wagaira ki khabar sun kar ya Mobile, Telephone wagaira ki Ittela par Eid Ke Chand ka Elan karna Hukm e Shara ke Sarasar khilaaf hai.
Jin logo ne aisa kiya wo tauba karen aur Aainda ehtiyaat barten.
Alahazrat Imam e Ahl e Sunnat Sayyedna Imam Ahmad Raza khan Fazil e Bareilawi Quddisa Sirruhul Azeez ne Istefaaza ki jo Tashreeh o Tafseel Fatawa Razavia me bayan farmaayi us ka khulasa ye hai k
" jis islami shaher me Haakim e Shara' Qazi e Islam ho k Ahkaam e hilal usi ke yahan se saadir hote hain ya jahan Qazi e Shara nahi to Mufti e Islam marja e Awaam ho k Ahkam e Roza wa Eidain usi ke fatwe se naafiz hote hain wahan se Muta'ddid jama'aten aayen aur sab yak zabaan apne ilm se khabar den k fulaan din bar bina e ruyat roza hua ya Eid ki gayi.
Ya Dosre Shaher se Jamaat e Kaseera aayen aur sab bil ittefaq bayan karen k wahan hamare saamne Aam log apni aankh se chand dekhna bayan karte the jin ka bayan muris e yaqeen e shara'i tha. Jab Jamaa'at e Tawaatur Jamaa'at e Tawaatur se un ki ruyat ki naaqil hai to ruyat bil yaqeen sabit ho gayi ab shahadat ki haajat na rahi" ...
Is me saaf sareeh Muta'ddid jama'ato ka aana ya Jama'at e kaseera ka aana mazkoor hai ... lehaza bahot saare phone aane ya fax ya sms wagaira milne ko is par qayaas nahi kiya ja sakta .. lehaza bareilly shareef ki shara'i concil of India me bhi Huzoor Tajussharia Madda zilluhun Noorani wa deegar muftiyan e kiram ka isi par ittefaq hua k fax ya telephone wagaira se istefaaza nahi ho sakta. Wa-Allahu Ta'ala A'lam
2⃣ Jo Hazraat Shahdat e Shara'iyyah le kar aaye unhe chahiye k wo Us shaher ke Bade Sunni Sahih ul Aqeeda Aalim ke saamne Shahadat pesh karen aur Wo Aalim Chand ka Elaan kare ... Baher haal Agar un logo ki baat mash'hur na hui tab bhi Un ki Eid Shar'an Sahi hui .. wa-Allahu Ta'ala A'lam
Sawal : Ye Shair Kahna Kaisa Hai.
"Bachna Saka Khuda bhi
Mohabbat Kay Taqazo Se"
Ek Mahboob Ki Khatir
Dono Jahan Bana Dala....
Jawaab : Khalis Be Adabi o Gustakhaana andaz hai Aisa kehne wala Tauba kare
Sawal : Gusl lete waqt admi bagair koi kapda pehne naha sakta hai ya fir taiban ya kisi kism ki shorts ( trunk , boxer etc ) pehanna zaroori hai aur jab Gusl lekar woh kapde pehanta hai tab toh woh sharamgah aur atraf ki jagahon ko pochta hai aur chaddi paijama pehente waqt sharamgah khul jati hai toh kiya usse kapde pahen k firse wazu karna padega ya fir uska gusl baki raha . Woh kapde pehenkar namaz pad sakta hai ya tilawat e Quraan e Majid kar sakta hai.
Rehnumai Farmaiye Huzur Muftisahab Qibla
Jawaab : Agar Aisi Jagah Gusl karta ho k Jahan kisi ke dekh lene ya Aa jaane ka andesha na ho to Bar'hana naha sakta hai magar is tarah nahate waqt ye khyaal rahe k Qibla Rukh Na ho ... behtar yahi hai k Kuch pahen kar nahaaye magar Safaayi Na hone ka waswasa ho to Kapre nikaal kar acchi tarah pani baha le ..
Sharmgaah khul jaane ya Nazar aa jaane ya dekh lene se Wuzu nahi Toot'ta ... Haan Wuzu kar lena Mustahab hai. baher haal Wo Usi Gusl se Tilawat o Namaz wa Deegar Ibadaat kar sakta haj
Sawal : ألسَّــــلاَمُ عَــــلَيْكُمْ وَرَحْمَةُ اللَّهِ وَبَرَكَاتُ
Hazrat zaid ne eid milan ki party rakha tha us party me muslim aur gair muslim hazrat ne shirkat ki thi to kya ayesi party me shareek hona sahi hai aur jo sunni sahiul aqeeda shaksh is party me shareek huva ho us par kya hukm hoga ?
Hazrat kisi bhai ne yeh sawal kiya hai. Rehnumayi farmaye.
جَــزَاك اللــه خَيــرَالْجــزَاء
Jawaab : Kaafiro se Muwalaat yaani Mel jol dosti Na jaayez hai ... Begair kisi Shar'i zarurat ke un se milna aur party karna jaayez nahi ... Aisi party me jo shareek hon wo Tauba karen ... Aur Musalmano se Mel jol Rakhen ..
Qur'an e Paak me hai لاتقعد بعد الذكرى مع القوم الظٰلمین
Yaad aane ke baad Zaalimo ke sath mat baith ..
Huzoor e Akram ﷺ ne irshad farmaya اياكم و اياهم In se door raho aur inhe apne se door karo.
Sawal : Kiya hum Quran Shareef kaa App hamere mobile store kar sakte hai?
Jawaab : Sahi Qur'an shareef ka app Mobile me store kar ke Rakhne aur us se Tilawat karne me koi Harj nahi hai ... Haan jab Screen par Aayaat e Kareemah hon to Adab malhooz rahe aur begair wuzu screen par hath na lagaayen
Sawal : Kisi ne Ghar aur karobaar par loan le rakha hai aur WO hajj par ja raha hai kya aisy surat me uska hajj hoga ? Barae karam Rahnumayi farmaen.
Jawaab : ji Haan Aisi halat me bhi us ka Hajj Zarur ho jaayega
Sawal : Assalamualaikum Hazrat. Zaid ka sawaal hai ke nikah ke din ladka ya ladki nifil roza rakhna chahe to kar sakte hai? Roze ki halat me nikah ho sakta hai?
Jawaab : ji haan Roze ki Haalat me bhi Nikah ho sakta hai ... Haan Is Haalat me Jima karna Haraam hai.
Sawal : Assalamu alaikum warahmatullahi wabarakatuhu Hazrat Eid k baad Jo 6 roze rak the hai kya uski fir se eid hoti hai. Agar hogi tog kya 5 roze k baad eid bana sakte hai, Sarkar Jawab hawala ke saat Inayat farmaye please Janab
From Fahim Sarguroh Qadri Razwi
Jawaab : Shawwal ke 6 Rozo se Muta'lliq Ahaadees e Kareema waarid hai k Jis ne Ramzan ke Roze Mukammal Kiye Aur Shawwal ke 6 Roze Rakhe to Goya wo Pure Saal Roza Raha ...
Shawwal ke Rozo ke Baad Eid Manana Kisi Hadees se Saabit Nahi aur Na hi Khushi Manane ki Mumaana't hai Lehaza jo Khushiyan manaayen aur Allah Ka Shukr Ada karen un ke liye koi Harj nahi ...
Sawal : Assalamualaikum hazrat ye sawal ek islami bahen ki taraf se hai.." mere liye jo bhi rishta ata hai mai isteqara karti hoo aur hamesha jawab me nahi ki bashart hoti hai aur wo rishta se mai inkaar kardeti hoo...lekin har baar yahi jawab ata hai..mere ek frind boli ki is tarah totally isteqara par depend nai hona chahiye ,kabhi apne samjhne me farq hojata hai...kya ye baat durust hai ki isteqara par totally depend nai hona chahiye""" hazrat rehnumai faramaye jazakallah khaira
Jawaab : Istekhara Is liye kiya jata hai ke Dil Mutmain Ho Jaaye Zaruri nahi ke Har Ek Ka Istekhara sahi bhi ho .... Haan Wo Istekhara jo Hadees se Saabit hai Agar Sahi taur par Kiya jaaye to Ummeed Hai K Sahi Janib Dil Jam jaaye
Sawal : Aslamualeykum hazarat kya hum ghar me waliyo'n ke naam se charaga kar sakte hein kya ye quraan aur hadees se sabit hein
Jawab inayat kare
Jawaab : Ujaale karna Maqsad ho Ya Sajaawat ke liye ho to Mubaah hai Warna yu hi Chraag jalana jis ka maqsad na ho Israaf me dakhil hai. Haan Agar Aseb ya Jadu Wagaira balaao Se Hifazat ke liye Kahin Charaag Kuch Roz ke Liye Jalaya jata hai to utne dino tak ke liye ijazat hogi
Sawal : kya Napaki halat me koraansareef padh sakte hain hazrat jawaab inayat rarmain
Jawaab : Napaaki ki Halat me Yaani jis par Gusl farz ho use Qur'an ki tilawat karna ya Chhoona Haraam hai ...
Sawal : I have one question that ponders me all the time, People while eating drink water with left hand and take support of right hand and they take it as it is drunk by right hand only, Is this allowed ????
Hazrat jawab de kar rehnumaiye farmaye
Jawaab : It is not being drunk by the right hand, if one let's go of the left hand the glass will fall ,hence it's being drunk by the left hand ,this should not be done.
Sawal : kya Lal(Red) ya Pilla(Yellow) rang ke kapde pehen kar namaz padhe toh Namaz pe koi faraq padhe ga?
Rehnumaye Farmaye.
Jawaab : Namaz ho jaayegi Aur Huzoor e Aqdas ﷺ ne bhi Ek Martaba Surkh libas zeb tan farmaya aur Eid ki Namaz Parhaai jaisa ke Hadees e Paak me hai ... Haan Jo Zaafran se Ranga hua Kapra ho to wo mardo ko pahenna haraam hai aur use pahen kar Namaz makrooh e Tahrimi hogi
Sawal : Hazrat jo shaks Ramzaan me umrah kiya aur eid bhi wahi kiya hay to us pe isi saal hajj farz ho gaya, rehnumayi farmaye
Jawaab : Agar wo Is Baat par Qadir hai ke Wahan Hajj tak ruk sake aur koi qanuni Pareshani na ho to Us par Hajj farz hai ... isi tarah agar wo Wapis aa kar Hajj ke mauqe par wapis jaane par qadir hai to us par Hajj farz hai ... Warna Hajj farz na hoga
Sawal : Hazrat agar ghadi me dial metal ka ho aur belt leather ka ho to usey pehen kar namaz ho jayegi ?
Jawaab : Ji Haan Agar Dial Metal ho aur Leather ya plastic patta ho to aisi ghadi pahenne ki ijazat hai aur Ise pahen kar Namaz bhi ho jaayegi ... Ye Yaad rahe k Metal sona chandi na ho
Sawal : Kisi ka inteqaal ho jaye oor ye pata na ho ki wo sunni tha ya wahabi tha tou uskai liye, Inna lillahi wa inna ilaihee rajeeun, Ye padhna kesa??
Jawaab : us se Muta'lliq khamoshi ekhtiyaar ki jaaye jab ke Tahqeeq na ho kyu k Kisi Kafir ko Musalman janna kufr hai... Rahi Baat انَّا للّٗہِ وَ انَّا الیہِ راجعونْ ki to Ye Aam Taur par Musalmano ke Inteqal par Padha jaata hai Agar is parhne me Kisi Kafir ke Mutalliq musalman ka aqeeda rakha to Kufr lazim aa jaayega ... lehaza khamoshi Hi me Aafiyat hai jab tak k Us se Mut'lliq ilm na ho ..
Isi tarah se us shaks ke liye bhi hai jis ke baare me shak ho k ye mushrik tha Dua e Magfirat na ki jaaye k ... Kafir ke liye Dua e Maghfirat kufr hai.
Sawal : Ek shaks kehta hai ki uskey peer madaari silsiley se hai aur woh ek peer ke pas jaata hai apna ruhaani elaaj karaaney woh peer sahab kehtey hai ki tumhey woh madaari ney merey pas tumhaara elaaj karney bhejha hai
♦ Huzoor kya huzoor badiuddin madar raddhiallahu anh ne silsila khatm kar diya ya nahi agar kiya hai to jo silsila ko jaari maane ya koi peer se murid ho kya unpar kuch hukm hoga ya nahi huzoor jawaab inayat farmaye
♦ Fhir bhi woh shaks or woh peer maadari silsiley waaley peer ko maanrahey hai, Haawaaley ke saath bataey...
Jawab : silsila e Madariya Se Baiat Hona Jaez Nahi Ke Ye Silsila Sokht Hai Jaisa Ke Hazrat Meer Abdul Wahid Balgarami Ne Saba Sanabil Sharif Ke Dusre Sumbula Men Tahrir Farmaya Aur Saba Sanabil Sharif Woh Kitab Hai Jo Sarkaar Aqdas صلى الله عليه وسلم Ki Bargaah Mein Maqbul Hai Jaisa Ke Hazrat Shaah Kalimullah Chishty عليه الرحمه Ne Bistr e Khawaab Par Alam e Waqiya Men Dekha - Mulahiza Ho -
اصح التواريخ جلد اول ٦٨امأ ثرالكرام صفحه ٢٩ اور كاشف الاستار صفحه ٤١
Madariyon Ke Sawal Ka Jawaab Ye Hai Ke Alahazrat Imam Ahmad Raza Mohaddis e Barelvi رضى الله عنه Ko Silsila e Madariya Men Baiat Karne Ki Khilafat o Ijazat Nahi Thi Balke Is Silsila Ke Sirf Azkar O Ashkaal Ki Ijazat Hasil Thi - والله تعالى اعلم
Sawal : alamalykum hazrat mera ek sawal hai k ek khatoon ne roza rakkha aur subha 11 baze usko napaki ka khun aaya to kiya roza raha k khatm hogaya lekin pura din phir usko napaki nahi hui jawab inayat pharmay badi mehrbani hogi aur yen roze shawal k rakhe the agar Roxanne khatm hogaya to 2 roze baking hai kiya woh bhi baad me rakhe jayenge
Jawaab : Walaikum Assalam agar zahwae kubra se pahle Khoon Aya To Use Ikhtiyaar hai ke who khae Lekin zahwae kubra ke baad Aya To Woh rozedar ki Tarah Guzar de agar period ki Tarikh ke hisaab se Khoon Aya khawaah who ek boond hi ho Aur din bhar nahi aya to to who Napaki Mein hi Shumar Hoga والله تعالى اعلم (Aurton Ke Masail)
Sawal : Kya farmate h ulmae ahale sunnat Ramzan m isha ki jamat zaid ne padhai or traveeh k baad vitr ki jamat hafiz ne padhai to is par kya huqm h kya is tarah do alag alag imam namaz padha sakte h?
Jawaab : Imam e Masjid Razi ho aur Hafiz ne Isha ki Namaz Jamaat se Ada ki ho to us ke Vitr ki Imamat karne me koi Harj nahi .
Sawal : kya farmate h ulmae ahle sunnat Eid ul fitr ki namaz barish ki wajah se masjid m padhai gyi jagah na hone ki wajah se do jamat ki gyi pahali jamat m jis jagah musalla bicha tha kya dusri jamat m uski jagah badalni jaruri h ya usi jagah usi muslle par namaz ho jayegi rahnumai farmae?
Jawaab : mazkoora surat me Imam usi jagah Imamat kar sakta hai jis jagah Pehli jamaat ki Imamat ki gayi ...
Sawal : Zaid mumbai me ek jagah se dusri jagah itne long route se gaya ki 92km se jyaada ho gaye. Kya usse qasr karni hogi?
♦ Aur qasr me jo 92km ka distance he wo ghar se count karna hoga ya shaher ki aabadi khatam hone se?
Rehnumai farmaye. Jazakallaho khair
Jawaab : Masaafat e Safar Ghar se Shumar ki jaayegi ..
Sawal : Zaid boisar jata he clg k liye .... Bandra station se boisar station 89 km hai. Aur college boisar station se 7 km ki doori par he. Lekin college boisur city k ander hi he..
Ab sawal ye he ki zaid college me qasr padhega ya puri namaz padhega? Aur boisur station par qasr padhega ya puri? Rehnumai farmaye. Jazakallaho khair
Jawaab : agar waaqai Boisar Shaher e Mumbai se Baaher hai aur Mumbai aur Us ke Darmiyaan gair Abaad ilaqa hai to bisar me wo qasr parhega ... Agar che abhi 92 km na hua ho
Sawal : Assalamoalekum Mufti Sahab,
Main apne ghar se 100 km ki doori par 1 din gaya vahna she doosri jagah 130 km ki doori par usi deen nikal gaya aur fir jahna gaya vahna 3 se 5 deen rehne ka iraada hai par Masla yeh tha ki ab jis jagah mai 3 -5 deen rukne wala hoo vahna se mera ghar 30 km hi hai to mujhe Namaz Kasr padni hogi ya farz Aur doosra Masla he ki jub hum par Kasr farz ho to Jamaat ke sath namaz kis tarah pade.
Hazarat Rehnumai Farmayega.
Jawaab : Mazkoora surat me Ap apne Shaher se baaher hain to 4 rekaat wali farz Namazo me Qasr hi Waajib hogi. Haan Agar kisi Muqeem Imam ki iqteda ki to puri parhi jaayegi
Sawal : jis jagah par namaz padhate hai us jagah par dukan banana or us ke upar ke manjil par jamaz padhana jaiz hai. Hazrat jawab inayat farmaye. Aameen
Jawab : jo jagah shar'an masjid ho aur wahan namaz hoti ho to ab jadeed tameer men use dukan karna jaayez nahin
Oh jagah tahtasassara se laa makaan tak masjid hai aur masjid ko badal kar dukan banana haraam hai
والله تعالٰی اعلم
Sawal : Kya farmate hain mufti is masale mein K aik sakhs jo sharab ka aadi h usne nashe ki halat m aik bar m 3 talaq di, Or talaq talaq ko 3 martaba nhi balki 6 martaba bola hai, Us sakhs ka aasaibi ilaj bhi chal raha h or dr ka bhi ilaj chal raha haii, Jb ye baat ladke k walid ko pata chali to ladke k walid ne us sakhs ko mara jis pr us ladke ne gusse or sharab ki halat m baap sai bhi hathapai ki
To kya uski talaq waqai ho gai
Jawaab : Sharab ki Halat me bhi agar kisi shaks ne apni biwi ko Talaq di to Waaqe ho gayi ...
Sawal : hazrat mera sawal hai ki asr or isa ki char rakat sonnate gayer mokida olekada tahyat padhne ke bad darode ibrahim or doaye masora padhna jarori hai or darode ibrahim na padha to kiya harj hai is ka jawab inayat farmaye Mo siddeeque gujrat vapi
Jawaab : Qa'da e ula ke baare me unho ne poocha hai... gair muakkada ke Qa'da e ula me bhi Dua o durood parhna chahiye, ye behtar hai.... Agar na parha to bhi harj nahi.
Sawal : Shauhar khud apne nikah ke liye apni biwi ka wakeel ban sakta hai?
Jawaab : Agar Aurat ne Mard ko wakeel kiya ke apne sath mera nikah kar le.... ab us mard ne do gawaaho ke saamne kaha mai k ne fulaan (muakkila ka naam) se apna nikah kiya to nikaah ho gaya is me qubool ki bhi zarurat nahi.
Sawal : Assalam u alaikun huzoor koi shaks agar jahalat mein shariat ko bol bachchan keh de toh us par kya hukm hai.
Aur samjhane par aur ehsas hone par tauba kar lein toh kya agar woh shaks nikah mein hai toh kya usko tajdeed e nikal karna bhi hoga tauba karne ke baad bhi. Rehnumaayi Farmaaye.
Jawaab : Agar Bol bachan Ka Matlab Bakwas ho kisi Shariat ke Hukm e Qatai Se Muta'lliq ye lafz kaha to Tauba Tajdeed e iman o Nikah kare ...
Sawal : agar kisi ka brain hemorrhage ki wajah se inteqaal ho jaye to Blood nikalta rehta hai Agar kafan me khoon laga jaye to kya kafan napaak rahega?
Jawaab : waise khoon khoon najis hai or murde ki nijasat ke baare men bahare shariat me hai, Badan paak hone se murad ye hai k use gusl diya gaya ho ya gusl na mumkin hone ki surat me tayammum karaya gaya ho aur kafan pehnane se pehle us ke badan se nijasat nikli to use dho daala jaaye aur kafan pehnane ke baad me nikli to dhone ki zarurat nahi.
Aur kafan paak hone ka matlab ye hai k paak kafan pehnaya jaaye aur baad me agar nijasat nikli aur kafan Aaluda hua to koi haraj nahi. (Bahar e Shariat)
Sawal : Gosht ke sath haddi khana kaisa Hai awam me aisa mashur Hai ki haddi nahi khana Hai aisa koi havala Hai shariyat me kya hukm Hai is par roshni Dale haddi chaba ke halak ke niche utarna kaisa hai
Hazrat Rahnumai farmaiye
Jawaab : Haddi ka Shumar un Ajza me nahi jin ka khana Khana haraam hai ... Haan wo haddi Jo Sakht ho aur Nuqsan deh us ka Khana Makrooh hai aur wo Haddiyaan jo narm hon un ke khane me bhi Harj nahi
Sawal : Kia farmate hai ulama e Deen is masle me ke Aaj Kal market me machcharon ( mosquitoes ) se bachne ke liye ek tarah ka Machchar Bat ( mosquito bat) aaya hai usse electric shock Lagta hai, jisse machchar ko marte hain, machchar us mosquito bat ki jaali se takra kar jal jata hai, kabhi kabhi machchar ke jalne ki bhi badboo aati hai, Kia hum is tarah ke Mosquito bat ka istemaal kar sakte hain????
Is machchar Bat ka kharid o farokht karna jaaaiZ hai??
بينوا توجرو
Jawaab : Jala kar maarna Mamnu hai. Bukhari shareef wa Tirmizi shareef wagairah me ye Hadith hai ke Huzoor SallAllahu Ta'ala Alayhi wa sallam ne farmaya ان النار لا يعذب بها الا الله
Ke aag se Azab dena sirf Allah ke liye hai lehaaza is se bachna chahiye (Mulakkhasan Fatawa Amjadia jild 4 page 162)
agar uss bat ka iste'mal sirf machhchhar maarne ke liye hi hota hai iss ke alawah or koi jayez kam men iate'mal nahin hota to iss ka khareed o farokht durust nahin. Wa-Allahu Ta'ala A'lam
Sawal : Aadam Alaihissalam Har Saal Haj Karne Ke liye Jaate The Kaba Shareef Tha Nhi, Tawaaf Kiska Karte The?????
Jawaab : Khana e Kaaba Sab se pehle Hazrat Adam Alaihissalam ne Farishto ki Madad se Ta'meer kiya tha .. lehaza us waqt bhi Kaaba Maujood tha
Sawal : fasiq ko salam karna unki ta'azeem karna kaisa he?
Jawaab : Fasiq e Mòlin ko salam karna aur us ki tàzeem Makrooh e Tahrimi Hai..
Sawal : Zaujain ke beech SOHABAT nahin hui... aur teen talaque de diye , ab dobara nikah karna chahte hain kya ab bhi HALALAH zaroori hai?
Jawab : agar khalwate saheehah ho chuki ho to be halalah dobarah nikah nahin ho sakta
or agar khalwate saheehah nahin hui or 3 talaqen de di to agar ek hi lafz se teeno talqen di maslan yun kaha tujhe teen talaq to iss surat men bhi be halalah nikah nahin ho sakta
han agar mutafarriq alfaaz se teen talaq diya maslan yun kaha tujhe talaq talaq talaq to iss surat men sirf ek talaqe baayen waaq'e hogi or be halalah dobarah nikah ho sakta hai
Sawal : Shauhar khud apne nikah ke liye apni biwi ka wakeel ban sakta hai?
Jawaab : Agar Aurat ne Mard ko wakeel kiya ke apne sath mera nikah kar le.... ab us mard ne do gawaaho ke saamne kaha mai k ne fulaan (muakkila ka naam) se apna nikah kiya to nikaah ho gaya is me qubool ki bhi zarurat nahi.
surat e masoola me Kya wakeel banne k liye gawaah ka hona jaroori he?
Sawal : fasiq ko salam karna unki ta'azeem karna kaisa he?
Jawaab : Fasiq e Mòlin ko salam karna aur us ki tàzeem Makrooh e Tahrimi Hai..
Sawal : HAZRAT MAI APNA SAWAAL EK BAAR PHIR DOHRA DETA HU K AAPNE KAHA ALAIHISSALAM AMBIYA AUR FARISHTO K SAATH KHAAS HAI LEKIN IMAAM BUKHARI NE EK BAAB BAANDHA HAI JISME UNHONE HAZRATE FATIMA ZAHRA ALAIHISSALAM KAHA AUR HUM MUSALMAN HAZRATE MEHDI K NAAM K AAGE ALAIHISSALAM KAHTE HAI JAWAB INAYAT FARMAIYE جزاك الله
Jawaab : Islami qaayeda hai k Badmazhab qaum ke sath kisi tarah bhi Mushaabihat na ho, un se Mushabihat ke tamam tareeqe tark karne chahiye .
Wajah zaahir hai k Sunni Bhola Bhala hai use Shia Apne Mazhab me laane ki kai Tadbeeren bataate hain
Ek yahi hai k 12 Imamo ke liye Duaaiya Jumla "Alaihis Salam" Tajweez kar rakha hai jo kisi dosre Ummati ke liye Istemaal nahi hota hai balke keh nahi sakta Abu Bakar Alaihis Salam, Umar Alaihis Salam, Usman Alaihis Salam, balke in Hazraat ke sath Razi-Allahu Ta'ala Anh ka Iste'mal hota hai.
Awaamun Naas ye sab kuch dekhte hain aur agar wo khud is taraf mutawajjeh nahi hote to Jamaa't e Mujtahideen un ko mutawajjeh karti hai aur un ko ye dikhati aur samjhati hai k ye Du'aaiya jumla jo Hazraat e Ambiya e kiram Alaihimus Salam ke Mubarak naamo ke sath bhi bola jata hai hamare aimma ke naamo ke sath bhi bola jata hai.
Isi se zaahir o baahir hai k ye 12 Afraad zumra e Ambiya me shamil hain aur un ki imamat Ma'mooli imamat nahi balke Hazraat e Ambiya e Maa Sabaq ki imamat hai.
Faayeda : Agar Baaz Ullama ki tahqeeq Baraaye Gair Ambiya Alaihissalato wassalam ya Alaihissalam kehne ko jaayez qarar dete hain aur un ke qaul par Koi Amal karta hai to wo pehle un 2 hazraat (Hazrat Abu Bakr, Hazrat Umar) ke sath is ka istemaal kare jo Ahl e Sunnat o Jamaat ke nazdeek shia ke 12 imamo se ba ittefaq afzal hain aur wo Hazrat Abu Bakr Aur Hazrat Umar رضی اللّٰــه تعالیٰ عنــــــــہما hain.
mujawwizeen ne agar jawaaz ka bayan kiya hai to tamam sahaba ullama o sulaha ke liye kiya hai sirf Ahl e Bait e At'haar ke 12 afraad ke liye nahi kiya hai.
In halaat ko dekhte huye hazraat e ahl e bait e at'haar رضی اللّٰــه تعالیٰ عنــــــــہم ke zikr ke waqt lafz e alaihis salam ki dua karne ko tark kiya jaaye taake Shia Awaam e Ahl e Sunnat ko Gumraah na kar saken...
Sawal :
1⃣ Kya aurat mard ko phone par wakil banaa sakti he?
2⃣ Aurat ne uss mard ko apna waqil kiya jisse wo nikah karna chahti he. Kya wo mard ka gawaho k samne ussi majlis me Yu kehna hoga ki mene usse nikah kiya ya fir majlis badal kar bhi keh sakte he?.
Jawaab : phone par bhi Aqd e Nikaah ka wakeel banaya ja sakta hai aur Wakeel ke ijab o qubool ke liye Majlis ki qaid nahi ..
Sawal : Qawwali ke bareme kya hukm hai. Sunna chahiye ya nahi.... Kya Hazrat Makhdoom Ashraf Ashrafi (Rahematulla Alayhe) Kichhauchha Sharif, bhi Qawwali sunte the. Ye Sahi hai?
Jawaab : Mazaamir ke sath Qawwali Haraam hai Agar Dhol taasho ke sath Is Tarah ki Majlis ho to us me har giz shirkat na kijaaye ... Buzurgaan e deen se Aisa kuch saabit nahi k unho ne mazameer ke sath qawwali ko suna ho
Sawal : Assalamualaikum hazrat hamare madarse me lunch ke time me quran shareef ko loudspeaker pe play karte hai...aur pure madarse ne wo awaz goonj ti hai....lekin koi bhi use ghour se nahi sunte.. kya aisa lagana durust hai ya quran ko tawajjo se na sunne par koi hukum hoga??
DUSRA sawal ye hai ki hamara madarsa masjid ke first floor pe hai to bohat sari ghalatiya hoti hai baate karna khana khana waghaira mai jab molvisahab ko bataiya ke ye masjid ki hurmat ke khilaf hai to wo bole ki ye first floor hai aur ye madarse ke hukum hai.. kya baat durust hai hazrat rehnumai farmaye
Jawaab : Agar Quraan ki tilawat ka record Sunaya jaaye tab bhi zaruri hai k adab malhooz rahe warna band kar diya jaaye ... Masjid Ki Chhat bhi Masjid ke Hukm me hai Us pe Khel kood Hansi Mazaaq Gunah Sakht gunah hai
Sawal : Hazrat kya ye hadees sahi hai.? Hazrat jawab innayat farmaye.?
DAWATE ISLAMIC OR SUNNI DAWATE ISLAMIC🔻 DI or SDI KI POL
HADEES E PAAK
Hazrat-E-Abu Saeed khudri Riwayat Karte hai ke Rasool-E-Paak (Sallallahu Ta'ala Alaihi Wabaraka Wasallam) ne farmaya K Meri ummat ma se 70 Hazaar Aadmi jis ke Saro par Sabz (Hari) Chadare hongi Dajjal ki itaat qabul kar lenge....
Jawaab : Mazkoora Riwayat me سيجان ka lafz aaya hai jo ke ساج ki jama hai aur us ka Ma'na sabz imama har giz nahi balke kutub e lugat me saaj ke ye Ma'aani darj hain.
Siyah rang ki chadar, sabz rang ki chadar, mota kapra, taarkol se kaale dhaage se bana hua kapra, gol chadar, saakhu ka darakht wagaira.
Ibn e Arbi ne kaha k سيجان kali chadar ko kehte hain aur is ka waahid ساج hai.
Dosri baat ye k Hadees me jin 70 hazaar afraad ka zikr hai wo Musalman nahi balke yahudi hai yaani Hadees me ummat se ummat e ijaabat muraad nahi hai balke ummat e Daawat murad hai.
Jaisa ke Hadees me hai k As'fahaan ke 70 hazar yahudi dajjal ki pairwi karenge (Muslim)
lehaza is riwayat ko Sabz Imaama baandhne waale musalman par Mutabiq karna saraasar galat hai.
Teesri baat ye k Muslim Shareef ki Riwayat se ye pata chala k wo log As'fahaan se honge na k pakistan se.
Chauthi baat ye k sawal me mazkoor riwayat par Muhaddiseen ne Jarah farmaayi hai aur Aksar ne ise Mauzu qarar diya hai ..
Al-Haasil Sarkar Tajussharia Madda Zilluh ul Aali Ne DI SDI ko na Gumraah farmaya aur Na Kafir Balke ye Musalman hain ... Haan Ye Zarur Farmaya k Ye Log Maslak e Alahazrat ke Muballig nahi Yaani In Ka Tareeqa e Kaar Sahi na hone ki bina par inhe Tableeg ka haq nahi lehaza in ke Ijtema'aat me Shareek na hon ...
Aur Jo Log Inhe Kafir Kehte hain Un ke paas Is ki Thos Daleel nahi ... Aur Bila wajah kisi Riwayat ko In par Thopna Ye Wahabiya Diyaabna ka Tareeqa hai .. Is Se Ijtenab zaruri hai ... wa-Allahu Ta'ala A'lam
Sawal : اسلام علیکم و رحمۃ اللہ و برکاتہ.
Ek school he jo 24 (wahabi) ke under me he aur jo aadmi sunni he wo school me clerk he
Wo wahabi us sunni aadmi ko aaj ki tarikh me 4000 salary deta he aur jabki govt grant k hisab se 25000 salary honi chahiye. ...lekin wo wahabi us school ka main he unki sign k bina permanent letter nhi milega aur govt se salary nhi aayegi usne shart rakhi he 40 din jamat me jane tab hi permanent letter denge warna wo 4000 salary pe hi rakhega kyuk wo 5 saal se govt grant ki umid pe waha job pe he agr abhi wo job chod de toh unke itne saal ki mehnt bekar hojayege...wo maslake aala hazrat ko manne wale he jo job krte he ab wo kya kre is haal me ki us wahabbi ne permanant krne k liye shart rakhi he????????,?
Barae karam Rehnumai Farmaye..
Jawaab : Us Sunni Bhai ko Chahiye ke Allah Par Tawakkul Kare Aur Us Naukri ko Chhor de jis me Aqeede Par Hamla Kiya jaaye ... In Sha Allah Allah Rizq Ataa farmaayega Us Jagah se Jahan us ka Wahem o Gumaan bhi na ho
Sawal : Hazrat ek shakhs ka kehna hai ki, Uski tabyat jab bahot kharab thi tab woh sabhi jagha hajri diya jawab mey yahi aaya ki bas abhi tumhaara time khatam yaha tak key gaus paak radi allahu taala anhu ki baargah mey bhi haazri diya toh yahi jawab aaya ki ab tumhaari jindagi itni hi hai phir woh hazrat zindah shah madar radi Allah taalah anhu ki baargah mey gaaya toh jawab aaya ki abhi tumhaari jindagi hai
♦ Hazrat ye shaks gaya nahi hai, Phir bhi paata nahi kaisey haazri diya hai
♦ Hazrat kya gaus paak se Na jawab aaney par bhi hazrat zindah shah se jawab haa ho sakta hai kya, Hazrat rehnumayi farmaiye
♦ Hazrat ye shakhs ka ye bhi maanna hai ki maadar silsila khatam nahi huwa hai, Ulmaa ka iktelaaf hai Ya ha tak ki aalahazrat radi allahu taala anhu ko bhi khilaafat hai madar silsiley se, Hazrat rehnumayi farmaiye
Jawaab :
1⃣ tamaam Auliya E Kiraam Allah Ke Mahboob Bande Hain Mazkoora waaqae se kisi ki Fazeelat ko saabit kiya jaana galat hai ... Allah Jab jis pe Chahe fazl o karam farmaaye .. Kya Allah Is Cheez par Qadir Nahi?
2⃣ silsila e Madariya Se Baiat Hona Jaez Nahi Ke Ye Silsila Sokht Hai Jaisa Ke Hazrat Meer Abdul Wahid Balgarami Ne Saba Sanabil Sharif Ke Dusre Sumbula Men Tahrir Farmaya Aur Saba Sanabil Sharif Woh Kitab Hai Jo Sarkaar Aqdas صلى الله عليه وسلم Ki Bargaah Mein Maqbul Hai Jaisa Ke Hazrat Shaah Kalimullah Chishty عليه الرحمه Ne Bistr e Khawaab Par Alam e Waqiya Men Dekha -
Mulahiza Ho -
اصح التواريخ جلد اول ٦٨امأ ثرالكرام صفحه ٢٩ اور كاشف الاستار صفحه ٤١
Madariyon Ke Sawal Ka Jawaab Ye Hai Ke Alahazrat Imam Ahmad Raza Mohaddis e Barelvi رضى الله عنه Ko Silsila e Madariya Men Baiat Karne Ki Khilafat o Ijazat Nahi Thi Balke Is Silsila Ke Sirf Azkar O Ashkaal Ki Ijazat Hasil Thi - والله تعالى اعلم
Sawal : Agar koi shakhs kisi alim ke bare me burayi kare to kia us sakhs ki namaj uske pichhe hogi
Jawaab : Namaz ho jaayegi Magar Makrooh hogi Aur Bila wajah kisi Alim ko bura kehne wala gunahgar hoga
Sawal : Asslamu alykum Hazrat mazrat ke saat Arz kar raha hun pahele maine sawal kiya tha shayad aapki najr se chut gaya hoga kya badmazhabo ki islah ke liye unko deen ki sahi dawat dene ke liye unko hum Apne program ijtime me bula sakte hain ya Nahi ❓❓❓baraye mehrbani jawab inayat farmaye JazakALLAH khayar...
Jawaab : Tableeg e Deen ke liye Kuffaar ko bulana aur unhe deen ki Daawat dene ki Ijaazat hai Is Shart ke sath k Un se Kisi Tarah ki Dosti ya Bila Haajat Un se Talluqat na rakhe jaayen
Sawal : Koi shakhs kisi sunni sahi ul aqeeda shakhs ko aaj ke daur ka abdullah bin ubayy kahey to uspe kya hukm lagega. Hazrat rehnumayi farmaye. جَــزَاك اللــه خَيــرَالْجــزَاء
Jawaab : Abdullah Bin Ubai Munafiqeen ka sardar tha .. kisi Sunni Musalman ko Abdullah bin ubai kehna sakht Lafz hai .. Aisa kehne wala Ehtiyaatan tauba o tajdeed e Iman kare ..
Sawal : Hazrat sawaal ye hai k jaise humlog college wagaira mein saath mein padai likhai karte hai phir koi behrune mulk chala gaya aur aaj kal to whatsapp ka ZAMANA hai number ek doosre k paas REHTE hai jab koi Muslim behrune mulk se laut kar aaiga to uske saath padne waale kuch gair Muslim log Milne k liye bulae to kya unse yaani kuffaro se mila jaa sakta hai??
♦ Beyroone mulk se agar koi cheez laai maslan chocolate wagaira to kya saath mein PADNE LIKHNE waale kuffaro ko de sakte hai????
Jawaab : Kuffar o Mushrikeen se Bila zarurat e Shara'iyyah kisi tarah ka Mel jol Jaayez nahi ... Aur Dosti Wagaira Muwalaat Bilkul Jaayez nahi.
Sawal : Gair muslim hindu ya christian neighbour ya padoshi ke yaha koi mar jaye to hum waha Bethne ( ko jaa sakte hai?
Jawaab : Gair Muslim bimar Pade to us ki iyaadat ko jana Aur Mar jaaye to Ta'ziyat karna Na jaayez hai
Sawal : HAZRAT mera ye sawaal hai k kisi shaks ne hinduo ka tyohaar jisme wo log kuch din tak naachte gaate hai usme shirkat ki jab ki usse pata tha ye galat hai musalmano ko iski ijazat nahi phir Bhi wo usme naacha kyunki uske kuch dost GAIR Muslim hai phir usse nadamat hui k usne galat kiya uske baad usne tauba ki tajdeede imaan Bhi kiya lekin us shaks ko abhi tak ye KHAUF Sata raha hai k wo phir IMAAN waala hua ya nahi kyunki jaanbujkar usne hinduo k tyohaar mein dance kiya tha masti mazaak mein jawab INAYAT farmaiye
Jawaab : Agar Sacche dil se Tauba kar li to Allah Tauba Qubool Farmane wala Maherban hai ... Quraan E Paak ka Irshad hai
وهو الذي يقبل التوبة عن عباده ويعفو عن السيئات.
Wahi Zaat hai jo Apne Bando ki Tauba Qubool Farmata hai aur Gunaho ko Bakhshta hai..
Sawal : Hazrat ek sawal hai, Ek Muslim Ladka ek Hindu Ladki ko bhahen (sister) mante hai kya uss see Rakhi Ban sakte hai... Hazrat Jawab Inayat farmaiye
Jazak'Allah hu khair
Jawaab : Qur'aan e paak ka irshad hai
"Momineen hi bhai bhai hain"
Kisi hindu larki ko apni bahen manna Haraam k Kaafir se kisi tarah ke muwalaat jaayez nahi, Aur Rahi baat rakhi bandhne ki to ye bhi sakht gunaah hai balke Agar is Gair muslim Tahwaar ko accha samjhe to aur sakht hukm hoga.
Sawal : Ek mera dost hai uski dukan me Rakhi bechra jayaz hai ya nahi, Hazrat iska Jawab ata farmaye
Jawaab : Najayez hai k ek hindu tahwar ki tash'heer karta hai...
Sawal : Assalamualaikum hazrat rehnumayi farmae ye kehna kaisa????
Koi insaan kisi insaan ko kya deta hai,,
Banda to bahana hai khuda deta hai,,
wo Jahannam b mujhe de to karu shukr adaa,,
Koi apna hi samjh kar to sazaa deta hai....
Jawaab : Ye Kisi Jahil Shaayer ka Sher hai Wo Jahannam Jisse Saari Makhlooq panaah maange use pane sher me ek Mamuli si cheez bana dena Gunah par jari hone ki janib ishara hai aise Ash'aar se Parhez laazmi hai
Sawal : Kya Farmate hain ulema e Deen is masale me, Delhi ki aik masjid Mai Jume ki Namaz me Namzi kafi tadad m hote hain, Khutbe k Doran kuch afraad chanda karte hain, Jisse kuch log khutba sunte Mai chanda dete hain, Kya ye tariqa chanda karne ka jaiz hai...??? Or Jo khutbe k Doran chanda dete hain bol kr Kya unki Namaz ho jaegi Jawab ata farmae
Jawaab : khutba ke Adaab se hai ke Us waqt khamoshi ikhtiyar ki jaaye aur Aur Adab ke sath baith kar Khutba suna jaaye ... is dauraan chanda karna jaayez nahi aur na hi is waqt chanda diya jaaye ...
Sawal : Huzoor muslim hukumat main mandir ke liye apne desh main jaga dena kaisa? Kya hukum hai aisi hukumat ke liye?
Jawaab : Hukm ye hai k Kuffar ko un ke Haal par chhor diya jaaye ... aur is baat par Raza mandi ka izhaar na kiya jaaye
Sawal : promotion aur marketing ke liye kuch website me product free me sale hota hai. Kya isse free order karna aur use use karna jaiz hai.
Jawaab : Agar Ba Taur e Hiba Koi Cheez mil rahi ho to Use Lene me Harj nahi ... Ya Kisi Kafir Company se Koi Maal Free me Kisi Tarah mil sakta ho jis me Gadr o Bad Ahdi na ho to Lena Halal hai
Sawal : Jab Hamari Koi Behen Ki Shadi Ho Jati Hai Toh Woh Apne Baap Ka Naam Nikal Kar Apne Sohar Ka Naam Likh Leti Hai. Kya Aesa Karna Sahi Hai..???
Barae karam Rehnumai Farmaye...
Jawaab : kisi aurat ka Apni Pehchan ke liye Apne naam ke sath Apne Shauhar ka Naam Bhi Istemaal karna Jaayez hai ... Haan Apna Nasab Badal lena Haraam hai Jaise ke wo Aurat Ansari ho aur Kisi khan se Nikah hone ke baad apne naam ke aage khan Istemaal kare ye Haraam hai ..
Sawal : MUFTI SAHAB IS SAWAL PAR TAWAJJU KIJIYE, MATURIDI OR ASHA'RI KISEY KEHTE HAIN...??? IS BAAREY ME COMPLETE DETAILS INAYAT KAREY... JAZAAK'ALLAH KHAER
Jawaab : Jis waqt Mo'tazila Aur dosre gumraah firqon k nazariyaat phailte jaa rahe the.
Allah Ta'aala ne ummat e Muhammadiyah ki hidaayat wa(aur) rahnumaayi ke liye Aise rijaal wa afraad ko muntakhab kiya jinho ne deen e haneef aur aqaayid e haqqah ki hifaazat wa himaayat wa siyaanat ka kaam bade a'ala darajaat aur munazzam tareeqe se anjaam diya.
Aur mulhideen wa zanadiqah wa firq e Dwaallah (gumraah firqo) k auhaam wa nazariyaat ka adillah wa baraaheen ke zariye bhar poor rad kiya.
Aur mo'tazilah aur deegar firaq e dwaallah k intishaar k ba'ad ALLAH TA'ALA ne'' Shaikh abul hasan ash'ari aur shaikh abul mansoor ul maturidi ko paida kiya.
Lihaaza in dono buzurgon ne aqaayid e ahl e sunnat ki hifaazat wa himaayat ka kaam badi mehnat e shaqqah k sath shuru kiya
Aur sahaabah wa taabaeen k aqaayid ki hifaazat wa siyaanat ka zimmah uthaya''
Aur apne zabaan wa qalam se dalaayil e naqliyah wa aqliyah se us ka isbaat kiya
Aur mustaqil kutub wa taaleefaat me aqaayid e alhl e sunnat ko jama kiya.
Aur sath sath Mo'tazila aur un k nikalne wale deegar firaq e dwaallah k shub'haat wa nazariyaat ka bade zor o shor se radd kiya.
Lihaaza is ke ba'ad tamaam ahl e sunnat ash'ari ya ma tureedi kehlaane lage..
Aur ye nisbat is liye zaroori thi taake deegar firaq e dwaallah se imtiyaaz wa farq waazeh rahe.
Lihaaza is k ba'ad in do aimmah ke manhaj par chalne waale log ahl e sunnat kehlaaye........
Sawal : Asslamu Alaikum Warahmatullahi wabarakatuh Hazrat Ek Sawal hai ki Zaid ki Zohar ki Namaz Qaza hogayi Hai Zaid ne Bajamat Asar ki Namaz Padh li Ab Zohar ki Qaza Pad sakta hai Ya nahi Rahnumai Farmayen
Jawaab : surat e Mas'oola me Agar zaid saheb e tarteeb nahi to wo zohar ki qaza parh sakta hai jab ke Makrooh waqt na ho
Sawal : Assalamalykum hazrat ek sawal yeh hai ki zaid ne apni biwi ko kha k tu apni maa k ghar chali ja nahi to talaq dedunga ladki apni maa k ghar agai to kiya talaq hui?is bare me rehnumai farmai . is baat ko 7 month gujar chuke hai ladki abhi bhi apni maa k ghar pe hai .
Jawaab : mazkoora jumla "tu apni maan ke ghar chali ja nahi to talaq de dunga" is se Talaq waaqe na hogi.
Sawal : Mufti sahab kibla Jaid ka sawal hai khwab main bht saary sanp (snakes) dekhy itny zada thy k jaisy un ki barish ho rhi ho... or jis janwar ka nam leny sy zbaan napak hojati ha wo b bht dkhy ak ne mujh py hamla b kya..... or us j baad meri ankh khul gaee....Rahenumai farmaye JazakALLAH kair
Jawaab : Saanp ka dekhna Dushman ki alaamat hai Apni Hifazat ke liye Sote waqt Ayat al kursi aur Surah falaq surah naas parh kar damm kar len... kisi janwar ka naam lene se zabaan napaak nahi hoti
Sawal : Aurat namaz kab padhe aya mard ki jamat k bad ya pahle kon sa tariqa behtar hai...?????
Jawaab : behtar ye hai k Muhalle ki Masjid ki azan ke baad Hi Namaz parhi jaaye. Jamaat ka intezar na kare...
Sawal : Meri office mai ek Banda hai Mubarak ali. Unka sawal hai ke musale kaise bane shafi,Hanfi, Hambli, maliki??
Please iska Jawab pure ahtimam se chahiye aur asar ki Namaz shafayi hazraat pehle asre mai Q padte hai aur kya Hanifi Hazraat ki namaz shafayi imaam k peeche hogi ? Mufti sahab Rehnumai farmaye.
Jawaab : Jab ap mareez hote hain to Ap ki Aql kya kehti hai k ap kis ke paas jaayen? Engineer ke paas? Baniye ke paas? Ya doctor ke paas?
Zahir hai k aql doctor ke paas jane ka hukum karti hai.
jab insan khud shariat se waqif na ho aur jahannam me jaane se bachne ke liye shariat par Amal karna chahta ho to Masaail poochne ke liye kis ki taraf ruju kare? Alim e deen ki taraf? Ya jahil ki taraf? Aql e saleem yahi kehti hai k us ki taraf ruju kiya jaaye jo deen ke Ahkam me waqif ho aur Alim e deen ho.
Wo Alim e deen ya khud deen me specialist hoga ya kisi specialist ke nusqe ko batayega usi specialist ko mujtahid kehte hain aur us ke fatwe par Amal karne ko Taqleed.
Islami Shariat ki aslan 3 buniyaden hain.
1⃣ Allah ki kitaab (Qur'an majeed)
2⃣ Sunnat e Rasool ﷺ (Hadees e Nabavi)
3⃣ ijma e Ummat.
Kitabullah asl ul usool hai, aur sunnat kitabullah ki tashreeh hai, aur ijma e ummat baaz sunnat ka bayan hai.
Kitab o sunnat ke Ahkam ki koi na koi illat zarur hoti hai, albatta kabhi wo illat zahir hoti hai aur kabhi makhfi (poshida) , makhfi illato ko Muta'iyyan karna bahot dushwar hai, is kaam ke liye badi diqqat e nazar ki zarurat hoti hai.
ummat ke baaz Ahl ullah se Allah ne ye khidmat li jin ki Qur'an o Hadees aur Mizaaj e Shariat par Gahri aur puri nazar thi, ummat ka siwaad e Azam salafan wa khalfan qarnan baad qarnin un ki imamat aur jalalat e shan ka qaayel hai.
makhfi illato ko muta'iyyan kar ke naye naye masaail ke Ahkam Ma'loom karne ka naam ijtehad hai, aur Ilal e Mutlaqa par gair Mansoos masaail ko muntabiq kar ke illat e Mushtarika ki bina par mansoos hukm ko gair mansoos ke liye sabit karne ka naam qiyaas hai. Lehaza qiyaas ki buniyad kitabullah o sunnat aur ijma e ummat hi hai.
Is se Maloom hua k Aimma ke Mujtahidaat (ijtehadi masaail) yaani fiqh haqeeqat me hadees hi ka nateeja hain, hadees ke muqabil me koi nayi cheez nahi hai, neez is se ye bhi Maloom hua k ijtehaad aur qiyaas karna har ek ke bas ki baat nahi jabke masaail par chaahe qadeem hon ya jadeed shar'an amal karna zaruri hai.
is liye ummat ke qabil e etebar ulama e deen ka kisi ek imam ki taqleed par ijma hai.
Khususan is zamaane me jabke shariat par Ama karne ke liye himmaten past hain, nafs me khwahishat ka dakhal hai aur khud raayi ka galba hai.
Agar Admi ko bilkul azad chhor diya jaaye k wo jis mazhab aur jis imam ki pairwi karna chahe pairwi kare to chunke is zamane me khwahishat ka galba hai, Admi apni garz aur khwahish ke mutabiq jo surat har mazhab me se apne matlab ki paayega ikhtiyar kar lega, aur jo us ke matlab ke khilaf hoga us ko na maanega.
aisi surat me Deen to rahega nahi, garz aur nafs parasti reh jaayegi. K kabhi us imam ki taqleed karen jo Kisi wajah se nikah ko fasid qarar dete hain aur kabhi us imam ki jo durust qarar dete hain apni garz aur khwahish ke mutabiq aur is tarah amal karna bil ittefaq na jaayez hai.
Isi wajah se Ulama ne Aimma e Arba'h me se kisi ek ki Taqleed ko lazim aur zaruri qarar diya hai.
Kisi Hadees ka fee nafsihi sahi hona amal ke liye kafi nahi jab tak ye Maloom na ho jaaye ye hadees gair mansookh ya gair mu'awwal hai.
Aimma e Arba'h ke aqwaal mukhtalif kitabo me maujood hain jin me un hazraat ne waazeh taur par kaha hai k hamari har us baat ko maano jo Qur'an o Sunnat ke Muwafiq ho aur jo Khilaf ho us ko mat maano.
matlab ye hua k wo apne aqwsal par Amal ki Targeeb de rahe hain aur ye bhi bata rahe hain k in ke aqwal Qur'an o Sunnat ki Mukhalifat nahi karte, lehaza is se un ki Taqleed ka hukm un ke apne Aqwal se saabit hua.
Asr ki Namaz Jis waqt Hanafio ke nazdeek waqt nahi hota shafayi ke piche parhna durust nahi.
Asr ke waqt me Aimma ka ikhtelaf hai Aur Shawaafe ke nazdeek mufta bih qawl ye hai k Asr ka waqt Misl e Awwal ke baad hota hai jab ke Ahnaf ke nazdeek mufta bih qawl ye hai k Asr ka waqt misl e saani ke baad hota hai.
Agar Shafayi imam Ahnaf ke Mutabiq Sharaait o Faraaiz ka Lehaz kare to us ke peeche Hanafi ki namaz ho jaayegi magar behtar ye hai k Hanafi imam ke peeche hi Namaz parhi jaaye. Wa-Allahu Ta'ala A'lam
Sawal : Hazrat kisi Aurat ne mannat mani ho ki me falaah kaam hone per itni ta'daad me (Example 5000) Darood e Nariyah ya Digar wazaif ka wird karungi
Toh ab woh mannat puri hone par aas paas pados ki Auraton ko bula kar ya kisi ko (hadiya) paisa de kar ye wird karwana jayez hai?
Ya jis ne woh mannat maani usi ko hee woh wird karna chahiye? Baraye Maherbaani Rehnumayi Farmaaye, Jazakallahu khairal jaza'a
Jawaab : Agar us ne Ye Minnat maangi thi k Wo khud Itni Ta'dad me durood e paak parhegi to wo khud parhe ... dosro se na parhwaaye...
Sawal : Hazrat kisi bhai ke ye do sawal hai rehnumai farmaiye...
1⃣ Ladies Eyebrow aur waxing karwa sakti hai?
2⃣ Bht se log bolte hai kafir se byaj le sakte hai Hindustan mein le sakte hai
Jawaab :
1⃣ eyebrow banwana yaani Use Nochwana Haraam Sakht haraam aur Hadees me aisa karne wali par Laanat aayi hai haan hath pair ke baal saaf karne me harj nahi
2⃣ Kisi Hundu ya dosre kafir se Kisi Tarah Zyada raqam lene ki ijazat hai ye sood nahi balke use nafa samjhe
Sawal :
"नीयत" कितनी भी अच्छी हो,
दुनिया आपको आपके दिखावेसे जानती है,
और "दिखावा कितना भी अच्छा हो
"उपरवाला" आपको नीयत से जानता है......
क्योंकि हम ऐसी दुनियां में रहते है,
जहाँ
नकली निम्बू पानी
(Limca, Sprite)
से आपका स्वागत होता है,
और असली निम्बू पानी
(Finger bowl)
हात धोने के लिए दिया जाता है।
Hazrat ALLAH TA'ALA ke liye "uparwala" kehne par koi hukm hai ???
Jawaab : upar waale se Muraad agar Allah Ta'ala ke liye Jagah Muta'iyyan karna maqsood hai to ye Gumrahi hai ... Aur Agar is se Murad Rab Azza wa jal ki Buzurgi wa bartari murad hai to jaayez hai ... magar upar wala kehne se Ehteraz karna chahiye
Sawal : Hazrat 1 sawal hai, Hamare okha shahar me yeh tariqa hai ki maiyat qabr me dafn hone ke bad Azan padhi jati hai aur azan ke bad mukhtasar duaa padhte hain to sawal yeh hai ki duaa azan ke bad moazzin qabrastan se bahar Aajaye uske bad padhi jaye ya moazzin qabrastan me hai aur duaa padhi to koyi harj to nahi jawab inayat farmaye
Jawaab : Qabr par Khade ho kar Dua ki jaaye aur Baad e Dua Azan di jaaye ... Agar is ke bar aks kiya tab bhi koi harj nahi
↪ ANSWER BY:
(Mufti) Maqsood Akhtar Qadri Sahab Qiblah
Khalifa E Huzoor Taajush Sharia.
Khdim al-Ifta Razavi Amjadi Darul Ifta
50/ New Qazi Street Mumbai 400003.
Balki pipe line k zariye paani liya jaata he. Aur wo pipe line farmers k paiso se hi daali gai he. Iss soorat me zakaat me 20va hissa dena hoga ya 10va hissa? Plz Rehnumai farmaye.
Jawaab : Agar ye Paani begair Ujrat ke liya jaata hai Kisi ko is pani ki ujrat nahi di jaati to Is pani se hone wali kheti par Ushr (10 waan hissa) waajib hai
Sawal : Kisi k T shirt k piche jandar ki tasweer ho to namaz hogi ya nahi?
Jawaab : Kisi bhi Janib se Tasweer ka Saamna ho to un logo ki Namaz Makrooh e Tahrimi Waajib ul Iaada hogi jab ke usi Makan me ho.
Sawal : ek dost abhi umre ke liye gaye hai unka sawal hai ki. First umre ku pure sar ke baal nikal na ya chote kara sakte
Jawaab : Umra ke Baad Halaq yaani Pure Baal Mundaana Afzal o Sunnat hai.
Sawal : Kya pure saal me kabhi bhi saahib e nisab ho to fitra wajib he ya eid k.din sahib e nisab ho to wajib he?
Jawaab : Eid ul Fitr ke Din Jo Malik e Nisaab ho Us par Fitra Waajib hai ...
Sawal : Namaz Jane me aksar susti aa jati hai.. Koi wazeefa jiski kasrat karne se susti na aaye...
Jawaab : Laahaul Shareef ki kasrat karen
Sawal : Agar maghrib ki namaz me koi shaks ek raqaat baad aye aur jamaaat k sath he salaam pher le to kya namaz puri hoti h??? Ya usey namaz dohrani padegi???
Jawaab : Agar us ne Qasdan imam ke sath Salam pher diya to Namaz na hui Dobara parhe ... Aur Agar bhool kar imam ke sath Salam pher diya tha aur Koi Aisa kaam ab tak na kiya tha jo Munaafi e Namaz ho to Yaad aate hi Khada ho jaaye aur Baqiya Rekaat puri kar ke akhir me Sajda e Sahw kar le. aur agar us ne koi Munaafi e Namaz Kaam kar liya to ab Dobara Shuru se Namaz parhe
Sawal : Eid ki namaz me imam ne total 7 takbeere extra kahi.to is Surat me namaz me koi karahat hogi ya dohrani hogi.?
Jawaab : Imam ne 6 takbeer se zyaada kahi to muqtadi imam ki pairwi kare mager 13 se zyaada me Imam ki pairwee nahi (bahare shariat hissa chahaaram page 60)
aur Imam ko Chahiye ke Akhir me Sajda e Sahw kar le. Namaz Ho Jaayegi.
Sawal : Zaid Ne IDD ki namaz parhi namaz k baad pata chala k imam deobandi tha about zaid par kya hukm hoga. Dusri Surat ye Hai k agar ass pass koi Sunni masjid na ho to is Surat main namaz e idd kaise ada hoga?
Jawaab : Ager waqaee zaid ko khaber nahi thi to girift nahi ,bad mazhab Imam ke peeche koi namaaz jaaiz nahi.
Sawal : Assalam u alaikum huzoor Agar kisi ke paas sade saath tola se zyada sona hai aur kuch chandi aur kuch raqm bhi toh zakat sab cheezon ki mila ke nikaalni hogi kya? Aur sade saath tole se kam sona hai aur chandi bhi nhi aur kuch raqam bhi nhi toh zakat uspar dene ka kya hukm hai?
Jawaab : Kisi ke paas sona Aur chaandi hai, Ager dono nisaaben Hain to ye zuroor nahi ke sone ko chaandi ya chandi ko sona qaraar de kar zakat ada kare, balke har ek ki alaheda wajib hai ,
ager dono me se koi ba qadre nisaab nahi to sone ki qeemat chandi ya chaandi ki qeemat ka sona farz kar ke milaaye, agar sone ki qeemat ki chaandi ,chaandi me milaaye to nisaab ho jaati hai Aur chaandi ki qeemat ka sona me milaaye to nahi hoti ya bil aks ,to waajib hai ke jis se nisaab poori ho wo kare .
Sawal : Assalamu alaikum agar kisi wahabi janaze ki namaz koi wahabi padha raha ho aoar koi sunni bagair niyat kare logon ko dikhane k liye jamat m shamil ho to us sunni k upar shariyat ka kaya hukm nafiz hoga ba hewala jawab inayat farmayen.
Jawaab : Us wahabi ki Jamaat me shaamil Hona use izzat Dena hai ,or jis ne izzat ki us ne deen dhaane me madad ki. Baher Haal Zaid Zarur Tauba kare Aur Logo ke Saamne Is baat ko waazeh kare.
Sawal : Zaid ki readymade garments ki dukan hai to kya dukan mannequin mein rakh sakta
Jawaab : Agar Mujassama Waazeh chehre ke sath bana hua hai jaisa k Aksar dukaano me hota hai to Ye Jaayez nahi.
Sawal : Fazr ki qaza umri padhte waqt ye niyyat nahi ki k sabse pehli fazr ki qaza karta hu. Balki sirf yu kaha ki fazr ki qaza e umri padhta hu. To kya namaz ho jayegi?
Jawaab : Namaz e Farz o waajib ki qaza karte waqt us ke waqt ki Ta'yeen zaruri hai.. Mazkura Niyyat se Qaza Namaz Ada na hui .. dobara parhe.
Sawal : Ek 24 no ne mujh se phucha hai ki kya ALLAH Har jagah maujud Hai kya?
Jawaab : Allah Ta'ala Jagah se Paak hai, ye Lafz bahot bure Ma'na ka Ehtemaal rakhta hai is se ehteraz laazim hai. Wa-Allahu Ta'ala A'lam
Sawal : Zaid Jamaat ke sath tisri raka'at me join hua, lekin imam sahab ke Salaam ferne ke Bad do ki bajae Sirf ek raka'at padhi, use Salaam pherne ke Bad khayal aya, to kya hukma hai..?. Agar namaz firse lautani hai to kya use jama'at ke sath namaz ka sawab milega ya wo jata raha..?... Rahnumai farmaie hazrat.. Jazakallah..
Jawaab : Agar us ne Qasdan imam ke sath Salam pher diya to Namaz na hui Dobara parhe ... Aur Agar bhool kar imam ke sath Salam pher diya tha aur Koi Aisa kaam ab tak na kiya tha jo Munaafi e Namaz ho to Yaad aate hi Khada ho jaaye aur Baqiya Rekaat puri kar ke akhir me Sajda e Sahw kar le use Jamaat me shamil hone ka sawaab milega. aur agar us ne koi Munaafi e Namaz Kaam kar liya to ab Dobara Shuru se Namaz parhe...
Sawal : Zaid roze ki haalat me gusl karne gaya,waha usne zere naaf k gair zaroori baal ko saaf kiya,is dauran zakar me koi bhi tanao nahi tha.isse farig hone k baad usne istenja karna chaha to peshab nikalne se pehle kuch mani kharij hui phir peshab.bair haal zaid ne apna baaki ka din ek roze daar ki tarha guzara. Kya zaid ka roza tut gaya? Zain per kaza lazim hui aur kya kaffara bhi lazim aaya? Zaid kya kare? Bara e meharbani jawab inaayat farmaye.
Jawaab : Mazkoora surat me Jab ke Shahwat thi hi nahi aur Mani ka Ikhraj hua to Us par Gusl Waajib nahi aur nahi Roza Fasid hua ..
Sawal : Agar aurat marad ko ye khede ke mein tum teen talaaq deti hoon toh kya talaaq waqe hogi yaa nahi..
Jawaab : Talaq ka haq sirf Mard ke paas hai Agar Shauhar ne Talaq Supurd na kiya tha aur biwi ne khud Se Apne Shauhar ko Talaq ke Alfaz keh diye to Lugw hai is se Talaq Na hogi.
Sawal : Hazrat agar koi safer mein hai toh panch waqta namaz kitni ada kare Jaise fazr, zohar, aser, Magrib Aur Esha kitni rakat pade safer mein Hazrat baraye karam rehnumaye farmaye
Jawaab : Agar Waaqai wo Shar'an musafir hai to Har 4 Rekaat waali Farz Namaz 2 rekaat parhe ... Aur Baqiya Namazen Puri Usi Tarah Parhe.
Sawal : Namaz me Topi na pehenna kaisa h? ???? Aur pant lambi ho to usey fold karna aur shirt ki aastin fold karna kaisa h???? Aisa sawaalat puchne walo ko jawab dene nahi ata mujhe... Isliye jawab ata farmae
Jawaab : Aam taur par Namaz me Topi na pehnna namaz ke adab ke khilaaf bhi hai Aur sunnat ke khilaaf bhi aur ye najaayez hai , Aur Ager Namaz ko haqeer jaan kar parhta hai topi nahi pahenta to kufr hai.
Pant Shirt fold kar k namaz parhna makrooh e Tahrimi hai. Asteen agar aadhi kalaai se zyada fold ki hui hai to Namaz makrooh e tahrimi hai warna tanzeehi.
Sawal : Zaid kahta hai Wo kuch yad karta hai school ki padai ke talluk se wo use bhool jata hai aur jabki yad karne me use waqt lagta hai. Kiya kare wo jaldi yad karle aur bhoole na.
Jawaab : وعلیکم السلام Yeh mslaa umuman hr bachche ke sath hai, pabandi k sath waqt par rozana parhne bithaaen , Aur khane ka khyaal rakhen taqat war giza jism ki nasho nomaa ke liye zaruri hai, Kabhi bachche tanhaai ki wajah se parhne se katrate hain, Aap bhi unke sath thodi der baith jayen, Time table banade, Waqt ki pabandi rahi to har kaam asani se ho jaay gaa
Parhne se pahle Aur har kaam se pahle بسم اللہ parh liya kare
Hadees e paak hai
Jo kaam bismillah k bagaer shuru kiya jaaye woh na mukammal aur adhora hota hai.
Durood sharif bhi bhooli hui baten yaad dilati hai
Kitaab parhne se pahle 3 baar durood sharif Aur
الھم افتح علینا حکمتک وانشر علینا رحمتک یا ذا الجلال والاکرام
Iska wird karen
رب اشرح لی صدری ویسرلی امری واحلل عقدة من لساني یفقه قولی
Ilm ul Kalam ke Murattib apni jamaat ke sab se kamzor zahen the magar mustaqil mizaji ne unhe waqt ka Imam bana diya.
Aaj dunya e islaam ko unpr rashk aataa hai
Hazrat abu huraira رضی اللّٰــه تعالیٰ عنــــــــہ Ko bhi bhoolne ki shikayat thi Magr tarikh gawaah hai k sb se zyada hadees e paak aap hi ne riwaayat ki
Beshak Allah Ta'ala k Dast e Qudrat me hi Dilo air zehno ka pher dena hai.
Nigahen jinki hoti hai mustaqbil ke chahre pr, Wo mazi ki nakami ko dhuhraya nahi krte, nasheman pr nasheman is tarah tameer krtaa jaa, K bijli girte girte aap khud bezaar ho jaaye.
Sawal : Zaid ne fasl ek muharram ko kaati. Aur usse 2 saal tak store karke ghar me rakha. Uss par usr adaa karna kab waajib hoga? Aur kya ek hi din me sab adaa karni hogi? Agar 1 muharram ko adaa na ki aur 2-3 din takhir hui to gunahgaar hoga?
Jawaab : ushr Fasl ke k katne par ek hi baar waajib hai .. ab chahe wo Ek saal me do baar kate to do baar ushr dena hoga ya do saal me ek baar kate to ek hi baar ushr wajib hoga ... Zakaat o ushr ke farz hote hi us ka ada karna zaruri hai der karna gunah hai ... agar Do teen roz takhir hui to ye Muaaf hai haan zyada takheer na kare
Sawal : Aur kya advance me usr adaa kar sakte he? Maslan zaid iss saal gehu ki kheti karna chahta he. aur wo chahta he ki abhi se hi uska usr adaa karde to kya ye durust he?
Jawaab : kar sakta hai.
Sawal : kya makan lene k 6 ya 7 saal baad us pe loan le sakte hai.? usme bank se li huve amount pe interest dena hota hai. ak bhai ka sawal hai. rhenumaye kre.
Jawaab : agar waaqai majburi hai k Us ke paas Makan ki baqiya Raqam dene ke liye paise nahi to Wo Loan le sakta hai. Jab ke loan ki tamam qisto ko un ke waqto par ada karne ki qudart rakhta ho
Sawal : Hazrath hamare kuch doston ke bich ek baat hui ki. " Alcohol ki 2 kisme(type) Hai. Ek jaiez (Allowed) jaise clinic/hospital main use hone walla sprit/ Anesthesia ya cough/cold (khasi/sardi) syrup ya Gulf/Islamic countries main use hone walle perfume aur Ek Haram hai( Not Allowed) jaise wine.?
Aur kisi ko yeah bhi khete sunna ki Alcohol ke baare main Quran Sharif main bhi koi Zikr nahi hai? Hazrath Rehumaye Farmaye?
Jawaab : Ahnaaf ke nazdeek Har Muskir e Maa'e (Liquid jis me nasha ho) Haram hai ... Ab wo Chahe Jo bhi ho ... Rahi baat dawa ki to Agar Us ke Begair chaara nahi to us jagah Ulama ne Ba Qadr e Zarurat istemaal ki ijaazat di hai ...
Sawal : Gair zaroori sir ke Baal cut karane se ek bakra fidya Dena hoga kya yeh sahi hai? Aur moula ali raziallahutalaanhu ney yeh farmaya hai ke jis ney gair zaroori yani bila wajeh apna sir mundwaya us sir pe my chappal se marunga. Yeah qaul sahi hai ?
Jawaab : وعليـــكم السَّـــلام ورحمــة اللــه وبركاته Fidia waali baat durust nahi ... Yu hi Hazrat Ali رضی اللّٰــه تعالیٰ عنــــــــہ ki janib Mansoob qaul ka mujhe ilm nahi ... Haan Sadqa e Naafila dena behtreen amal hai.
کیا فرماتے هیں مفتیان عظام کہ زید جو کہ ایک ادارے کا ناظم اعلی هے وہ مدرسین میں مساوات نهیں برتتا اس نے کہا کہ میں تمام مدرسین کی تنخواہ ہر سال دس فیصدی کے حساب سے بڑهاوں گا اور سب کو دس فیصدی کے حساب سے تنخواہ دیا لیکن ایک مدرس کو اپنے ذاتی مفاد کی خاطر پندرہ فیصدی کے حساب سے تنخواہ دیا نیز اس کو گهر جانے کے لئے ہوائی جہاز کا کرایہ بهی فیملی اخراجات بهی جبکہ دیگر مدرسین کو ان کی محنت کے مطابق تنخواہ بهی نهیں دیتا اور عوام سے کہتا هے کہ میں سب کو معقول تنخواہ دیتا هوں لہذا ایسے شخص کے لئے کیا حکم هے دلائل کی روشنی میں جواب عنایت فرمائیں تاکہ دیگر اراکین مدرسہ کو صحیح مسئلہ معلوم هو
الجواب : مدرسہ کی رقم سے کسی کے کرایہ کے پیسے دینا یا زائد رقم دینا جائز نہیں ایسا کرنے والا ضرور خائن ہے. ہاں کسی کام کی وجہ سے کسی کی تنخواہ میں زیادتی کرنا جائز ہے جبکہ واقعی وہ اس کے لائق ہو. واللہ تعالی اعلم
mai wo dekh k tanha namaz padh raha tha, ajj masjid ki comitti wale mere ku bula ke bole ki mai alag namaz padke fitna kar raha hu, mere samjhane par wo log mere pe hi lan tan kar rahe the ki tum ku kya maloom tum alim hai kya mufti hai bolke...
mere bohat sare dost us namaz me shamil hotey the lekin sab tanha hi padh rahe hai.
ab wo log mujh par ilzam lagaye ki mere wajah se masjid khali hojari...
wo log bolre ki tum logo ko kyu bolre tumhari namaz tum padho logo ko kyu bhatkare? hazrat mera sawal ye hai ki kya log akar mujhse puche aur agar mai masla na batake koi bahana pesh kar sakta hu.
ya fir masla jaan kar na batane par qayamat ke roz meri pakad hogi.???? hazrat rehbari faramaye jazakallah khaira...
Jawaab : agar waaqai wo shaks fasiq e Mo'lin hai to us ke peeche Namaz Makrooh e Tahrimi hogi ... Agar koi pooche to zarur bataya jaaye ... ya Fitne ka andesha ho to us masjid me na jaayen.
Sawal : Mannequin ka chehra bana hua hai Aur aankhe bhi hai. Par zaid mannequin ka chehra rumal se dhank deta hai Aur aankho par kala chasma laga kar rakhta hai, Is Surat mein mannequin rakh sakte hai
Jawaab : behtar ye hai k us ke chehre ka naak naqsha mita ya bigaad diya jaaye.
Sawal : zaid ka sawal he ke ham jo full baju ka shairt ya zubba pahente he us me jo hand me batan hote he vo batton namaz me bandh na kare our khule chod de to namaz me kay karahat ayegi
Our agar baton tutd huvd ho to laya hukum hoga
Jawaab : Namaz Makrooh e Tanzihi hogi
Sawal : Jamat se tasbih ki namaz me imaam ne kirat suru ki Alhamd k bad 3 baar sure ikhlaas Or pehli bar sure ikhlaas khatm hui or muktadi ne galti se tasbih padhna suru kardi to uski namaaz ka kyaa hoga batade, Jazakallah
Jawaab : jaise hi Imam dobara Surah Ki Qiraat shuru kare muqtadi khamosh ho jaaye aur baad me Tasbeeh parhe ... Namaz ho jaayegi Magar Nafl Namaz ki Jamaat Makrooh hai
Sawal : Assalamu alaikum Ek wahabi kehta hai ki ya rasulalah sirf rozae uqdas ke samne hi bol sakte hai digar jagah pe bolna jaaiz ho to jawaz (subut) pesh karo. Hazrat rah'numai farmayen
Jawaab : Ahl e Sunnat o Jamaat ka Aqeeda hai k Allah ke Nabi Zinda hain .. lehaza Jis Tarah Zaahiri Hayaat e Tayyebah me Ap Door o Nazdeek Se Logo ki Faryaad Samaat farmaate ab bhi Usi Tarah Samaat farmaate hain ..
Door o Nazdeek k Sunne wale wo kaan
Kaan e La'l e karamat pe lakho salam
Sawal : Hazrat bina wazu k mobile se dkh kar quran sharif padhna jayaz hain?..aur agar quran sharif padhte waqt shoes ya chappal pehne hue ho to quran sharif padhna jayaz h?
Jawaab : Begair wuzu Quraan shareef ki tilawat jaayez hai chahe dekh kar ho ya begair dekhe ... Haan screen par Jahan Aayat e Kareema Nazar aaye us jagah Begair wuzu hath na lagaaye ..
Adab ka taqaza ye hai ke joote chappal utaar kar tilawat kare
Sawal : Hazrat Zaid kahta hai Asar ki Namaz padhne ke bad kiya jo Qaza Namaz hai use padh sakte hai jabki usne suna hai Asar Magrib ke bich waqt me kuch nhi karna chahiye, Kiya ye durust hai rahnumai farmaye pure masle par....
Jawaab : Agar Makrooh waqt na ho to Qaza Namaz parh sakte hain ... Haan ye hai k Logo ke saamne na parhe.
Sawal : Mufti sahab, ek admi pehle wahabi tha, bad me sunni ho gaya, uske bad usne apni wali masjid me ek water cooler tohfe ke taur par diya.. bad me ab firse wo admi wahabi ban gaya hai..... aur water cooler abhi bhi us masjid me hi hai.... ab kya hum uska diya huva water cooler me se paani pi sakte hai?? Baraye karam jawab inayat kafmaiyega...
Jawaab : ji Haan! Saare Masjid K Namazi Us se pani pi sakte hain is me koi Harj nahi
Sawal : Assalamo Alaikum huzur... Mobile pe Gana photo video ka dawnlordig ka bizness karna kaisa hai? Rehbari farmayen huzur... Mohammad irfan jharkhand
Jawaab : Is Tarah ka kaam Haraam hai k khud bhi gunahgar hua aur dosro ko bhi Gunah me Mulawwis kiya
Sawal : Jo log Mulk Se Bahar aisi jagah me Rahte Jaha Sunni ki Mashjid Nahi hoti hai to waha Namazo k liye kya kare khususan Juma k lite
Jawaab : Agar waaqai wahan koi sunni imam nahi milta to apni tanha Namaz parhe aur Juma ke din bhi zohar ada kare ..
Sawal : Hazrat agar recording main koi sura sun raha hu aur us main agar aayate sajda aajaye to Kya sajda wajib hoga
Jawaab : Recording me aayat e sajda sun lene se Sajda wajib na hoga
Sawal : السَّـــــلام علـــــيْكم ورحمَــةُ الله وبركاتــــُه
kya Farmate hain Olma-E-deen Wa Muftiyane Shehre Matin IsMasle me...
1⃣ Shaher ki Ruyate Hilal committee ne Phone par dusare Shaher se Chand ki gawahi li (jisse nam Khabare mustafiz kaha gaya) aur idd ke Chand ka Aelan kiya gaya aur shaher ki masajido se vahi gawahi ka Aelan kar diya gaya, To wohi gawahi se shaher me dushare din eId ho jayegi? Agar nahi huye to vaha ke rahnewalo ke liye kya sharai huqm hoga?
2⃣ Agar issi Shaher ke kuchh afrad koi tishre Shaher se sharai gawahi lekar aaye aur voh gawahi kuchh (2-3) Ulma k samne pesh ki gayi Lekin ye gawahi ka aam Aelan na kiya gaya, To ye gawahi jiss jiss afrad ke pas personally pahochi aur ye gawahi jiss jiss afrad k pass phone ke jariye pachonchi, To iss tarah se sharai gawahi jiss k pass pahonchi uss ki Idd huyi? Ya Ye gawahi se pure Shaher walo ke liye Idd ho gayi? Ya Idd me kharabi aayi? To shariyat ka kya huqm hoga???
✴ Hazrat Rahnumai farmaiye
Jawaab : وعليـــكم السَّـــلام ورحمــة اللــه وبركاته
1⃣ Hukm e Shar e Mutahhar ye hai k jis jagah chand hua to wo sirf wahin ke liye nahi hai balke puri dunia ke liye hai ... Magar dosri jagah ke liye us chand ka hukm us waqt hoga jab k wahan us din tareekh me chand hona suboot e sharai se sabit ho jaaye.
Dosri jagah chand ka suboot us waqt hoga jabke Shahadat, ya Shahadat Alash Shahadah, ya Shahadah alal Qaza, ya Kitab ul Qazi ilal Qazi, ya Khabar e Mustafeez wagaira Turuq e hilal ke zariye chand ka hukm ho.
Telephone, Mobile,Redio, TV wagaira se isbaat hilaal nahi ho sakta. Ruyat e hilal commetti ka mahez TV wagaira ki khabar sun kar ya Mobile, Telephone wagaira ki Ittela par Eid Ke Chand ka Elan karna Hukm e Shara ke Sarasar khilaaf hai.
Jin logo ne aisa kiya wo tauba karen aur Aainda ehtiyaat barten.
Alahazrat Imam e Ahl e Sunnat Sayyedna Imam Ahmad Raza khan Fazil e Bareilawi Quddisa Sirruhul Azeez ne Istefaaza ki jo Tashreeh o Tafseel Fatawa Razavia me bayan farmaayi us ka khulasa ye hai k
" jis islami shaher me Haakim e Shara' Qazi e Islam ho k Ahkaam e hilal usi ke yahan se saadir hote hain ya jahan Qazi e Shara nahi to Mufti e Islam marja e Awaam ho k Ahkam e Roza wa Eidain usi ke fatwe se naafiz hote hain wahan se Muta'ddid jama'aten aayen aur sab yak zabaan apne ilm se khabar den k fulaan din bar bina e ruyat roza hua ya Eid ki gayi.
Ya Dosre Shaher se Jamaat e Kaseera aayen aur sab bil ittefaq bayan karen k wahan hamare saamne Aam log apni aankh se chand dekhna bayan karte the jin ka bayan muris e yaqeen e shara'i tha. Jab Jamaa'at e Tawaatur Jamaa'at e Tawaatur se un ki ruyat ki naaqil hai to ruyat bil yaqeen sabit ho gayi ab shahadat ki haajat na rahi" ...
Is me saaf sareeh Muta'ddid jama'ato ka aana ya Jama'at e kaseera ka aana mazkoor hai ... lehaza bahot saare phone aane ya fax ya sms wagaira milne ko is par qayaas nahi kiya ja sakta .. lehaza bareilly shareef ki shara'i concil of India me bhi Huzoor Tajussharia Madda zilluhun Noorani wa deegar muftiyan e kiram ka isi par ittefaq hua k fax ya telephone wagaira se istefaaza nahi ho sakta. Wa-Allahu Ta'ala A'lam
2⃣ Jo Hazraat Shahdat e Shara'iyyah le kar aaye unhe chahiye k wo Us shaher ke Bade Sunni Sahih ul Aqeeda Aalim ke saamne Shahadat pesh karen aur Wo Aalim Chand ka Elaan kare ... Baher haal Agar un logo ki baat mash'hur na hui tab bhi Un ki Eid Shar'an Sahi hui .. wa-Allahu Ta'ala A'lam
Sawal : Ye Shair Kahna Kaisa Hai.
"Bachna Saka Khuda bhi
Mohabbat Kay Taqazo Se"
Ek Mahboob Ki Khatir
Dono Jahan Bana Dala....
Jawaab : Khalis Be Adabi o Gustakhaana andaz hai Aisa kehne wala Tauba kare
Sawal : Gusl lete waqt admi bagair koi kapda pehne naha sakta hai ya fir taiban ya kisi kism ki shorts ( trunk , boxer etc ) pehanna zaroori hai aur jab Gusl lekar woh kapde pehanta hai tab toh woh sharamgah aur atraf ki jagahon ko pochta hai aur chaddi paijama pehente waqt sharamgah khul jati hai toh kiya usse kapde pahen k firse wazu karna padega ya fir uska gusl baki raha . Woh kapde pehenkar namaz pad sakta hai ya tilawat e Quraan e Majid kar sakta hai.
Rehnumai Farmaiye Huzur Muftisahab Qibla
Jawaab : Agar Aisi Jagah Gusl karta ho k Jahan kisi ke dekh lene ya Aa jaane ka andesha na ho to Bar'hana naha sakta hai magar is tarah nahate waqt ye khyaal rahe k Qibla Rukh Na ho ... behtar yahi hai k Kuch pahen kar nahaaye magar Safaayi Na hone ka waswasa ho to Kapre nikaal kar acchi tarah pani baha le ..
Sharmgaah khul jaane ya Nazar aa jaane ya dekh lene se Wuzu nahi Toot'ta ... Haan Wuzu kar lena Mustahab hai. baher haal Wo Usi Gusl se Tilawat o Namaz wa Deegar Ibadaat kar sakta haj
Sawal : ألسَّــــلاَمُ عَــــلَيْكُمْ وَرَحْمَةُ اللَّهِ وَبَرَكَاتُ
Hazrat zaid ne eid milan ki party rakha tha us party me muslim aur gair muslim hazrat ne shirkat ki thi to kya ayesi party me shareek hona sahi hai aur jo sunni sahiul aqeeda shaksh is party me shareek huva ho us par kya hukm hoga ?
Hazrat kisi bhai ne yeh sawal kiya hai. Rehnumayi farmaye.
جَــزَاك اللــه خَيــرَالْجــزَاء
Jawaab : Kaafiro se Muwalaat yaani Mel jol dosti Na jaayez hai ... Begair kisi Shar'i zarurat ke un se milna aur party karna jaayez nahi ... Aisi party me jo shareek hon wo Tauba karen ... Aur Musalmano se Mel jol Rakhen ..
Qur'an e Paak me hai لاتقعد بعد الذكرى مع القوم الظٰلمین
Yaad aane ke baad Zaalimo ke sath mat baith ..
Huzoor e Akram ﷺ ne irshad farmaya اياكم و اياهم In se door raho aur inhe apne se door karo.
Sawal : Kiya hum Quran Shareef kaa App hamere mobile store kar sakte hai?
Jawaab : Sahi Qur'an shareef ka app Mobile me store kar ke Rakhne aur us se Tilawat karne me koi Harj nahi hai ... Haan jab Screen par Aayaat e Kareemah hon to Adab malhooz rahe aur begair wuzu screen par hath na lagaayen
Sawal : Kisi ne Ghar aur karobaar par loan le rakha hai aur WO hajj par ja raha hai kya aisy surat me uska hajj hoga ? Barae karam Rahnumayi farmaen.
Jawaab : ji Haan Aisi halat me bhi us ka Hajj Zarur ho jaayega
Sawal : Assalamualaikum Hazrat. Zaid ka sawaal hai ke nikah ke din ladka ya ladki nifil roza rakhna chahe to kar sakte hai? Roze ki halat me nikah ho sakta hai?
Jawaab : ji haan Roze ki Haalat me bhi Nikah ho sakta hai ... Haan Is Haalat me Jima karna Haraam hai.
Sawal : Assalamu alaikum warahmatullahi wabarakatuhu Hazrat Eid k baad Jo 6 roze rak the hai kya uski fir se eid hoti hai. Agar hogi tog kya 5 roze k baad eid bana sakte hai, Sarkar Jawab hawala ke saat Inayat farmaye please Janab
From Fahim Sarguroh Qadri Razwi
Jawaab : Shawwal ke 6 Rozo se Muta'lliq Ahaadees e Kareema waarid hai k Jis ne Ramzan ke Roze Mukammal Kiye Aur Shawwal ke 6 Roze Rakhe to Goya wo Pure Saal Roza Raha ...
Shawwal ke Rozo ke Baad Eid Manana Kisi Hadees se Saabit Nahi aur Na hi Khushi Manane ki Mumaana't hai Lehaza jo Khushiyan manaayen aur Allah Ka Shukr Ada karen un ke liye koi Harj nahi ...
Sawal : Assalamualaikum hazrat ye sawal ek islami bahen ki taraf se hai.." mere liye jo bhi rishta ata hai mai isteqara karti hoo aur hamesha jawab me nahi ki bashart hoti hai aur wo rishta se mai inkaar kardeti hoo...lekin har baar yahi jawab ata hai..mere ek frind boli ki is tarah totally isteqara par depend nai hona chahiye ,kabhi apne samjhne me farq hojata hai...kya ye baat durust hai ki isteqara par totally depend nai hona chahiye""" hazrat rehnumai faramaye jazakallah khaira
Jawaab : Istekhara Is liye kiya jata hai ke Dil Mutmain Ho Jaaye Zaruri nahi ke Har Ek Ka Istekhara sahi bhi ho .... Haan Wo Istekhara jo Hadees se Saabit hai Agar Sahi taur par Kiya jaaye to Ummeed Hai K Sahi Janib Dil Jam jaaye
Sawal : Aslamualeykum hazarat kya hum ghar me waliyo'n ke naam se charaga kar sakte hein kya ye quraan aur hadees se sabit hein
Jawab inayat kare
Jawaab : Ujaale karna Maqsad ho Ya Sajaawat ke liye ho to Mubaah hai Warna yu hi Chraag jalana jis ka maqsad na ho Israaf me dakhil hai. Haan Agar Aseb ya Jadu Wagaira balaao Se Hifazat ke liye Kahin Charaag Kuch Roz ke Liye Jalaya jata hai to utne dino tak ke liye ijazat hogi
Sawal : kya Napaki halat me koraansareef padh sakte hain hazrat jawaab inayat rarmain
Jawaab : Napaaki ki Halat me Yaani jis par Gusl farz ho use Qur'an ki tilawat karna ya Chhoona Haraam hai ...
Sawal : I have one question that ponders me all the time, People while eating drink water with left hand and take support of right hand and they take it as it is drunk by right hand only, Is this allowed ????
Hazrat jawab de kar rehnumaiye farmaye
Jawaab : It is not being drunk by the right hand, if one let's go of the left hand the glass will fall ,hence it's being drunk by the left hand ,this should not be done.
Sawal : kya Lal(Red) ya Pilla(Yellow) rang ke kapde pehen kar namaz padhe toh Namaz pe koi faraq padhe ga?
Rehnumaye Farmaye.
Jawaab : Namaz ho jaayegi Aur Huzoor e Aqdas ﷺ ne bhi Ek Martaba Surkh libas zeb tan farmaya aur Eid ki Namaz Parhaai jaisa ke Hadees e Paak me hai ... Haan Jo Zaafran se Ranga hua Kapra ho to wo mardo ko pahenna haraam hai aur use pahen kar Namaz makrooh e Tahrimi hogi
Sawal : Hazrat jo shaks Ramzaan me umrah kiya aur eid bhi wahi kiya hay to us pe isi saal hajj farz ho gaya, rehnumayi farmaye
Jawaab : Agar wo Is Baat par Qadir hai ke Wahan Hajj tak ruk sake aur koi qanuni Pareshani na ho to Us par Hajj farz hai ... isi tarah agar wo Wapis aa kar Hajj ke mauqe par wapis jaane par qadir hai to us par Hajj farz hai ... Warna Hajj farz na hoga
Sawal : Hazrat agar ghadi me dial metal ka ho aur belt leather ka ho to usey pehen kar namaz ho jayegi ?
Jawaab : Ji Haan Agar Dial Metal ho aur Leather ya plastic patta ho to aisi ghadi pahenne ki ijazat hai aur Ise pahen kar Namaz bhi ho jaayegi ... Ye Yaad rahe k Metal sona chandi na ho
Sawal : Kisi ka inteqaal ho jaye oor ye pata na ho ki wo sunni tha ya wahabi tha tou uskai liye, Inna lillahi wa inna ilaihee rajeeun, Ye padhna kesa??
Jawaab : us se Muta'lliq khamoshi ekhtiyaar ki jaaye jab ke Tahqeeq na ho kyu k Kisi Kafir ko Musalman janna kufr hai... Rahi Baat انَّا للّٗہِ وَ انَّا الیہِ راجعونْ ki to Ye Aam Taur par Musalmano ke Inteqal par Padha jaata hai Agar is parhne me Kisi Kafir ke Mutalliq musalman ka aqeeda rakha to Kufr lazim aa jaayega ... lehaza khamoshi Hi me Aafiyat hai jab tak k Us se Mut'lliq ilm na ho ..
Isi tarah se us shaks ke liye bhi hai jis ke baare me shak ho k ye mushrik tha Dua e Magfirat na ki jaaye k ... Kafir ke liye Dua e Maghfirat kufr hai.
Sawal : Ek shaks kehta hai ki uskey peer madaari silsiley se hai aur woh ek peer ke pas jaata hai apna ruhaani elaaj karaaney woh peer sahab kehtey hai ki tumhey woh madaari ney merey pas tumhaara elaaj karney bhejha hai
♦ Huzoor kya huzoor badiuddin madar raddhiallahu anh ne silsila khatm kar diya ya nahi agar kiya hai to jo silsila ko jaari maane ya koi peer se murid ho kya unpar kuch hukm hoga ya nahi huzoor jawaab inayat farmaye
♦ Fhir bhi woh shaks or woh peer maadari silsiley waaley peer ko maanrahey hai, Haawaaley ke saath bataey...
Jawab : silsila e Madariya Se Baiat Hona Jaez Nahi Ke Ye Silsila Sokht Hai Jaisa Ke Hazrat Meer Abdul Wahid Balgarami Ne Saba Sanabil Sharif Ke Dusre Sumbula Men Tahrir Farmaya Aur Saba Sanabil Sharif Woh Kitab Hai Jo Sarkaar Aqdas صلى الله عليه وسلم Ki Bargaah Mein Maqbul Hai Jaisa Ke Hazrat Shaah Kalimullah Chishty عليه الرحمه Ne Bistr e Khawaab Par Alam e Waqiya Men Dekha - Mulahiza Ho -
اصح التواريخ جلد اول ٦٨امأ ثرالكرام صفحه ٢٩ اور كاشف الاستار صفحه ٤١
Madariyon Ke Sawal Ka Jawaab Ye Hai Ke Alahazrat Imam Ahmad Raza Mohaddis e Barelvi رضى الله عنه Ko Silsila e Madariya Men Baiat Karne Ki Khilafat o Ijazat Nahi Thi Balke Is Silsila Ke Sirf Azkar O Ashkaal Ki Ijazat Hasil Thi - والله تعالى اعلم
Sawal : alamalykum hazrat mera ek sawal hai k ek khatoon ne roza rakkha aur subha 11 baze usko napaki ka khun aaya to kiya roza raha k khatm hogaya lekin pura din phir usko napaki nahi hui jawab inayat pharmay badi mehrbani hogi aur yen roze shawal k rakhe the agar Roxanne khatm hogaya to 2 roze baking hai kiya woh bhi baad me rakhe jayenge
Jawaab : Walaikum Assalam agar zahwae kubra se pahle Khoon Aya To Use Ikhtiyaar hai ke who khae Lekin zahwae kubra ke baad Aya To Woh rozedar ki Tarah Guzar de agar period ki Tarikh ke hisaab se Khoon Aya khawaah who ek boond hi ho Aur din bhar nahi aya to to who Napaki Mein hi Shumar Hoga والله تعالى اعلم (Aurton Ke Masail)
Sawal : Kya farmate h ulmae ahale sunnat Ramzan m isha ki jamat zaid ne padhai or traveeh k baad vitr ki jamat hafiz ne padhai to is par kya huqm h kya is tarah do alag alag imam namaz padha sakte h?
Jawaab : Imam e Masjid Razi ho aur Hafiz ne Isha ki Namaz Jamaat se Ada ki ho to us ke Vitr ki Imamat karne me koi Harj nahi .
Sawal : kya farmate h ulmae ahle sunnat Eid ul fitr ki namaz barish ki wajah se masjid m padhai gyi jagah na hone ki wajah se do jamat ki gyi pahali jamat m jis jagah musalla bicha tha kya dusri jamat m uski jagah badalni jaruri h ya usi jagah usi muslle par namaz ho jayegi rahnumai farmae?
Jawaab : mazkoora surat me Imam usi jagah Imamat kar sakta hai jis jagah Pehli jamaat ki Imamat ki gayi ...
Sawal : Zaid mumbai me ek jagah se dusri jagah itne long route se gaya ki 92km se jyaada ho gaye. Kya usse qasr karni hogi?
♦ Aur qasr me jo 92km ka distance he wo ghar se count karna hoga ya shaher ki aabadi khatam hone se?
Rehnumai farmaye. Jazakallaho khair
Jawaab : Masaafat e Safar Ghar se Shumar ki jaayegi ..
Sawal : Zaid boisar jata he clg k liye .... Bandra station se boisar station 89 km hai. Aur college boisar station se 7 km ki doori par he. Lekin college boisur city k ander hi he..
Ab sawal ye he ki zaid college me qasr padhega ya puri namaz padhega? Aur boisur station par qasr padhega ya puri? Rehnumai farmaye. Jazakallaho khair
Jawaab : agar waaqai Boisar Shaher e Mumbai se Baaher hai aur Mumbai aur Us ke Darmiyaan gair Abaad ilaqa hai to bisar me wo qasr parhega ... Agar che abhi 92 km na hua ho
Sawal : Assalamoalekum Mufti Sahab,
Main apne ghar se 100 km ki doori par 1 din gaya vahna she doosri jagah 130 km ki doori par usi deen nikal gaya aur fir jahna gaya vahna 3 se 5 deen rehne ka iraada hai par Masla yeh tha ki ab jis jagah mai 3 -5 deen rukne wala hoo vahna se mera ghar 30 km hi hai to mujhe Namaz Kasr padni hogi ya farz Aur doosra Masla he ki jub hum par Kasr farz ho to Jamaat ke sath namaz kis tarah pade.
Hazarat Rehnumai Farmayega.
Jawaab : Mazkoora surat me Ap apne Shaher se baaher hain to 4 rekaat wali farz Namazo me Qasr hi Waajib hogi. Haan Agar kisi Muqeem Imam ki iqteda ki to puri parhi jaayegi
Sawal : jis jagah par namaz padhate hai us jagah par dukan banana or us ke upar ke manjil par jamaz padhana jaiz hai. Hazrat jawab inayat farmaye. Aameen
Jawab : jo jagah shar'an masjid ho aur wahan namaz hoti ho to ab jadeed tameer men use dukan karna jaayez nahin
Oh jagah tahtasassara se laa makaan tak masjid hai aur masjid ko badal kar dukan banana haraam hai
والله تعالٰی اعلم
Sawal : Kya farmate hain mufti is masale mein K aik sakhs jo sharab ka aadi h usne nashe ki halat m aik bar m 3 talaq di, Or talaq talaq ko 3 martaba nhi balki 6 martaba bola hai, Us sakhs ka aasaibi ilaj bhi chal raha h or dr ka bhi ilaj chal raha haii, Jb ye baat ladke k walid ko pata chali to ladke k walid ne us sakhs ko mara jis pr us ladke ne gusse or sharab ki halat m baap sai bhi hathapai ki
To kya uski talaq waqai ho gai
Jawaab : Sharab ki Halat me bhi agar kisi shaks ne apni biwi ko Talaq di to Waaqe ho gayi ...
Sawal : hazrat mera sawal hai ki asr or isa ki char rakat sonnate gayer mokida olekada tahyat padhne ke bad darode ibrahim or doaye masora padhna jarori hai or darode ibrahim na padha to kiya harj hai is ka jawab inayat farmaye Mo siddeeque gujrat vapi
Jawaab : Qa'da e ula ke baare me unho ne poocha hai... gair muakkada ke Qa'da e ula me bhi Dua o durood parhna chahiye, ye behtar hai.... Agar na parha to bhi harj nahi.
Sawal : Shauhar khud apne nikah ke liye apni biwi ka wakeel ban sakta hai?
Jawaab : Agar Aurat ne Mard ko wakeel kiya ke apne sath mera nikah kar le.... ab us mard ne do gawaaho ke saamne kaha mai k ne fulaan (muakkila ka naam) se apna nikah kiya to nikaah ho gaya is me qubool ki bhi zarurat nahi.
Sawal : Assalam u alaikun huzoor koi shaks agar jahalat mein shariat ko bol bachchan keh de toh us par kya hukm hai.
Aur samjhane par aur ehsas hone par tauba kar lein toh kya agar woh shaks nikah mein hai toh kya usko tajdeed e nikal karna bhi hoga tauba karne ke baad bhi. Rehnumaayi Farmaaye.
Jawaab : Agar Bol bachan Ka Matlab Bakwas ho kisi Shariat ke Hukm e Qatai Se Muta'lliq ye lafz kaha to Tauba Tajdeed e iman o Nikah kare ...
Sawal : agar kisi ka brain hemorrhage ki wajah se inteqaal ho jaye to Blood nikalta rehta hai Agar kafan me khoon laga jaye to kya kafan napaak rahega?
Jawaab : waise khoon khoon najis hai or murde ki nijasat ke baare men bahare shariat me hai, Badan paak hone se murad ye hai k use gusl diya gaya ho ya gusl na mumkin hone ki surat me tayammum karaya gaya ho aur kafan pehnane se pehle us ke badan se nijasat nikli to use dho daala jaaye aur kafan pehnane ke baad me nikli to dhone ki zarurat nahi.
Aur kafan paak hone ka matlab ye hai k paak kafan pehnaya jaaye aur baad me agar nijasat nikli aur kafan Aaluda hua to koi haraj nahi. (Bahar e Shariat)
Sawal : Gosht ke sath haddi khana kaisa Hai awam me aisa mashur Hai ki haddi nahi khana Hai aisa koi havala Hai shariyat me kya hukm Hai is par roshni Dale haddi chaba ke halak ke niche utarna kaisa hai
Hazrat Rahnumai farmaiye
Jawaab : Haddi ka Shumar un Ajza me nahi jin ka khana Khana haraam hai ... Haan wo haddi Jo Sakht ho aur Nuqsan deh us ka Khana Makrooh hai aur wo Haddiyaan jo narm hon un ke khane me bhi Harj nahi
Sawal : Kia farmate hai ulama e Deen is masle me ke Aaj Kal market me machcharon ( mosquitoes ) se bachne ke liye ek tarah ka Machchar Bat ( mosquito bat) aaya hai usse electric shock Lagta hai, jisse machchar ko marte hain, machchar us mosquito bat ki jaali se takra kar jal jata hai, kabhi kabhi machchar ke jalne ki bhi badboo aati hai, Kia hum is tarah ke Mosquito bat ka istemaal kar sakte hain????
Is machchar Bat ka kharid o farokht karna jaaaiZ hai??
بينوا توجرو
Jawaab : Jala kar maarna Mamnu hai. Bukhari shareef wa Tirmizi shareef wagairah me ye Hadith hai ke Huzoor SallAllahu Ta'ala Alayhi wa sallam ne farmaya ان النار لا يعذب بها الا الله
Ke aag se Azab dena sirf Allah ke liye hai lehaaza is se bachna chahiye (Mulakkhasan Fatawa Amjadia jild 4 page 162)
agar uss bat ka iste'mal sirf machhchhar maarne ke liye hi hota hai iss ke alawah or koi jayez kam men iate'mal nahin hota to iss ka khareed o farokht durust nahin. Wa-Allahu Ta'ala A'lam
Sawal : Aadam Alaihissalam Har Saal Haj Karne Ke liye Jaate The Kaba Shareef Tha Nhi, Tawaaf Kiska Karte The?????
Jawaab : Khana e Kaaba Sab se pehle Hazrat Adam Alaihissalam ne Farishto ki Madad se Ta'meer kiya tha .. lehaza us waqt bhi Kaaba Maujood tha
Sawal : fasiq ko salam karna unki ta'azeem karna kaisa he?
Jawaab : Fasiq e Mòlin ko salam karna aur us ki tàzeem Makrooh e Tahrimi Hai..
Sawal : Zaujain ke beech SOHABAT nahin hui... aur teen talaque de diye , ab dobara nikah karna chahte hain kya ab bhi HALALAH zaroori hai?
Jawab : agar khalwate saheehah ho chuki ho to be halalah dobarah nikah nahin ho sakta
or agar khalwate saheehah nahin hui or 3 talaqen de di to agar ek hi lafz se teeno talqen di maslan yun kaha tujhe teen talaq to iss surat men bhi be halalah nikah nahin ho sakta
han agar mutafarriq alfaaz se teen talaq diya maslan yun kaha tujhe talaq talaq talaq to iss surat men sirf ek talaqe baayen waaq'e hogi or be halalah dobarah nikah ho sakta hai
Sawal : Shauhar khud apne nikah ke liye apni biwi ka wakeel ban sakta hai?
Jawaab : Agar Aurat ne Mard ko wakeel kiya ke apne sath mera nikah kar le.... ab us mard ne do gawaaho ke saamne kaha mai k ne fulaan (muakkila ka naam) se apna nikah kiya to nikaah ho gaya is me qubool ki bhi zarurat nahi.
surat e masoola me Kya wakeel banne k liye gawaah ka hona jaroori he?
Sawal : fasiq ko salam karna unki ta'azeem karna kaisa he?
Jawaab : Fasiq e Mòlin ko salam karna aur us ki tàzeem Makrooh e Tahrimi Hai..
Sawal : HAZRAT MAI APNA SAWAAL EK BAAR PHIR DOHRA DETA HU K AAPNE KAHA ALAIHISSALAM AMBIYA AUR FARISHTO K SAATH KHAAS HAI LEKIN IMAAM BUKHARI NE EK BAAB BAANDHA HAI JISME UNHONE HAZRATE FATIMA ZAHRA ALAIHISSALAM KAHA AUR HUM MUSALMAN HAZRATE MEHDI K NAAM K AAGE ALAIHISSALAM KAHTE HAI JAWAB INAYAT FARMAIYE جزاك الله
Jawaab : Islami qaayeda hai k Badmazhab qaum ke sath kisi tarah bhi Mushaabihat na ho, un se Mushabihat ke tamam tareeqe tark karne chahiye .
Wajah zaahir hai k Sunni Bhola Bhala hai use Shia Apne Mazhab me laane ki kai Tadbeeren bataate hain
Ek yahi hai k 12 Imamo ke liye Duaaiya Jumla "Alaihis Salam" Tajweez kar rakha hai jo kisi dosre Ummati ke liye Istemaal nahi hota hai balke keh nahi sakta Abu Bakar Alaihis Salam, Umar Alaihis Salam, Usman Alaihis Salam, balke in Hazraat ke sath Razi-Allahu Ta'ala Anh ka Iste'mal hota hai.
Awaamun Naas ye sab kuch dekhte hain aur agar wo khud is taraf mutawajjeh nahi hote to Jamaa't e Mujtahideen un ko mutawajjeh karti hai aur un ko ye dikhati aur samjhati hai k ye Du'aaiya jumla jo Hazraat e Ambiya e kiram Alaihimus Salam ke Mubarak naamo ke sath bhi bola jata hai hamare aimma ke naamo ke sath bhi bola jata hai.
Isi se zaahir o baahir hai k ye 12 Afraad zumra e Ambiya me shamil hain aur un ki imamat Ma'mooli imamat nahi balke Hazraat e Ambiya e Maa Sabaq ki imamat hai.
Faayeda : Agar Baaz Ullama ki tahqeeq Baraaye Gair Ambiya Alaihissalato wassalam ya Alaihissalam kehne ko jaayez qarar dete hain aur un ke qaul par Koi Amal karta hai to wo pehle un 2 hazraat (Hazrat Abu Bakr, Hazrat Umar) ke sath is ka istemaal kare jo Ahl e Sunnat o Jamaat ke nazdeek shia ke 12 imamo se ba ittefaq afzal hain aur wo Hazrat Abu Bakr Aur Hazrat Umar رضی اللّٰــه تعالیٰ عنــــــــہما hain.
mujawwizeen ne agar jawaaz ka bayan kiya hai to tamam sahaba ullama o sulaha ke liye kiya hai sirf Ahl e Bait e At'haar ke 12 afraad ke liye nahi kiya hai.
In halaat ko dekhte huye hazraat e ahl e bait e at'haar رضی اللّٰــه تعالیٰ عنــــــــہم ke zikr ke waqt lafz e alaihis salam ki dua karne ko tark kiya jaaye taake Shia Awaam e Ahl e Sunnat ko Gumraah na kar saken...
Sawal :
1⃣ Kya aurat mard ko phone par wakil banaa sakti he?
2⃣ Aurat ne uss mard ko apna waqil kiya jisse wo nikah karna chahti he. Kya wo mard ka gawaho k samne ussi majlis me Yu kehna hoga ki mene usse nikah kiya ya fir majlis badal kar bhi keh sakte he?.
Jawaab : phone par bhi Aqd e Nikaah ka wakeel banaya ja sakta hai aur Wakeel ke ijab o qubool ke liye Majlis ki qaid nahi ..
Sawal : Qawwali ke bareme kya hukm hai. Sunna chahiye ya nahi.... Kya Hazrat Makhdoom Ashraf Ashrafi (Rahematulla Alayhe) Kichhauchha Sharif, bhi Qawwali sunte the. Ye Sahi hai?
Jawaab : Mazaamir ke sath Qawwali Haraam hai Agar Dhol taasho ke sath Is Tarah ki Majlis ho to us me har giz shirkat na kijaaye ... Buzurgaan e deen se Aisa kuch saabit nahi k unho ne mazameer ke sath qawwali ko suna ho
Sawal : Assalamualaikum hazrat hamare madarse me lunch ke time me quran shareef ko loudspeaker pe play karte hai...aur pure madarse ne wo awaz goonj ti hai....lekin koi bhi use ghour se nahi sunte.. kya aisa lagana durust hai ya quran ko tawajjo se na sunne par koi hukum hoga??
DUSRA sawal ye hai ki hamara madarsa masjid ke first floor pe hai to bohat sari ghalatiya hoti hai baate karna khana khana waghaira mai jab molvisahab ko bataiya ke ye masjid ki hurmat ke khilaf hai to wo bole ki ye first floor hai aur ye madarse ke hukum hai.. kya baat durust hai hazrat rehnumai farmaye
Jawaab : Agar Quraan ki tilawat ka record Sunaya jaaye tab bhi zaruri hai k adab malhooz rahe warna band kar diya jaaye ... Masjid Ki Chhat bhi Masjid ke Hukm me hai Us pe Khel kood Hansi Mazaaq Gunah Sakht gunah hai
Sawal : Hazrat kya ye hadees sahi hai.? Hazrat jawab innayat farmaye.?
DAWATE ISLAMIC OR SUNNI DAWATE ISLAMIC🔻 DI or SDI KI POL
HADEES E PAAK
Hazrat-E-Abu Saeed khudri Riwayat Karte hai ke Rasool-E-Paak (Sallallahu Ta'ala Alaihi Wabaraka Wasallam) ne farmaya K Meri ummat ma se 70 Hazaar Aadmi jis ke Saro par Sabz (Hari) Chadare hongi Dajjal ki itaat qabul kar lenge....
Jawaab : Mazkoora Riwayat me سيجان ka lafz aaya hai jo ke ساج ki jama hai aur us ka Ma'na sabz imama har giz nahi balke kutub e lugat me saaj ke ye Ma'aani darj hain.
Siyah rang ki chadar, sabz rang ki chadar, mota kapra, taarkol se kaale dhaage se bana hua kapra, gol chadar, saakhu ka darakht wagaira.
Ibn e Arbi ne kaha k سيجان kali chadar ko kehte hain aur is ka waahid ساج hai.
Dosri baat ye k Hadees me jin 70 hazaar afraad ka zikr hai wo Musalman nahi balke yahudi hai yaani Hadees me ummat se ummat e ijaabat muraad nahi hai balke ummat e Daawat murad hai.
Jaisa ke Hadees me hai k As'fahaan ke 70 hazar yahudi dajjal ki pairwi karenge (Muslim)
lehaza is riwayat ko Sabz Imaama baandhne waale musalman par Mutabiq karna saraasar galat hai.
Teesri baat ye k Muslim Shareef ki Riwayat se ye pata chala k wo log As'fahaan se honge na k pakistan se.
Chauthi baat ye k sawal me mazkoor riwayat par Muhaddiseen ne Jarah farmaayi hai aur Aksar ne ise Mauzu qarar diya hai ..
Al-Haasil Sarkar Tajussharia Madda Zilluh ul Aali Ne DI SDI ko na Gumraah farmaya aur Na Kafir Balke ye Musalman hain ... Haan Ye Zarur Farmaya k Ye Log Maslak e Alahazrat ke Muballig nahi Yaani In Ka Tareeqa e Kaar Sahi na hone ki bina par inhe Tableeg ka haq nahi lehaza in ke Ijtema'aat me Shareek na hon ...
Aur Jo Log Inhe Kafir Kehte hain Un ke paas Is ki Thos Daleel nahi ... Aur Bila wajah kisi Riwayat ko In par Thopna Ye Wahabiya Diyaabna ka Tareeqa hai .. Is Se Ijtenab zaruri hai ... wa-Allahu Ta'ala A'lam
Sawal : اسلام علیکم و رحمۃ اللہ و برکاتہ.
Ek school he jo 24 (wahabi) ke under me he aur jo aadmi sunni he wo school me clerk he
Wo wahabi us sunni aadmi ko aaj ki tarikh me 4000 salary deta he aur jabki govt grant k hisab se 25000 salary honi chahiye. ...lekin wo wahabi us school ka main he unki sign k bina permanent letter nhi milega aur govt se salary nhi aayegi usne shart rakhi he 40 din jamat me jane tab hi permanent letter denge warna wo 4000 salary pe hi rakhega kyuk wo 5 saal se govt grant ki umid pe waha job pe he agr abhi wo job chod de toh unke itne saal ki mehnt bekar hojayege...wo maslake aala hazrat ko manne wale he jo job krte he ab wo kya kre is haal me ki us wahabbi ne permanant krne k liye shart rakhi he????????,?
Barae karam Rehnumai Farmaye..
Jawaab : Us Sunni Bhai ko Chahiye ke Allah Par Tawakkul Kare Aur Us Naukri ko Chhor de jis me Aqeede Par Hamla Kiya jaaye ... In Sha Allah Allah Rizq Ataa farmaayega Us Jagah se Jahan us ka Wahem o Gumaan bhi na ho
Sawal : Hazrat ek shakhs ka kehna hai ki, Uski tabyat jab bahot kharab thi tab woh sabhi jagha hajri diya jawab mey yahi aaya ki bas abhi tumhaara time khatam yaha tak key gaus paak radi allahu taala anhu ki baargah mey bhi haazri diya toh yahi jawab aaya ki ab tumhaari jindagi itni hi hai phir woh hazrat zindah shah madar radi Allah taalah anhu ki baargah mey gaaya toh jawab aaya ki abhi tumhaari jindagi hai
♦ Hazrat ye shaks gaya nahi hai, Phir bhi paata nahi kaisey haazri diya hai
♦ Hazrat kya gaus paak se Na jawab aaney par bhi hazrat zindah shah se jawab haa ho sakta hai kya, Hazrat rehnumayi farmaiye
♦ Hazrat ye shakhs ka ye bhi maanna hai ki maadar silsila khatam nahi huwa hai, Ulmaa ka iktelaaf hai Ya ha tak ki aalahazrat radi allahu taala anhu ko bhi khilaafat hai madar silsiley se, Hazrat rehnumayi farmaiye
Jawaab :
1⃣ tamaam Auliya E Kiraam Allah Ke Mahboob Bande Hain Mazkoora waaqae se kisi ki Fazeelat ko saabit kiya jaana galat hai ... Allah Jab jis pe Chahe fazl o karam farmaaye .. Kya Allah Is Cheez par Qadir Nahi?
2⃣ silsila e Madariya Se Baiat Hona Jaez Nahi Ke Ye Silsila Sokht Hai Jaisa Ke Hazrat Meer Abdul Wahid Balgarami Ne Saba Sanabil Sharif Ke Dusre Sumbula Men Tahrir Farmaya Aur Saba Sanabil Sharif Woh Kitab Hai Jo Sarkaar Aqdas صلى الله عليه وسلم Ki Bargaah Mein Maqbul Hai Jaisa Ke Hazrat Shaah Kalimullah Chishty عليه الرحمه Ne Bistr e Khawaab Par Alam e Waqiya Men Dekha -
Mulahiza Ho -
اصح التواريخ جلد اول ٦٨امأ ثرالكرام صفحه ٢٩ اور كاشف الاستار صفحه ٤١
Madariyon Ke Sawal Ka Jawaab Ye Hai Ke Alahazrat Imam Ahmad Raza Mohaddis e Barelvi رضى الله عنه Ko Silsila e Madariya Men Baiat Karne Ki Khilafat o Ijazat Nahi Thi Balke Is Silsila Ke Sirf Azkar O Ashkaal Ki Ijazat Hasil Thi - والله تعالى اعلم
Sawal : Agar koi shakhs kisi alim ke bare me burayi kare to kia us sakhs ki namaj uske pichhe hogi
Jawaab : Namaz ho jaayegi Magar Makrooh hogi Aur Bila wajah kisi Alim ko bura kehne wala gunahgar hoga
Sawal : Asslamu alykum Hazrat mazrat ke saat Arz kar raha hun pahele maine sawal kiya tha shayad aapki najr se chut gaya hoga kya badmazhabo ki islah ke liye unko deen ki sahi dawat dene ke liye unko hum Apne program ijtime me bula sakte hain ya Nahi ❓❓❓baraye mehrbani jawab inayat farmaye JazakALLAH khayar...
Jawaab : Tableeg e Deen ke liye Kuffaar ko bulana aur unhe deen ki Daawat dene ki Ijaazat hai Is Shart ke sath k Un se Kisi Tarah ki Dosti ya Bila Haajat Un se Talluqat na rakhe jaayen
Sawal : Koi shakhs kisi sunni sahi ul aqeeda shakhs ko aaj ke daur ka abdullah bin ubayy kahey to uspe kya hukm lagega. Hazrat rehnumayi farmaye. جَــزَاك اللــه خَيــرَالْجــزَاء
Jawaab : Abdullah Bin Ubai Munafiqeen ka sardar tha .. kisi Sunni Musalman ko Abdullah bin ubai kehna sakht Lafz hai .. Aisa kehne wala Ehtiyaatan tauba o tajdeed e Iman kare ..
Sawal : Hazrat sawaal ye hai k jaise humlog college wagaira mein saath mein padai likhai karte hai phir koi behrune mulk chala gaya aur aaj kal to whatsapp ka ZAMANA hai number ek doosre k paas REHTE hai jab koi Muslim behrune mulk se laut kar aaiga to uske saath padne waale kuch gair Muslim log Milne k liye bulae to kya unse yaani kuffaro se mila jaa sakta hai??
♦ Beyroone mulk se agar koi cheez laai maslan chocolate wagaira to kya saath mein PADNE LIKHNE waale kuffaro ko de sakte hai????
Jawaab : Kuffar o Mushrikeen se Bila zarurat e Shara'iyyah kisi tarah ka Mel jol Jaayez nahi ... Aur Dosti Wagaira Muwalaat Bilkul Jaayez nahi.
Sawal : Gair muslim hindu ya christian neighbour ya padoshi ke yaha koi mar jaye to hum waha Bethne ( ko jaa sakte hai?
Jawaab : Gair Muslim bimar Pade to us ki iyaadat ko jana Aur Mar jaaye to Ta'ziyat karna Na jaayez hai
Sawal : HAZRAT mera ye sawaal hai k kisi shaks ne hinduo ka tyohaar jisme wo log kuch din tak naachte gaate hai usme shirkat ki jab ki usse pata tha ye galat hai musalmano ko iski ijazat nahi phir Bhi wo usme naacha kyunki uske kuch dost GAIR Muslim hai phir usse nadamat hui k usne galat kiya uske baad usne tauba ki tajdeede imaan Bhi kiya lekin us shaks ko abhi tak ye KHAUF Sata raha hai k wo phir IMAAN waala hua ya nahi kyunki jaanbujkar usne hinduo k tyohaar mein dance kiya tha masti mazaak mein jawab INAYAT farmaiye
Jawaab : Agar Sacche dil se Tauba kar li to Allah Tauba Qubool Farmane wala Maherban hai ... Quraan E Paak ka Irshad hai
وهو الذي يقبل التوبة عن عباده ويعفو عن السيئات.
Wahi Zaat hai jo Apne Bando ki Tauba Qubool Farmata hai aur Gunaho ko Bakhshta hai..
Sawal : Hazrat ek sawal hai, Ek Muslim Ladka ek Hindu Ladki ko bhahen (sister) mante hai kya uss see Rakhi Ban sakte hai... Hazrat Jawab Inayat farmaiye
Jazak'Allah hu khair
Jawaab : Qur'aan e paak ka irshad hai
"Momineen hi bhai bhai hain"
Kisi hindu larki ko apni bahen manna Haraam k Kaafir se kisi tarah ke muwalaat jaayez nahi, Aur Rahi baat rakhi bandhne ki to ye bhi sakht gunaah hai balke Agar is Gair muslim Tahwaar ko accha samjhe to aur sakht hukm hoga.
Sawal : Ek mera dost hai uski dukan me Rakhi bechra jayaz hai ya nahi, Hazrat iska Jawab ata farmaye
Jawaab : Najayez hai k ek hindu tahwar ki tash'heer karta hai...
Sawal : Assalamualaikum hazrat rehnumayi farmae ye kehna kaisa????
Koi insaan kisi insaan ko kya deta hai,,
Banda to bahana hai khuda deta hai,,
wo Jahannam b mujhe de to karu shukr adaa,,
Koi apna hi samjh kar to sazaa deta hai....
Jawaab : Ye Kisi Jahil Shaayer ka Sher hai Wo Jahannam Jisse Saari Makhlooq panaah maange use pane sher me ek Mamuli si cheez bana dena Gunah par jari hone ki janib ishara hai aise Ash'aar se Parhez laazmi hai
Sawal : Kya Farmate hain ulema e Deen is masale me, Delhi ki aik masjid Mai Jume ki Namaz me Namzi kafi tadad m hote hain, Khutbe k Doran kuch afraad chanda karte hain, Jisse kuch log khutba sunte Mai chanda dete hain, Kya ye tariqa chanda karne ka jaiz hai...??? Or Jo khutbe k Doran chanda dete hain bol kr Kya unki Namaz ho jaegi Jawab ata farmae
Jawaab : khutba ke Adaab se hai ke Us waqt khamoshi ikhtiyar ki jaaye aur Aur Adab ke sath baith kar Khutba suna jaaye ... is dauraan chanda karna jaayez nahi aur na hi is waqt chanda diya jaaye ...
Sawal : Huzoor muslim hukumat main mandir ke liye apne desh main jaga dena kaisa? Kya hukum hai aisi hukumat ke liye?
Jawaab : Hukm ye hai k Kuffar ko un ke Haal par chhor diya jaaye ... aur is baat par Raza mandi ka izhaar na kiya jaaye
Sawal :
مسئلہ : کچھ گاوءں کے ھندووء نے ایک مندر کی افتتاح کا پروگرام رکھا اس میں گاوءں کے تمام مسلم برادری کو کھانے کا نیوتا بھیجا اب کیا یہ کھانا مسلمان کھا سکتے ہیں حالانکہ وہ کھانا مسلم جماعت خانہ میں ھوگا لیکن کاریگر ان کے ہوںگے شیڈیول بھی ان کی طرف سے ہوگا.
جواب:
🌠 سوال ہی سے ظاہر ہے کہ ایک مندر کے افتتاح کی خوشی میں یہ دعوت رکھی گئی. ایسی دعوت میں شریک ہونا اور کفار کے بت خانہ بنانے کی خوشی میں شریک ہونا حرام بلکہ اس سے بھی سخت حکم ہو سکتا ہے جو لوگ ایسی دعوت میں شریک ہوئے وہ احتیاطا توبہ و تجدید ایمان و نکاح کر لیں
Sawal : promotion aur marketing ke liye kuch website me product free me sale hota hai. Kya isse free order karna aur use use karna jaiz hai.
Jawaab : Agar Ba Taur e Hiba Koi Cheez mil rahi ho to Use Lene me Harj nahi ... Ya Kisi Kafir Company se Koi Maal Free me Kisi Tarah mil sakta ho jis me Gadr o Bad Ahdi na ho to Lena Halal hai
Sawal : Jab Hamari Koi Behen Ki Shadi Ho Jati Hai Toh Woh Apne Baap Ka Naam Nikal Kar Apne Sohar Ka Naam Likh Leti Hai. Kya Aesa Karna Sahi Hai..???
Barae karam Rehnumai Farmaye...
Jawaab : kisi aurat ka Apni Pehchan ke liye Apne naam ke sath Apne Shauhar ka Naam Bhi Istemaal karna Jaayez hai ... Haan Apna Nasab Badal lena Haraam hai Jaise ke wo Aurat Ansari ho aur Kisi khan se Nikah hone ke baad apne naam ke aage khan Istemaal kare ye Haraam hai ..
Sawal : MUFTI SAHAB IS SAWAL PAR TAWAJJU KIJIYE, MATURIDI OR ASHA'RI KISEY KEHTE HAIN...??? IS BAAREY ME COMPLETE DETAILS INAYAT KAREY... JAZAAK'ALLAH KHAER
Jawaab : Jis waqt Mo'tazila Aur dosre gumraah firqon k nazariyaat phailte jaa rahe the.
Allah Ta'aala ne ummat e Muhammadiyah ki hidaayat wa(aur) rahnumaayi ke liye Aise rijaal wa afraad ko muntakhab kiya jinho ne deen e haneef aur aqaayid e haqqah ki hifaazat wa himaayat wa siyaanat ka kaam bade a'ala darajaat aur munazzam tareeqe se anjaam diya.
Aur mulhideen wa zanadiqah wa firq e Dwaallah (gumraah firqo) k auhaam wa nazariyaat ka adillah wa baraaheen ke zariye bhar poor rad kiya.
Aur mo'tazilah aur deegar firaq e dwaallah k intishaar k ba'ad ALLAH TA'ALA ne'' Shaikh abul hasan ash'ari aur shaikh abul mansoor ul maturidi ko paida kiya.
Lihaaza in dono buzurgon ne aqaayid e ahl e sunnat ki hifaazat wa himaayat ka kaam badi mehnat e shaqqah k sath shuru kiya
Aur sahaabah wa taabaeen k aqaayid ki hifaazat wa siyaanat ka zimmah uthaya''
Aur apne zabaan wa qalam se dalaayil e naqliyah wa aqliyah se us ka isbaat kiya
Aur mustaqil kutub wa taaleefaat me aqaayid e alhl e sunnat ko jama kiya.
Aur sath sath Mo'tazila aur un k nikalne wale deegar firaq e dwaallah k shub'haat wa nazariyaat ka bade zor o shor se radd kiya.
Lihaaza is ke ba'ad tamaam ahl e sunnat ash'ari ya ma tureedi kehlaane lage..
Aur ye nisbat is liye zaroori thi taake deegar firaq e dwaallah se imtiyaaz wa farq waazeh rahe.
Lihaaza is k ba'ad in do aimmah ke manhaj par chalne waale log ahl e sunnat kehlaaye........
Sawal : Asslamu Alaikum Warahmatullahi wabarakatuh Hazrat Ek Sawal hai ki Zaid ki Zohar ki Namaz Qaza hogayi Hai Zaid ne Bajamat Asar ki Namaz Padh li Ab Zohar ki Qaza Pad sakta hai Ya nahi Rahnumai Farmayen
Jawaab : surat e Mas'oola me Agar zaid saheb e tarteeb nahi to wo zohar ki qaza parh sakta hai jab ke Makrooh waqt na ho
Sawal : Assalamalykum hazrat ek sawal yeh hai ki zaid ne apni biwi ko kha k tu apni maa k ghar chali ja nahi to talaq dedunga ladki apni maa k ghar agai to kiya talaq hui?is bare me rehnumai farmai . is baat ko 7 month gujar chuke hai ladki abhi bhi apni maa k ghar pe hai .
Jawaab : mazkoora jumla "tu apni maan ke ghar chali ja nahi to talaq de dunga" is se Talaq waaqe na hogi.
Sawal : Mufti sahab kibla Jaid ka sawal hai khwab main bht saary sanp (snakes) dekhy itny zada thy k jaisy un ki barish ho rhi ho... or jis janwar ka nam leny sy zbaan napak hojati ha wo b bht dkhy ak ne mujh py hamla b kya..... or us j baad meri ankh khul gaee....Rahenumai farmaye JazakALLAH kair
Jawaab : Saanp ka dekhna Dushman ki alaamat hai Apni Hifazat ke liye Sote waqt Ayat al kursi aur Surah falaq surah naas parh kar damm kar len... kisi janwar ka naam lene se zabaan napaak nahi hoti
Sawal : Aurat namaz kab padhe aya mard ki jamat k bad ya pahle kon sa tariqa behtar hai...?????
Jawaab : behtar ye hai k Muhalle ki Masjid ki azan ke baad Hi Namaz parhi jaaye. Jamaat ka intezar na kare...
Sawal : Meri office mai ek Banda hai Mubarak ali. Unka sawal hai ke musale kaise bane shafi,Hanfi, Hambli, maliki??
Please iska Jawab pure ahtimam se chahiye aur asar ki Namaz shafayi hazraat pehle asre mai Q padte hai aur kya Hanifi Hazraat ki namaz shafayi imaam k peeche hogi ? Mufti sahab Rehnumai farmaye.
Jawaab : Jab ap mareez hote hain to Ap ki Aql kya kehti hai k ap kis ke paas jaayen? Engineer ke paas? Baniye ke paas? Ya doctor ke paas?
Zahir hai k aql doctor ke paas jane ka hukum karti hai.
jab insan khud shariat se waqif na ho aur jahannam me jaane se bachne ke liye shariat par Amal karna chahta ho to Masaail poochne ke liye kis ki taraf ruju kare? Alim e deen ki taraf? Ya jahil ki taraf? Aql e saleem yahi kehti hai k us ki taraf ruju kiya jaaye jo deen ke Ahkam me waqif ho aur Alim e deen ho.
Wo Alim e deen ya khud deen me specialist hoga ya kisi specialist ke nusqe ko batayega usi specialist ko mujtahid kehte hain aur us ke fatwe par Amal karne ko Taqleed.
Islami Shariat ki aslan 3 buniyaden hain.
1⃣ Allah ki kitaab (Qur'an majeed)
2⃣ Sunnat e Rasool ﷺ (Hadees e Nabavi)
3⃣ ijma e Ummat.
Kitabullah asl ul usool hai, aur sunnat kitabullah ki tashreeh hai, aur ijma e ummat baaz sunnat ka bayan hai.
Kitab o sunnat ke Ahkam ki koi na koi illat zarur hoti hai, albatta kabhi wo illat zahir hoti hai aur kabhi makhfi (poshida) , makhfi illato ko Muta'iyyan karna bahot dushwar hai, is kaam ke liye badi diqqat e nazar ki zarurat hoti hai.
ummat ke baaz Ahl ullah se Allah ne ye khidmat li jin ki Qur'an o Hadees aur Mizaaj e Shariat par Gahri aur puri nazar thi, ummat ka siwaad e Azam salafan wa khalfan qarnan baad qarnin un ki imamat aur jalalat e shan ka qaayel hai.
makhfi illato ko muta'iyyan kar ke naye naye masaail ke Ahkam Ma'loom karne ka naam ijtehad hai, aur Ilal e Mutlaqa par gair Mansoos masaail ko muntabiq kar ke illat e Mushtarika ki bina par mansoos hukm ko gair mansoos ke liye sabit karne ka naam qiyaas hai. Lehaza qiyaas ki buniyad kitabullah o sunnat aur ijma e ummat hi hai.
Is se Maloom hua k Aimma ke Mujtahidaat (ijtehadi masaail) yaani fiqh haqeeqat me hadees hi ka nateeja hain, hadees ke muqabil me koi nayi cheez nahi hai, neez is se ye bhi Maloom hua k ijtehaad aur qiyaas karna har ek ke bas ki baat nahi jabke masaail par chaahe qadeem hon ya jadeed shar'an amal karna zaruri hai.
is liye ummat ke qabil e etebar ulama e deen ka kisi ek imam ki taqleed par ijma hai.
Khususan is zamaane me jabke shariat par Ama karne ke liye himmaten past hain, nafs me khwahishat ka dakhal hai aur khud raayi ka galba hai.
Agar Admi ko bilkul azad chhor diya jaaye k wo jis mazhab aur jis imam ki pairwi karna chahe pairwi kare to chunke is zamane me khwahishat ka galba hai, Admi apni garz aur khwahish ke mutabiq jo surat har mazhab me se apne matlab ki paayega ikhtiyar kar lega, aur jo us ke matlab ke khilaf hoga us ko na maanega.
aisi surat me Deen to rahega nahi, garz aur nafs parasti reh jaayegi. K kabhi us imam ki taqleed karen jo Kisi wajah se nikah ko fasid qarar dete hain aur kabhi us imam ki jo durust qarar dete hain apni garz aur khwahish ke mutabiq aur is tarah amal karna bil ittefaq na jaayez hai.
Isi wajah se Ulama ne Aimma e Arba'h me se kisi ek ki Taqleed ko lazim aur zaruri qarar diya hai.
Kisi Hadees ka fee nafsihi sahi hona amal ke liye kafi nahi jab tak ye Maloom na ho jaaye ye hadees gair mansookh ya gair mu'awwal hai.
Aimma e Arba'h ke aqwaal mukhtalif kitabo me maujood hain jin me un hazraat ne waazeh taur par kaha hai k hamari har us baat ko maano jo Qur'an o Sunnat ke Muwafiq ho aur jo Khilaf ho us ko mat maano.
matlab ye hua k wo apne aqwsal par Amal ki Targeeb de rahe hain aur ye bhi bata rahe hain k in ke aqwal Qur'an o Sunnat ki Mukhalifat nahi karte, lehaza is se un ki Taqleed ka hukm un ke apne Aqwal se saabit hua.
Asr ki Namaz Jis waqt Hanafio ke nazdeek waqt nahi hota shafayi ke piche parhna durust nahi.
Asr ke waqt me Aimma ka ikhtelaf hai Aur Shawaafe ke nazdeek mufta bih qawl ye hai k Asr ka waqt Misl e Awwal ke baad hota hai jab ke Ahnaf ke nazdeek mufta bih qawl ye hai k Asr ka waqt misl e saani ke baad hota hai.
Agar Shafayi imam Ahnaf ke Mutabiq Sharaait o Faraaiz ka Lehaz kare to us ke peeche Hanafi ki namaz ho jaayegi magar behtar ye hai k Hanafi imam ke peeche hi Namaz parhi jaaye. Wa-Allahu Ta'ala A'lam
Sawal : Hazrat kisi Aurat ne mannat mani ho ki me falaah kaam hone per itni ta'daad me (Example 5000) Darood e Nariyah ya Digar wazaif ka wird karungi
Toh ab woh mannat puri hone par aas paas pados ki Auraton ko bula kar ya kisi ko (hadiya) paisa de kar ye wird karwana jayez hai?
Ya jis ne woh mannat maani usi ko hee woh wird karna chahiye? Baraye Maherbaani Rehnumayi Farmaaye, Jazakallahu khairal jaza'a
Jawaab : Agar us ne Ye Minnat maangi thi k Wo khud Itni Ta'dad me durood e paak parhegi to wo khud parhe ... dosro se na parhwaaye...
Sawal : Hazrat kisi bhai ke ye do sawal hai rehnumai farmaiye...
1⃣ Ladies Eyebrow aur waxing karwa sakti hai?
2⃣ Bht se log bolte hai kafir se byaj le sakte hai Hindustan mein le sakte hai
Jawaab :
1⃣ eyebrow banwana yaani Use Nochwana Haraam Sakht haraam aur Hadees me aisa karne wali par Laanat aayi hai haan hath pair ke baal saaf karne me harj nahi
2⃣ Kisi Hundu ya dosre kafir se Kisi Tarah Zyada raqam lene ki ijazat hai ye sood nahi balke use nafa samjhe
Sawal :
"नीयत" कितनी भी अच्छी हो,
दुनिया आपको आपके दिखावेसे जानती है,
और "दिखावा कितना भी अच्छा हो
"उपरवाला" आपको नीयत से जानता है......
क्योंकि हम ऐसी दुनियां में रहते है,
जहाँ
नकली निम्बू पानी
(Limca, Sprite)
से आपका स्वागत होता है,
और असली निम्बू पानी
(Finger bowl)
हात धोने के लिए दिया जाता है।
Hazrat ALLAH TA'ALA ke liye "uparwala" kehne par koi hukm hai ???
Jawaab : upar waale se Muraad agar Allah Ta'ala ke liye Jagah Muta'iyyan karna maqsood hai to ye Gumrahi hai ... Aur Agar is se Murad Rab Azza wa jal ki Buzurgi wa bartari murad hai to jaayez hai ... magar upar wala kehne se Ehteraz karna chahiye
Sawal : Hazrat 1 sawal hai, Hamare okha shahar me yeh tariqa hai ki maiyat qabr me dafn hone ke bad Azan padhi jati hai aur azan ke bad mukhtasar duaa padhte hain to sawal yeh hai ki duaa azan ke bad moazzin qabrastan se bahar Aajaye uske bad padhi jaye ya moazzin qabrastan me hai aur duaa padhi to koyi harj to nahi jawab inayat farmaye
Jawaab : Qabr par Khade ho kar Dua ki jaaye aur Baad e Dua Azan di jaaye ... Agar is ke bar aks kiya tab bhi koi harj nahi
↪ ANSWER BY:
(Mufti) Maqsood Akhtar Qadri Sahab Qiblah
Khalifa E Huzoor Taajush Sharia.
Khdim al-Ifta Razavi Amjadi Darul Ifta
50/ New Qazi Street Mumbai 400003.
Post Copied From : ⤵
ℹshq e Nabi ﷺ WhatsApp Group
↪ Talib E Dua ⤵
Dars E Fiqah
WhatsApp Group
+919886596449
Agr shirt ya sweater pr Koi be jaan cheez ho jesy shoes ya kuch or to namaz Quran parhna jaiz hai
ReplyDelete