Melad Ki Sharai Haisiyat
Allahu Rabbu Muhammadin
Salla Alaihi Wasallama
Nahnu Ibaadu Muhammadin
Salla Alaihi Wasallama
➖➖➖➖➖➖➖➖➖
Eid E Melad Un Nabi ﷺ Ki Sharai Hasiyat
Mahe Rabiul Awwal Mein Umooman awr 12 Rabiul Awwal ko Khususan Aaqa E Do Jahan ﷺ ki Wiladat Ba Sa'adat ki khushi me pore aalame Islam mein Mahafile Melad munaqid ki jati hain awr Melad Un Nabi ﷺ ki Khushi Manai Jati hai. Huzoor E Akram ﷺ ka Melad Manana Jaiz O Mustahab awr Mohabbate Rasool ﷺ ki Alamat hai awr Iski Asal Qur'an O Sunnat se Sabit hai.
Zikre Melad E Mustafa ﷺ Hukum E Qur'ani bhi hai awr Sunnate Ilahi Bhi
Irsh'ade Bari Ta'ala Hua : "Awr Inhe ALLAH ke Din Yaad Dilao" (Surah Ibrahim Ayat 05) Imamul Mufassareen Sayeduna Abdullah Bin Abbas ke Nazdeek Ayam Ullah se Murad wo din hain jisme Rab E Ta'ala ki kisi Nem'at ka nuzool hua ho : in ayam me sabse badi Nem'at ke din Sayyad E Aalam ﷺ ki Wiladat O Meraaj ke din hain, unki yaad qayam karna bhi is ayat ke Hukum me dakhil hai". (Tafseere Khazain Ul Irfan)
🌹 Nisaar Teri Chahal Pahal Par Hazaron Eidain Rabiul Awwal
Siwae Iblees Ke Jahan Mein Sabhi To Khushiyan Mana Rahe Hain 🌹
Bila Shuba ALLAH Ta'ala Ki Sabse Azeem Nem'at Nabi Kareem ﷺ Ki Zaat E Muqadessa Hai
Irsha'ad Hua : "Beshak ALLAH Ka Bada Ahsaan Hua Musalmano Par Inme Inhi Mein se Ek Rasool Bheja". (Aale Imraan Ayat 164) Aaqa O Moula ﷺ to Woh Azeem Nem'at hain ke Jinke Milne par Rab E Ta'ala ne Khushiyan Manane ka Hukum bhi diya hai.
Irsh'ad Hua : "(Aye Habeeb!) Tum Farmao, ALLAH Ke Fazl, awr Iski Rehmat (Ke Nuzool) ke sabab Inhein chahiye ke Khushi Manayein, Woh (Khushi Manana) Unsab chizon se Behtar hai jo woh jama karte hain". (Surah Younus Ayat 58) ALLAH Ta'ala ke Fazl O Rehmat se murad Huzoor ﷺ hain, Suratul Ahzaab Ayat 47 mein Aapko "Fazl" awr Suratul Ambiya Ayat 107 mein "Rehmat" Farmaya gaya hai.
Awr Ek Muqaam par Nem'at ka charcha karne ka Hukum bhi Irsha'ad Farmaya. "Awr Apne Rab Ki Nem'aton ka Khoob Charcha Karo". (Ad Duha Ayat 11, Kanzul Imaan) Khulasa yeh haike Eid E Melad Un Nabi ﷺ manana logon ko ALLAH Ta'ala ke Din ke yaad dilana bhi hai, Iski Nem'at E Uzma ka Charcha karna bhi awr Is Nem'ate Kubra ke milne ki khushi manana bhi.Agar Iman ki Nazr se Qur'an O Hadees ka mutaila kiya jaye to maloom hoga ke Zikre Melad E Mustafa ﷺ ALLAH Ta'ala ki Sunnat hai. Surah Aale Imran ki ayat 81 mulaihiza kijiye. Rab E Zuljalal ne Kam O Besh 1,24,000 Ambiya E Kiraam ki Mehfil me apne Habeeb E Labeeb ﷺ ki Aamad ka Zikr yun Farmaya.
Irsha'ad Hua : "Awr Yaad Karo Jab ALLAH Ne Paighambaron se Inka Ahad liya, Jo Main Tumko Kitab awr hikmat du awr fir Tashreef layein Tumhare Pass Woh Rasool ke Tumhari Kitabon ki Tasdeeq farmayein to Tum Zaroor Zaroor ispar Imaan lana awr Zaroor Zaroor Iski Madad karna". (Kanzul Imaan Az AalaHazrat Muhaddise Barelvi رحمته الله عليه ) Yeh Sabse Pehli Mehfil E Melad thi jisse ALLAH Ta'ala ne Munaqid Farmaya awr Is Mehfil ke Shurka Sirf Ambiya E kiraam عليهم السلام thy. is tarha Rab E Ta'ala ne Qur'an Kareem me Hazrat Musa, Hazrat Yahiya awr Hazrat Esa عليهم السلام ki ke Tazkire bhi Farmae hain awr Huzoor ﷺ ki Duniya me Tashreef Aawari awr Fazail Ka Zikr to Qur'an Kareem ki Muta'adad Ayate Kareema me moujod hai.
Zikre Melad, Rasool E Kareem ﷺ ki Sunnat hai
Nabi Kareem ﷺ ke Melad Paak awr Fazail O Munaqib ka Zikr Khud Rehmate Aalam ﷺ ki Sunnat bhi hai. Mustadik Al Hakim awr Mishkw'at Shareef Baab Fazail Sayyad Ul Mursaleen me yeh Hadees moujud haike "Main ALLAH Ta'ala ke Nazdeek Khatamal Nabiyeen (Akhri Nabi) likha hua tha jabke Aadam عليه السلام apne Khameer me Gundhe huye thy. Main tumhein Apne Muamle ki Ibteda batata hoon ke Main Ibrahim عليه السلام ki Dua, Esa عليه السلام ki Basharat awr Apni Walida ka Woh Khwab hoon jo Inhone Meri Paidaish ke Waqt dekha awr Inse Ek Aisa Noor Zahir hua jisse Shaam ke Mehallat Roshan hogaye.
✔ Mishkw'at Ke isi Baab me Tirmizi awr Darimi ke hawale se Hadees E Paak moujud haike Sahaba Kiraam Baaz Ambiya E Kiraam ke Fazail ka Zikr Karrahe thy ke is Mehfil mein Aaqa O Moula ﷺ Tashreef le aaye awr Aapne Apne Fazail Khud Bayan Farmae Jinme se Ek yeh hai. "Khabardar Raho! Main ALLAH Ka Habeeb hoon"
Sayyad E Aalam Noor E Mujassam ﷺ ke Mubarak Zamane ki Ek awr Mehfil E Melad Jo Masjid E Nabwi mein Munaqid huye isme Aaqa O Moula ﷺ ne Minbar Shareef par Jalwa Afrooz hokar Apna Zikr E Wiladat awr Apne Fazail Bayan Farmae. (Jamae Tirmizi J2 P201) is tarha ki kaye Ahadees Siya Sittah me Mulahiza ki jasakti hain.
🌹 Wohii Rab hai Jisne Tujhko Hamah Tan Karam Banayaa
Hamain Bheek Maangne ko Teraa Aastaan Bataayaa
Tujhey Hamd hai Khudayaa Tujhe Hamd hau Khudayaa 🌹
Melad E Nabi ﷺ, Sahaba Kiraam Ki Sunnat Hai
Mehfil E Melad me Rasool E Kareem ﷺ ki Wiladate Ba Sa'adat, Us Waqt ke Moujezaat awr Aapke Fazail Wa Khasais ka Tazkirah kiya jata hai khwa Nasr ki surat me hoya Manzoom. aisi beshumaar Ahadees hain jinme Sahaba E Kiraam ne Aaqa O Moula ﷺ ke Melad, Moujezaat awr Fazail O Khasais Bayan kiye hain. agar yeh Baatein Najaiz hoti to Sahaba Kiraam inhe kabhi riwayat na farmate awr na hi Muhadiseen inhe apni Kutub me Naql karte. Namwar Muhadiseen Imam Ibne Jouzi, Imam Saqawi, Imam Ibne Kaseer, Imam Suyuti awr Muhadise Ali Qari رحمهم الله تعالى ne Melad Un Nabi ﷺ ke Unwan par Baqaedah Kitabein Tehreer ki jabke Imam Tirmizi رحمته الله عليه ne to Jamia Tirmizi me Ek Baab ka Unwan hi yeh likha "Baab Ma'a Ja'a Fi Melad Un Nabi ﷺ"
Moulvi Abdul Haq Lakhnawi ne bhi iqraar kiya haike ye Haqiqat (Yani Melad Manana) Rasool E Kareem ﷺ awr Sahaba Kiraam ke Zamane me Moujud thi agarche ye Naam O Unwan nahi tha. Fun E Hadees ke Mahireen se yeh Baath poshida nahi ke Sahaba Kiraam apni Majalis E Waaz O Taleem me Nabi Kareem ﷺ ke Fazail awr Aapki Wiladat ke Halaath ka Zikr Kiya karte thy". (Majmuae Fatawa J1 P43)
Rasool E Muazam Noor E Mujassam ﷺ ke Mubarak Zamane me Sahaba Kiraam ki Chnd Mahafeel E Melad ka Zikr Mulaheza farmayein jinme Naatein bhi padhi gayein.
✔ Huzoor ﷺ ne Hazrat Hass'an رضى الله عنه Keliye Minbar par Chadar Bichai awr Inhone Minbar par Naat Padhi, Phir Aapne Inkeliye Dua Farmai. (Sahih Bukhari J1 P65)
🌹 Har Ek Saa’at-O-Lamha hai Qeemti Iska
Har Ek Raat se Barh kar mila Isay Rutba
Isiliye to ye Shab Behtreen Kehlaayi
Parho Durood k Molood ki Ghari aayi 🌹
✔ Hazrat Abbas رضى الله تعالى عنه ne Gazwaye Tabook se wapasi par Baargahe Risalat Zikre Melad par Mubni Ashaar pesh kiye. (Asad, Alghaba J2 P129)
Khaas Ne'mat ke Nuzool ke din ko Eid banana Nabi ka tariqa hai : baaz log yeh waswasa andazi karte hain ke Islaam me sirf 2⃣ Eidain hain lehaza Teesri Eid Haram hai (Maaz ALLAH). yeh Nazariya Batil hai. Qur'an Kareem se rehnumai lijiye.
💯 Irsha'ade Bari Ta'ala hai "Esa Bin Mariyam ne Arz ki, Aye ALLAH ! Aye Hamare Rab ! Hum par Aasmaan se ek (Khane Ka) Dastarkhwan Utar ke woh hamare liye Eid ho hamare aglo pichlo ki" (Al Maidah : 114) Yani Hum iske Nuzool ke Din ko Eid Banayein, Iski Tazeem karein, Khushiyan Manayein, Teri Ibadat Karein, Shukr Baja layein. Isse Maloom Hua ke Jisroz ALLAH Ta'ala ki Khaas Nem'at Nazil ho Is Din ko Eid banana awr Khushiyan Manana Ibadatein karna awr Shukr Bajalana Swalaheen ka Tareeqa hai awr Kuch Shak nahi ke Sayyad E Aalam ﷺ ki Tashreef Aawari ALLAH Ta'ala ki Azeem Tareen Nem'at awr Buzurg Tareen Rehmat hai Isliye Huzoor ﷺ ki Wiladate Mubareka ke Din Eid Manana awr Melad Shareef padhkar Shukr E Ilahi bajalana awr Izhaare Farha awr Suroor karna Mustahsin O Mehmood awr ALLAH ke Maqbool Bando ka Tariqa hai". (Tafseer Khazain Ul Irfan)
🌹 Zamino Zaman Tumhare liye
Makino Makan Tumhare liye
Chunino Chuna Tumhare liye
Bane Do Jahan Tumhare liye 🌹
✔ Hazrat Ibne Abbas رضى الله تعالى عنه ne Ayat " اليوم اكملت لكم دينكم " Tilawat farmai to Ek Yahudi ne kaha, agar ye Ayat Hum par Nazil hoti to hum is din ko Eid manate. Ispar Aapne Farmaya, Yeh Ayat Jis Din Nazil huye Is Din 2⃣ Eidein thi "Eid E Jumua awr Eid E Arfa". (Tirmizi)
Pas Qur'an O Hadees se Sabit hogaya ke jis din koi Khas Nem'at Nazil ho Is Din Eid Manana, Jaiz Balke ALLAH Ta'ala ke Muqarib Nabi Hazrat Esa عليه السلام awr Sahaba Kiraam عليهم الرضوان ki Sunnat hai. Mazeed yeh ke Islaam me sirf 2⃣ Eidein nahi balke Kaye Eidein hain albatta Eid Ul Fitr O Eid Ul Adha ki shohrat isliye zaida haike Ahle Kitaab ke 2⃣ Tehwaar (Nezooz awr Mehargan) thy jinse Behtar yeh 2⃣ Tehwaar yani Eid Ul Fitr awr Eid Ul Adha Musalmano ko ata huye. (Mishkw'at Shareef)
✔ Ek awr Hadees E Paak Irsha'ad Hua : "Arfa Ka Din, Qurbani Ka Din awr Tashreeq ke DIn Hamare Eid ke Din hain awr yeh Khane Peene ke Din hain". (Mustadrik Al Hakim J1 P600) Chunke Eid E Jumua, Eid E Arfa, Eid Ul Fitr awr Eid Ul Adha Habeeb E Kibriya ﷺ hi ke Sadqe me mili hain isliye Aapka Youm E Melad Badarja Aula Eid Qarar paya.
🌹 Eid E Melad Pe Hoon Qurban Hamari Eidein
Ke Isi Eid Ka Sadqa Hai Ye Saari Eidein 🌹
Melad E Nabi Ke Din Ko Eid Kehna Mohadiseen Ka Tariqa Hai
Sahih Bukhari Ke Sharah Imam Qastalani رحمته الله عليه Mahe Rabiul Awwal me Mahafile Melad ke Ineqad awr inki Barkaat ka zikr karke likhte hain "ALLAH Ta'ala Har Is Shaks Per Rehmatein Nazil Farmae Jisne Mahe Melad ki Raaton ko Eid Banakar aise Shaks par Shid'at ki jiske Dil me Marz O An'ad hai". (Muahib Al Duniya J1 P27)
Imam Suyuti Al Shafai رحمته الله عليه Ek Buzurg Sheikh Abu Al Teeb Muhammad Bin Ibrahim Maliki رحمته الله عليه ke hawale se likhte hain ke 12 Rabiul Awwal ko Woh Ek Madarsa ke paas se Guzare to Inke Ustaad ne Farmaya "Aye Faqiya ! Yeh Khushi Ka Din Hai Lihaza Bachon Ko Chutti Dedo" (Al Hawi Lil Fatawa)
Sheikh Fatah ALLAH Banani Masri رحمته الله عليه Shabe Melad ki Fazilat O Azmat Bayan karte huye Islaaf ka yeh Irsha'ad Naql Farmate hain "Is DIn Ke Sadqe Me ALLAH Ta'ala ne Is Ummat ko Degar Ummaton par Fazilat Ata Farmayi Isliye Ummat par Wajib haike Woh Melad Un Nabi ﷺ ki Raat ko Sab Eidon se Badi Eid ke taur par manaye". (Moulid Khair Khalaq ALLAH P125)
🌹 Eid E Melad Pe Hoon Qurban Hamari Eidein
Ke Isi Eid Ka Sadqa Hai Ye Saari Eidein 🌹
Melad Ki Khushi Manane Par Kafir Ke Azab Me kami
✔ Sahih Bukhari Jild 2 me haike Abu Lahab ke marne ke b'ad Hazrat Abbas رضى الله عنه ne ise Khwab me buri halat me dekha awr pocha, Marne ke b'ad Tera kia haal raha ? Abu Lahab ne kaha, Tumse Juda hokar maine koi Rahat nahi payi siwae iske ke main thoda se Seraab kiya jata hoon kyunke maine Muhammad ﷺ ki Paidaish ki Khushi apni laundi Soyeba ko Azad kiya tha.
Imam Ibn Jarzi رحمته الله عليه Farmate hain ke "Jab Huzoor ﷺ ke Melad ki Khushi ki wajah se Abu Lahab jaise Kafir ka yeh haal haike iske Azaab me kami kardi jati hai halanke iski Mazamat me Qur'an Nazil hua to Huzoor ﷺ ke Momin Ummati ka kia haal hoga jo Melad ki khushi me Huzoor ﷺ ki Mohabbat ke sabab Maal kharch karta hai. Qasam hai meri Umr ki iski Jaza yehi haike ALLAH Ta'ala usse apne Fazl O Karam se Jannat E Naeem me Dakhil farmade". (Muahib Al Duniya J1 P27, Matbua Misr)
🌹 Barasta Nahi Dekh Kar Abre Rehmat,
Badon Par Bhi Barsa De Barsa Ne Waale 🌹
Khaliq E Kayenaat Ne Apne Mehboob Rasool ﷺ Ka Jashn E Melad kaise Manay
✔ Seerate Halbiya J1 P78 awr Khasais Ul Kubra J1 P47 par yeh Riwayat Moujud haike "Jis Saal Noor E Mustafa ﷺ Hazrat Aamina رضى الله عنهما ko Wadiyat hua woh Saal Fatah O Nusrat, Tar O Tazgi awr Khushhali Ka Saal Kehlaya. Ahle Quraish Isse Qabl Maashi Badhali awr Qahat Saali me mubtela thy Huzoor ﷺ ki Wiladat ki Barkat se iss Saal Rab E Kareem ne Weraan Zameen ko Shadabi awr Haryali Ata Farmayi, Sukhe Darakht Phalon se Ludh gaye awr Ahle Quraish Khushaal hogaye". Ahle Sunnat isi Munasibat se Melad E Mustafa ﷺ ki khushi me apni Istet'at ke mutabiq Khane, Sheerni awr Phal wagairah taqseem karte hain. Eid E Melad Un Nabi ﷺ ke mouqe par Shamae Risalat ke Parwane Charagan bhi karte hain, iski asl mandarja zail Ahadees Mubareka hain.
✔ Aaqa O Moula ﷺ Ka Irsha'ade Girami ✔
"Meri Walida Majida ne Meri Paidaish ke Waqt Dekha ke Unse Aisa Noor Nikla Jisse Mulk E Shaam ke Mehallat Roshan Hogaye". (Mishkwat Shareef) Humto Eid Melad ki Khushi me apne Gharon awr Masajid par Charagan karte hain, Khaliq E Kayenaat ne na sirf Sari Duniya me Charagan kiya balke Aasmaan ke Sitaron ko Jhalarein Banakar Zameen ke Qareeb kardiya. Hazrat Usman Bin Abi Al Aas رضى الله عنه ki Walida رضى الله عنهما Farmati hain "Jab Aap ﷺ ki Wiladat huye main Khana E Ka'aba ke pass thi, Maine Dekha ke Khana E Ka'aba Noor se Roshan hogaya awr Sitare Zameen ke itne Qareeb aagaye ke Mujhe ye Gumaan hua ke kahin woh Mujhpar girna padein. (Seerate Halbiya J1 P94, Khasais Ul Kubra J1 P40, Zarqani J1 P112)
🌹 Barasta Nahi Dekh Kar Abre Rehmat,
Badon Par Bhi Barsa De Barsa Ne Waale 🌹
✔ Sayedah Aamna رضى الله عنهما Farmati hain "Maine 3⃣ Jhande bhi Dekhe, Ek Mashriq Me Ghada gaya Dusra Maghrib me awr Teesra Jhanda Khana E Ka'aba ki Chath par lehrahra tha". (Seerate Halbiya J1 P109) Isse Melad Un Nabi ﷺ Ke Mouqe Par Jhande lagane ki Asl bhi Sabit hogaye.
Eid E Melad Un Nabi ﷺ Ke Mouqe par Juloos bhi nikala jata hai awr Na'rae Risalat Buland kiye jate hain. Iski Asl yeh Hadees Paak haike Jab Aaqa O Moula ﷺ Hijrat karke Madinah Tayeba Tashreef le aaye to Ahliyane Madinah ne Juloos ki Surat me Isteqbal kiya. Hadees Shareef me haike Mard awr Awratein Gharon ki Chatton par chardh gaye awr Bache awr Khuddam galiyon me Phail gaye Yeh Sab Ba Awaz Buland Kehrahe thy Ya Muhammad Ya Rasool ALLAH ﷺ Ya Muhammad Ya Rasool ALLAH ﷺ. (Sahih Muslim J2 Baab Al Hijrat)
Mehboob E Kibriya ﷺ Ne Apna Melad Kaise Manaya
Nabi Kareem ﷺ ka Khud Apne Melad ka awr Apne Fazail ka Zikr Farmana pehle Mazkoor hochuka. Sahih Muslim me Hazrat Qatadah رضى الله عنه se marwi haike Aaqa O Moula ﷺ Har Peer (Monday) ke Din Roza Rakha karte thy. Aapse Iske Mutaliq daryaft kia gaya to Aapne Farmaya "Is Din Meri Wiladat Huye awr Isi Din Mujhpar Wahi Nazil Huye". Mohadaseen Farmate hain ke Aapne Har Peer ke Din Roza rakhkar Apna Melad Manaya awr Apne Melad ke Din ki Azmat ko Zahir kia awr Ibadat ke zariya Rab E Kareem ka Shukr ada kiya.
🌹 Barasta Nahi Dekh Kar Abre Rehmat,
Badon Par Bhi Barsa De Barsa Ne Waale 🌹
12 Rabiul Awwal Hi Tareeq E Wiladate Mustafa ﷺ Hai
✔ Imam Bukhari رحمه الله ke Ustaad Imam Abu Bakr Bin Abi Shaiba رحمه الله Sahih Asnaad ke saath Hazrat Jabir awr Hazrat Abdullah Bin Abbas رضى الله عنهم se Riwayat karte hain ke Nabi Kareem ﷺ ki Wiladate Mubareka Aam Ul Feel me 12 Rabiul Awwal ko huye. (Musanif Ibne Abhi Shaiba)
Mashoor Mufasir Hafiz Ibne Kaseer ne bhi Inhi Sahaba Kiraam se Riwayat kiya haike Nabi Kareem ﷺ ki Wiladate Mubareka 12 Rabiul Awwal ko huye. (Seerat Ibne Kaseer J1 P199)
Sheikh Abdul Haq Muhaddis Dehalvi رحمه الله ki Tehqeeq yehi haike "12 Rabiul Awwal ka Qawl Mashoor awr Jamhoor ka hai, Ahle Makkah ka Amal bhi ispar gawah hai kyunke woh isi raat Nabi Kareem ﷺ ki Jaye Wiladat ki Ziarat karte hain awr Mahafile Melad ka Ineqad karte hain". (Madarij Un Nabuwat J2 P14)
🌹 Wo Jahannum Me Gaya Jo Unse Mustaghni Hua
Hai Khalleelullah Ko Haajat RASOOLALLAH Ki 🌹
Mahafile Melad Ka Silsila Hamesha Se Jari Hai
Jashn E Melad Un Nabi ﷺ Ki Sharai Haisiyat Bayan karne ke B'ad ab chnd Tareeqi Hawala jaat Pesh Khidmat hain Jinse Sabit hota haike Mahafile Melad ka Silsila Aalame Islaam me Hamesha se Jari hai.
Mohaddis Ibn Jozi (597 H) رحمه الله Farmate Hain : "Makkah Mukarama, Madinah Tayeba, Yemen, Misr (Egypt), Shaam (Syria) awr Tamam Aalame Islaam ke Log Mashriq (East) se Maghrib (West) tak Hamesha se Huzoor E Akram ﷺ ki Wiladat Ba Sa'adat ke mouqe par Mahafile Melad ka Ineqad karte chale aarahe hain. Inme Sabse Ziada Ahtemam Aap ﷺ ki Wiladat ke Tazkireh ka Kiya jata hai awr Musalman in Mahafil ke zariye Ajr E Azeem awr Badi Ruhani Kamiyabi Pate hain". (Al Melad Un Nabwi P58)
Imam Ibn Hajr (856 H) رحمه الله Farmate Hain : "Mahafile Melad O Azkaar Aksar Khair hi par Mushtamal hoti hain, Inme Sadq'at, Zikre Ilahi awr Bargahe Nabwi me Durood O Salaam Pesh kia jata hai". (Fatawa Hadisiya P169)
Imam Suyuti (911 H) رحمه الله Farmate Hain : "Mere Nazdeek Melad keliye Ijtima Tilawate Qur'an, Hayate Tayebah ke Waqiyat awr Melad ke waqt Zahir hone wali Alam'at ka Tazkirah In Bidd'at E Husna me se hai jinpar Sawaab milta hai kyunke Isme Huzoor ﷺ ki Tazeem awr Aapki Wiladat par Khushi ka Izhaar hota hai". (Hasan Al Maqsad Fi Amal Al Mawlid Fil Haawi Lil Fatawa J1 P189)
🌹 Woh Hain ALLAH Wale Jo Tujhe Waali Kahein Apna
Keh Tu ALLAH Wala Hai Tera ALLAH Waali Hai 🌹
Shiekh Abdul Haq Muhaddis Dehalvi Qadas Sarah Farmate hain : "(Ilahi !) Mera Ek Amal Teri Zaat Paak ki Inayat ki wajah se Bohat Shandar hai awr woh yeh hai ke Main Majlise Melad me Khade hokar Sal'am Padhta hoon awr Nihayat Aajizi, Mohabbat O Khuloos se Tere Habeeb ﷺ Par Durood Bhejta Hoon". (Akhb'ar Ul Akhy'ar P264)
Imam Qustulani (923 H) رحمه الله Farmate Hain : "Rabiul Awwal me tamam Ahle Islaam Hamesha se Melad ki Khushi me Mahafil Munaqid karte rahe hain. Mehfile Melad ki ye Barkat Mujarab haike Iski wajah se Sara Saal Aman se Guzarta hai awr har Mur'ad jald pori hoti hai". (Muahib Ud Duniya J1 P67)
Shah Wali Ullah Mohaddis Dehalwi Ke Walid Shah Abdur Raheem Mohaddis Dehalwi رحمه الله ne Farmaya : "Main Har Saal Melad Shareef ke dino me Khana Pakwakar logon ko khilaya karta tha. Ek Saal Qahad ki wajah se Bhune Huye Chano ke siwa kuch mayassar na hua, Maine wahi Chane Taqseem kardiye. Raat ko Khwab me Aaqa O Moula ﷺ ki Ziarat se Musharaf hua to Dekha ke Wahi Bhune huye Chane Sarkare Do Aalam ﷺ ke samne rakhe huye hain awr Aap Behad Khush awr Masroor hain". (Al Darul Sameen P8)
Akabireene Devband ke Peer O Murshid Haji Imdad Ullah Muhajir Makki رحمه الله apna Mamol yun Bayan kiya hai: "Faqeer ka Mushrab yeh haike Mehfile Moulood me Shareef hota hoon balke Zariye Barkaat samjhkar Har Saal Munaqid karta hoon awr Qayam Me Lutf O Lazzat pata hoon". (Faisla Hafat Mas'ala P5)
In Dalail Wa Braheen se Sabit hogaya ke Melad Un Nabi ﷺ ki Mahafil Munaqid karne awr Melad ka Jashn Manane ka silsila Ummat E Muslema me Sadiyon se Jari hai awr Ise Bidd'at O Haram kehne wale darasal Khud Bidd'ati O Gumrah hain.
Melad Un Nabi ﷺ Manane Ki Fazilat
Imam Ibn Jozi رحمه الله Farmate hain ke Sayeda Aamna رضى الله عنهما ne ba waqte Wiladat Ek Hatife Gaibi ki Awaz suni jo yeh kehraha tha, "Har Woh Shaks Jo Huzoor ﷺ ki Wiladat ke Ba'as Khush hua, Iskeliye ALLAH Ta'ala ne Aag se Mehfooz rehne keliye Hijaab awr Dhaal banai. Jisne Mustafa Kareem ﷺ ka Melad manane keliye 1⃣ Dirham kharch kiya, Nabi Kareem ﷺ iskeliye Shafeh awr Mushfah honge awr ALLAH Ta'ala har Dirham ke badle Das guna Ata Farmayega". (Mawlid Al Aroos (Mutarjim) P49)
ALLAH Ta'ala Uske Habeeb ﷺ Ke Sadqe Tufail Hum Tamam Ko Mehfile Melad Manane awr Iski Tazeem karne ki Taufiq Inayat Farmae امين يارب العالمين والصلاة والسلام على أشرف الأنبياء والمرسلين صلى الله عليه وسلم
🌹 Aye Raza Yeh Ahmade Noori ka Faize Noor hai
Ho Gayi Meri Ghazal Padhker Qasidah Noor Ka. 🌹
📚 Dars E Fiqah 📚
👥 WhatsApp Groups
📱 +919886596449
Allahu Rabbu Muhammadin
Salla Alaihi Wasallama
Nahnu Ibaadu Muhammadin
Salla Alaihi Wasallama
➖➖➖➖➖➖➖➖➖
Eid E Melad Un Nabi ﷺ Ki Sharai Hasiyat
Mahe Rabiul Awwal Mein Umooman awr 12 Rabiul Awwal ko Khususan Aaqa E Do Jahan ﷺ ki Wiladat Ba Sa'adat ki khushi me pore aalame Islam mein Mahafile Melad munaqid ki jati hain awr Melad Un Nabi ﷺ ki Khushi Manai Jati hai. Huzoor E Akram ﷺ ka Melad Manana Jaiz O Mustahab awr Mohabbate Rasool ﷺ ki Alamat hai awr Iski Asal Qur'an O Sunnat se Sabit hai.
Zikre Melad E Mustafa ﷺ Hukum E Qur'ani bhi hai awr Sunnate Ilahi Bhi
Irsh'ade Bari Ta'ala Hua : "Awr Inhe ALLAH ke Din Yaad Dilao" (Surah Ibrahim Ayat 05) Imamul Mufassareen Sayeduna Abdullah Bin Abbas ke Nazdeek Ayam Ullah se Murad wo din hain jisme Rab E Ta'ala ki kisi Nem'at ka nuzool hua ho : in ayam me sabse badi Nem'at ke din Sayyad E Aalam ﷺ ki Wiladat O Meraaj ke din hain, unki yaad qayam karna bhi is ayat ke Hukum me dakhil hai". (Tafseere Khazain Ul Irfan)
🌹 Nisaar Teri Chahal Pahal Par Hazaron Eidain Rabiul Awwal
Siwae Iblees Ke Jahan Mein Sabhi To Khushiyan Mana Rahe Hain 🌹
Bila Shuba ALLAH Ta'ala Ki Sabse Azeem Nem'at Nabi Kareem ﷺ Ki Zaat E Muqadessa Hai
Irsha'ad Hua : "Beshak ALLAH Ka Bada Ahsaan Hua Musalmano Par Inme Inhi Mein se Ek Rasool Bheja". (Aale Imraan Ayat 164) Aaqa O Moula ﷺ to Woh Azeem Nem'at hain ke Jinke Milne par Rab E Ta'ala ne Khushiyan Manane ka Hukum bhi diya hai.
Irsh'ad Hua : "(Aye Habeeb!) Tum Farmao, ALLAH Ke Fazl, awr Iski Rehmat (Ke Nuzool) ke sabab Inhein chahiye ke Khushi Manayein, Woh (Khushi Manana) Unsab chizon se Behtar hai jo woh jama karte hain". (Surah Younus Ayat 58) ALLAH Ta'ala ke Fazl O Rehmat se murad Huzoor ﷺ hain, Suratul Ahzaab Ayat 47 mein Aapko "Fazl" awr Suratul Ambiya Ayat 107 mein "Rehmat" Farmaya gaya hai.
Awr Ek Muqaam par Nem'at ka charcha karne ka Hukum bhi Irsha'ad Farmaya. "Awr Apne Rab Ki Nem'aton ka Khoob Charcha Karo". (Ad Duha Ayat 11, Kanzul Imaan) Khulasa yeh haike Eid E Melad Un Nabi ﷺ manana logon ko ALLAH Ta'ala ke Din ke yaad dilana bhi hai, Iski Nem'at E Uzma ka Charcha karna bhi awr Is Nem'ate Kubra ke milne ki khushi manana bhi.Agar Iman ki Nazr se Qur'an O Hadees ka mutaila kiya jaye to maloom hoga ke Zikre Melad E Mustafa ﷺ ALLAH Ta'ala ki Sunnat hai. Surah Aale Imran ki ayat 81 mulaihiza kijiye. Rab E Zuljalal ne Kam O Besh 1,24,000 Ambiya E Kiraam ki Mehfil me apne Habeeb E Labeeb ﷺ ki Aamad ka Zikr yun Farmaya.
Irsha'ad Hua : "Awr Yaad Karo Jab ALLAH Ne Paighambaron se Inka Ahad liya, Jo Main Tumko Kitab awr hikmat du awr fir Tashreef layein Tumhare Pass Woh Rasool ke Tumhari Kitabon ki Tasdeeq farmayein to Tum Zaroor Zaroor ispar Imaan lana awr Zaroor Zaroor Iski Madad karna". (Kanzul Imaan Az AalaHazrat Muhaddise Barelvi رحمته الله عليه ) Yeh Sabse Pehli Mehfil E Melad thi jisse ALLAH Ta'ala ne Munaqid Farmaya awr Is Mehfil ke Shurka Sirf Ambiya E kiraam عليهم السلام thy. is tarha Rab E Ta'ala ne Qur'an Kareem me Hazrat Musa, Hazrat Yahiya awr Hazrat Esa عليهم السلام ki ke Tazkire bhi Farmae hain awr Huzoor ﷺ ki Duniya me Tashreef Aawari awr Fazail Ka Zikr to Qur'an Kareem ki Muta'adad Ayate Kareema me moujod hai.
Zikre Melad, Rasool E Kareem ﷺ ki Sunnat hai
Nabi Kareem ﷺ ke Melad Paak awr Fazail O Munaqib ka Zikr Khud Rehmate Aalam ﷺ ki Sunnat bhi hai. Mustadik Al Hakim awr Mishkw'at Shareef Baab Fazail Sayyad Ul Mursaleen me yeh Hadees moujud haike "Main ALLAH Ta'ala ke Nazdeek Khatamal Nabiyeen (Akhri Nabi) likha hua tha jabke Aadam عليه السلام apne Khameer me Gundhe huye thy. Main tumhein Apne Muamle ki Ibteda batata hoon ke Main Ibrahim عليه السلام ki Dua, Esa عليه السلام ki Basharat awr Apni Walida ka Woh Khwab hoon jo Inhone Meri Paidaish ke Waqt dekha awr Inse Ek Aisa Noor Zahir hua jisse Shaam ke Mehallat Roshan hogaye.
✔ Mishkw'at Ke isi Baab me Tirmizi awr Darimi ke hawale se Hadees E Paak moujud haike Sahaba Kiraam Baaz Ambiya E Kiraam ke Fazail ka Zikr Karrahe thy ke is Mehfil mein Aaqa O Moula ﷺ Tashreef le aaye awr Aapne Apne Fazail Khud Bayan Farmae Jinme se Ek yeh hai. "Khabardar Raho! Main ALLAH Ka Habeeb hoon"
Sayyad E Aalam Noor E Mujassam ﷺ ke Mubarak Zamane ki Ek awr Mehfil E Melad Jo Masjid E Nabwi mein Munaqid huye isme Aaqa O Moula ﷺ ne Minbar Shareef par Jalwa Afrooz hokar Apna Zikr E Wiladat awr Apne Fazail Bayan Farmae. (Jamae Tirmizi J2 P201) is tarha ki kaye Ahadees Siya Sittah me Mulahiza ki jasakti hain.
🌹 Wohii Rab hai Jisne Tujhko Hamah Tan Karam Banayaa
Hamain Bheek Maangne ko Teraa Aastaan Bataayaa
Tujhey Hamd hai Khudayaa Tujhe Hamd hau Khudayaa 🌹
Melad E Nabi ﷺ, Sahaba Kiraam Ki Sunnat Hai
Mehfil E Melad me Rasool E Kareem ﷺ ki Wiladate Ba Sa'adat, Us Waqt ke Moujezaat awr Aapke Fazail Wa Khasais ka Tazkirah kiya jata hai khwa Nasr ki surat me hoya Manzoom. aisi beshumaar Ahadees hain jinme Sahaba E Kiraam ne Aaqa O Moula ﷺ ke Melad, Moujezaat awr Fazail O Khasais Bayan kiye hain. agar yeh Baatein Najaiz hoti to Sahaba Kiraam inhe kabhi riwayat na farmate awr na hi Muhadiseen inhe apni Kutub me Naql karte. Namwar Muhadiseen Imam Ibne Jouzi, Imam Saqawi, Imam Ibne Kaseer, Imam Suyuti awr Muhadise Ali Qari رحمهم الله تعالى ne Melad Un Nabi ﷺ ke Unwan par Baqaedah Kitabein Tehreer ki jabke Imam Tirmizi رحمته الله عليه ne to Jamia Tirmizi me Ek Baab ka Unwan hi yeh likha "Baab Ma'a Ja'a Fi Melad Un Nabi ﷺ"
Moulvi Abdul Haq Lakhnawi ne bhi iqraar kiya haike ye Haqiqat (Yani Melad Manana) Rasool E Kareem ﷺ awr Sahaba Kiraam ke Zamane me Moujud thi agarche ye Naam O Unwan nahi tha. Fun E Hadees ke Mahireen se yeh Baath poshida nahi ke Sahaba Kiraam apni Majalis E Waaz O Taleem me Nabi Kareem ﷺ ke Fazail awr Aapki Wiladat ke Halaath ka Zikr Kiya karte thy". (Majmuae Fatawa J1 P43)
Rasool E Muazam Noor E Mujassam ﷺ ke Mubarak Zamane me Sahaba Kiraam ki Chnd Mahafeel E Melad ka Zikr Mulaheza farmayein jinme Naatein bhi padhi gayein.
✔ Huzoor ﷺ ne Hazrat Hass'an رضى الله عنه Keliye Minbar par Chadar Bichai awr Inhone Minbar par Naat Padhi, Phir Aapne Inkeliye Dua Farmai. (Sahih Bukhari J1 P65)
🌹 Har Ek Saa’at-O-Lamha hai Qeemti Iska
Har Ek Raat se Barh kar mila Isay Rutba
Isiliye to ye Shab Behtreen Kehlaayi
Parho Durood k Molood ki Ghari aayi 🌹
✔ Hazrat Abbas رضى الله تعالى عنه ne Gazwaye Tabook se wapasi par Baargahe Risalat Zikre Melad par Mubni Ashaar pesh kiye. (Asad, Alghaba J2 P129)
Khaas Ne'mat ke Nuzool ke din ko Eid banana Nabi ka tariqa hai : baaz log yeh waswasa andazi karte hain ke Islaam me sirf 2⃣ Eidain hain lehaza Teesri Eid Haram hai (Maaz ALLAH). yeh Nazariya Batil hai. Qur'an Kareem se rehnumai lijiye.
💯 Irsha'ade Bari Ta'ala hai "Esa Bin Mariyam ne Arz ki, Aye ALLAH ! Aye Hamare Rab ! Hum par Aasmaan se ek (Khane Ka) Dastarkhwan Utar ke woh hamare liye Eid ho hamare aglo pichlo ki" (Al Maidah : 114) Yani Hum iske Nuzool ke Din ko Eid Banayein, Iski Tazeem karein, Khushiyan Manayein, Teri Ibadat Karein, Shukr Baja layein. Isse Maloom Hua ke Jisroz ALLAH Ta'ala ki Khaas Nem'at Nazil ho Is Din ko Eid banana awr Khushiyan Manana Ibadatein karna awr Shukr Bajalana Swalaheen ka Tareeqa hai awr Kuch Shak nahi ke Sayyad E Aalam ﷺ ki Tashreef Aawari ALLAH Ta'ala ki Azeem Tareen Nem'at awr Buzurg Tareen Rehmat hai Isliye Huzoor ﷺ ki Wiladate Mubareka ke Din Eid Manana awr Melad Shareef padhkar Shukr E Ilahi bajalana awr Izhaare Farha awr Suroor karna Mustahsin O Mehmood awr ALLAH ke Maqbool Bando ka Tariqa hai". (Tafseer Khazain Ul Irfan)
🌹 Zamino Zaman Tumhare liye
Makino Makan Tumhare liye
Chunino Chuna Tumhare liye
Bane Do Jahan Tumhare liye 🌹
✔ Hazrat Ibne Abbas رضى الله تعالى عنه ne Ayat " اليوم اكملت لكم دينكم " Tilawat farmai to Ek Yahudi ne kaha, agar ye Ayat Hum par Nazil hoti to hum is din ko Eid manate. Ispar Aapne Farmaya, Yeh Ayat Jis Din Nazil huye Is Din 2⃣ Eidein thi "Eid E Jumua awr Eid E Arfa". (Tirmizi)
Pas Qur'an O Hadees se Sabit hogaya ke jis din koi Khas Nem'at Nazil ho Is Din Eid Manana, Jaiz Balke ALLAH Ta'ala ke Muqarib Nabi Hazrat Esa عليه السلام awr Sahaba Kiraam عليهم الرضوان ki Sunnat hai. Mazeed yeh ke Islaam me sirf 2⃣ Eidein nahi balke Kaye Eidein hain albatta Eid Ul Fitr O Eid Ul Adha ki shohrat isliye zaida haike Ahle Kitaab ke 2⃣ Tehwaar (Nezooz awr Mehargan) thy jinse Behtar yeh 2⃣ Tehwaar yani Eid Ul Fitr awr Eid Ul Adha Musalmano ko ata huye. (Mishkw'at Shareef)
✔ Ek awr Hadees E Paak Irsha'ad Hua : "Arfa Ka Din, Qurbani Ka Din awr Tashreeq ke DIn Hamare Eid ke Din hain awr yeh Khane Peene ke Din hain". (Mustadrik Al Hakim J1 P600) Chunke Eid E Jumua, Eid E Arfa, Eid Ul Fitr awr Eid Ul Adha Habeeb E Kibriya ﷺ hi ke Sadqe me mili hain isliye Aapka Youm E Melad Badarja Aula Eid Qarar paya.
🌹 Eid E Melad Pe Hoon Qurban Hamari Eidein
Ke Isi Eid Ka Sadqa Hai Ye Saari Eidein 🌹
Melad E Nabi Ke Din Ko Eid Kehna Mohadiseen Ka Tariqa Hai
Sahih Bukhari Ke Sharah Imam Qastalani رحمته الله عليه Mahe Rabiul Awwal me Mahafile Melad ke Ineqad awr inki Barkaat ka zikr karke likhte hain "ALLAH Ta'ala Har Is Shaks Per Rehmatein Nazil Farmae Jisne Mahe Melad ki Raaton ko Eid Banakar aise Shaks par Shid'at ki jiske Dil me Marz O An'ad hai". (Muahib Al Duniya J1 P27)
Imam Suyuti Al Shafai رحمته الله عليه Ek Buzurg Sheikh Abu Al Teeb Muhammad Bin Ibrahim Maliki رحمته الله عليه ke hawale se likhte hain ke 12 Rabiul Awwal ko Woh Ek Madarsa ke paas se Guzare to Inke Ustaad ne Farmaya "Aye Faqiya ! Yeh Khushi Ka Din Hai Lihaza Bachon Ko Chutti Dedo" (Al Hawi Lil Fatawa)
Sheikh Fatah ALLAH Banani Masri رحمته الله عليه Shabe Melad ki Fazilat O Azmat Bayan karte huye Islaaf ka yeh Irsha'ad Naql Farmate hain "Is DIn Ke Sadqe Me ALLAH Ta'ala ne Is Ummat ko Degar Ummaton par Fazilat Ata Farmayi Isliye Ummat par Wajib haike Woh Melad Un Nabi ﷺ ki Raat ko Sab Eidon se Badi Eid ke taur par manaye". (Moulid Khair Khalaq ALLAH P125)
🌹 Eid E Melad Pe Hoon Qurban Hamari Eidein
Ke Isi Eid Ka Sadqa Hai Ye Saari Eidein 🌹
Melad Ki Khushi Manane Par Kafir Ke Azab Me kami
✔ Sahih Bukhari Jild 2 me haike Abu Lahab ke marne ke b'ad Hazrat Abbas رضى الله عنه ne ise Khwab me buri halat me dekha awr pocha, Marne ke b'ad Tera kia haal raha ? Abu Lahab ne kaha, Tumse Juda hokar maine koi Rahat nahi payi siwae iske ke main thoda se Seraab kiya jata hoon kyunke maine Muhammad ﷺ ki Paidaish ki Khushi apni laundi Soyeba ko Azad kiya tha.
Imam Ibn Jarzi رحمته الله عليه Farmate hain ke "Jab Huzoor ﷺ ke Melad ki Khushi ki wajah se Abu Lahab jaise Kafir ka yeh haal haike iske Azaab me kami kardi jati hai halanke iski Mazamat me Qur'an Nazil hua to Huzoor ﷺ ke Momin Ummati ka kia haal hoga jo Melad ki khushi me Huzoor ﷺ ki Mohabbat ke sabab Maal kharch karta hai. Qasam hai meri Umr ki iski Jaza yehi haike ALLAH Ta'ala usse apne Fazl O Karam se Jannat E Naeem me Dakhil farmade". (Muahib Al Duniya J1 P27, Matbua Misr)
🌹 Barasta Nahi Dekh Kar Abre Rehmat,
Badon Par Bhi Barsa De Barsa Ne Waale 🌹
Khaliq E Kayenaat Ne Apne Mehboob Rasool ﷺ Ka Jashn E Melad kaise Manay
✔ Seerate Halbiya J1 P78 awr Khasais Ul Kubra J1 P47 par yeh Riwayat Moujud haike "Jis Saal Noor E Mustafa ﷺ Hazrat Aamina رضى الله عنهما ko Wadiyat hua woh Saal Fatah O Nusrat, Tar O Tazgi awr Khushhali Ka Saal Kehlaya. Ahle Quraish Isse Qabl Maashi Badhali awr Qahat Saali me mubtela thy Huzoor ﷺ ki Wiladat ki Barkat se iss Saal Rab E Kareem ne Weraan Zameen ko Shadabi awr Haryali Ata Farmayi, Sukhe Darakht Phalon se Ludh gaye awr Ahle Quraish Khushaal hogaye". Ahle Sunnat isi Munasibat se Melad E Mustafa ﷺ ki khushi me apni Istet'at ke mutabiq Khane, Sheerni awr Phal wagairah taqseem karte hain. Eid E Melad Un Nabi ﷺ ke mouqe par Shamae Risalat ke Parwane Charagan bhi karte hain, iski asl mandarja zail Ahadees Mubareka hain.
✔ Aaqa O Moula ﷺ Ka Irsha'ade Girami ✔
"Meri Walida Majida ne Meri Paidaish ke Waqt Dekha ke Unse Aisa Noor Nikla Jisse Mulk E Shaam ke Mehallat Roshan Hogaye". (Mishkwat Shareef) Humto Eid Melad ki Khushi me apne Gharon awr Masajid par Charagan karte hain, Khaliq E Kayenaat ne na sirf Sari Duniya me Charagan kiya balke Aasmaan ke Sitaron ko Jhalarein Banakar Zameen ke Qareeb kardiya. Hazrat Usman Bin Abi Al Aas رضى الله عنه ki Walida رضى الله عنهما Farmati hain "Jab Aap ﷺ ki Wiladat huye main Khana E Ka'aba ke pass thi, Maine Dekha ke Khana E Ka'aba Noor se Roshan hogaya awr Sitare Zameen ke itne Qareeb aagaye ke Mujhe ye Gumaan hua ke kahin woh Mujhpar girna padein. (Seerate Halbiya J1 P94, Khasais Ul Kubra J1 P40, Zarqani J1 P112)
🌹 Barasta Nahi Dekh Kar Abre Rehmat,
Badon Par Bhi Barsa De Barsa Ne Waale 🌹
✔ Sayedah Aamna رضى الله عنهما Farmati hain "Maine 3⃣ Jhande bhi Dekhe, Ek Mashriq Me Ghada gaya Dusra Maghrib me awr Teesra Jhanda Khana E Ka'aba ki Chath par lehrahra tha". (Seerate Halbiya J1 P109) Isse Melad Un Nabi ﷺ Ke Mouqe Par Jhande lagane ki Asl bhi Sabit hogaye.
Eid E Melad Un Nabi ﷺ Ke Mouqe par Juloos bhi nikala jata hai awr Na'rae Risalat Buland kiye jate hain. Iski Asl yeh Hadees Paak haike Jab Aaqa O Moula ﷺ Hijrat karke Madinah Tayeba Tashreef le aaye to Ahliyane Madinah ne Juloos ki Surat me Isteqbal kiya. Hadees Shareef me haike Mard awr Awratein Gharon ki Chatton par chardh gaye awr Bache awr Khuddam galiyon me Phail gaye Yeh Sab Ba Awaz Buland Kehrahe thy Ya Muhammad Ya Rasool ALLAH ﷺ Ya Muhammad Ya Rasool ALLAH ﷺ. (Sahih Muslim J2 Baab Al Hijrat)
Mehboob E Kibriya ﷺ Ne Apna Melad Kaise Manaya
Nabi Kareem ﷺ ka Khud Apne Melad ka awr Apne Fazail ka Zikr Farmana pehle Mazkoor hochuka. Sahih Muslim me Hazrat Qatadah رضى الله عنه se marwi haike Aaqa O Moula ﷺ Har Peer (Monday) ke Din Roza Rakha karte thy. Aapse Iske Mutaliq daryaft kia gaya to Aapne Farmaya "Is Din Meri Wiladat Huye awr Isi Din Mujhpar Wahi Nazil Huye". Mohadaseen Farmate hain ke Aapne Har Peer ke Din Roza rakhkar Apna Melad Manaya awr Apne Melad ke Din ki Azmat ko Zahir kia awr Ibadat ke zariya Rab E Kareem ka Shukr ada kiya.
🌹 Barasta Nahi Dekh Kar Abre Rehmat,
Badon Par Bhi Barsa De Barsa Ne Waale 🌹
12 Rabiul Awwal Hi Tareeq E Wiladate Mustafa ﷺ Hai
✔ Imam Bukhari رحمه الله ke Ustaad Imam Abu Bakr Bin Abi Shaiba رحمه الله Sahih Asnaad ke saath Hazrat Jabir awr Hazrat Abdullah Bin Abbas رضى الله عنهم se Riwayat karte hain ke Nabi Kareem ﷺ ki Wiladate Mubareka Aam Ul Feel me 12 Rabiul Awwal ko huye. (Musanif Ibne Abhi Shaiba)
Mashoor Mufasir Hafiz Ibne Kaseer ne bhi Inhi Sahaba Kiraam se Riwayat kiya haike Nabi Kareem ﷺ ki Wiladate Mubareka 12 Rabiul Awwal ko huye. (Seerat Ibne Kaseer J1 P199)
Sheikh Abdul Haq Muhaddis Dehalvi رحمه الله ki Tehqeeq yehi haike "12 Rabiul Awwal ka Qawl Mashoor awr Jamhoor ka hai, Ahle Makkah ka Amal bhi ispar gawah hai kyunke woh isi raat Nabi Kareem ﷺ ki Jaye Wiladat ki Ziarat karte hain awr Mahafile Melad ka Ineqad karte hain". (Madarij Un Nabuwat J2 P14)
🌹 Wo Jahannum Me Gaya Jo Unse Mustaghni Hua
Hai Khalleelullah Ko Haajat RASOOLALLAH Ki 🌹
Mahafile Melad Ka Silsila Hamesha Se Jari Hai
Jashn E Melad Un Nabi ﷺ Ki Sharai Haisiyat Bayan karne ke B'ad ab chnd Tareeqi Hawala jaat Pesh Khidmat hain Jinse Sabit hota haike Mahafile Melad ka Silsila Aalame Islaam me Hamesha se Jari hai.
Mohaddis Ibn Jozi (597 H) رحمه الله Farmate Hain : "Makkah Mukarama, Madinah Tayeba, Yemen, Misr (Egypt), Shaam (Syria) awr Tamam Aalame Islaam ke Log Mashriq (East) se Maghrib (West) tak Hamesha se Huzoor E Akram ﷺ ki Wiladat Ba Sa'adat ke mouqe par Mahafile Melad ka Ineqad karte chale aarahe hain. Inme Sabse Ziada Ahtemam Aap ﷺ ki Wiladat ke Tazkireh ka Kiya jata hai awr Musalman in Mahafil ke zariye Ajr E Azeem awr Badi Ruhani Kamiyabi Pate hain". (Al Melad Un Nabwi P58)
Imam Ibn Hajr (856 H) رحمه الله Farmate Hain : "Mahafile Melad O Azkaar Aksar Khair hi par Mushtamal hoti hain, Inme Sadq'at, Zikre Ilahi awr Bargahe Nabwi me Durood O Salaam Pesh kia jata hai". (Fatawa Hadisiya P169)
Imam Suyuti (911 H) رحمه الله Farmate Hain : "Mere Nazdeek Melad keliye Ijtima Tilawate Qur'an, Hayate Tayebah ke Waqiyat awr Melad ke waqt Zahir hone wali Alam'at ka Tazkirah In Bidd'at E Husna me se hai jinpar Sawaab milta hai kyunke Isme Huzoor ﷺ ki Tazeem awr Aapki Wiladat par Khushi ka Izhaar hota hai". (Hasan Al Maqsad Fi Amal Al Mawlid Fil Haawi Lil Fatawa J1 P189)
🌹 Woh Hain ALLAH Wale Jo Tujhe Waali Kahein Apna
Keh Tu ALLAH Wala Hai Tera ALLAH Waali Hai 🌹
Shiekh Abdul Haq Muhaddis Dehalvi Qadas Sarah Farmate hain : "(Ilahi !) Mera Ek Amal Teri Zaat Paak ki Inayat ki wajah se Bohat Shandar hai awr woh yeh hai ke Main Majlise Melad me Khade hokar Sal'am Padhta hoon awr Nihayat Aajizi, Mohabbat O Khuloos se Tere Habeeb ﷺ Par Durood Bhejta Hoon". (Akhb'ar Ul Akhy'ar P264)
Imam Qustulani (923 H) رحمه الله Farmate Hain : "Rabiul Awwal me tamam Ahle Islaam Hamesha se Melad ki Khushi me Mahafil Munaqid karte rahe hain. Mehfile Melad ki ye Barkat Mujarab haike Iski wajah se Sara Saal Aman se Guzarta hai awr har Mur'ad jald pori hoti hai". (Muahib Ud Duniya J1 P67)
Shah Wali Ullah Mohaddis Dehalwi Ke Walid Shah Abdur Raheem Mohaddis Dehalwi رحمه الله ne Farmaya : "Main Har Saal Melad Shareef ke dino me Khana Pakwakar logon ko khilaya karta tha. Ek Saal Qahad ki wajah se Bhune Huye Chano ke siwa kuch mayassar na hua, Maine wahi Chane Taqseem kardiye. Raat ko Khwab me Aaqa O Moula ﷺ ki Ziarat se Musharaf hua to Dekha ke Wahi Bhune huye Chane Sarkare Do Aalam ﷺ ke samne rakhe huye hain awr Aap Behad Khush awr Masroor hain". (Al Darul Sameen P8)
Akabireene Devband ke Peer O Murshid Haji Imdad Ullah Muhajir Makki رحمه الله apna Mamol yun Bayan kiya hai: "Faqeer ka Mushrab yeh haike Mehfile Moulood me Shareef hota hoon balke Zariye Barkaat samjhkar Har Saal Munaqid karta hoon awr Qayam Me Lutf O Lazzat pata hoon". (Faisla Hafat Mas'ala P5)
In Dalail Wa Braheen se Sabit hogaya ke Melad Un Nabi ﷺ ki Mahafil Munaqid karne awr Melad ka Jashn Manane ka silsila Ummat E Muslema me Sadiyon se Jari hai awr Ise Bidd'at O Haram kehne wale darasal Khud Bidd'ati O Gumrah hain.
Melad Un Nabi ﷺ Manane Ki Fazilat
Imam Ibn Jozi رحمه الله Farmate hain ke Sayeda Aamna رضى الله عنهما ne ba waqte Wiladat Ek Hatife Gaibi ki Awaz suni jo yeh kehraha tha, "Har Woh Shaks Jo Huzoor ﷺ ki Wiladat ke Ba'as Khush hua, Iskeliye ALLAH Ta'ala ne Aag se Mehfooz rehne keliye Hijaab awr Dhaal banai. Jisne Mustafa Kareem ﷺ ka Melad manane keliye 1⃣ Dirham kharch kiya, Nabi Kareem ﷺ iskeliye Shafeh awr Mushfah honge awr ALLAH Ta'ala har Dirham ke badle Das guna Ata Farmayega". (Mawlid Al Aroos (Mutarjim) P49)
ALLAH Ta'ala Uske Habeeb ﷺ Ke Sadqe Tufail Hum Tamam Ko Mehfile Melad Manane awr Iski Tazeem karne ki Taufiq Inayat Farmae امين يارب العالمين والصلاة والسلام على أشرف الأنبياء والمرسلين صلى الله عليه وسلم
🌹 Aye Raza Yeh Ahmade Noori ka Faize Noor hai
Ho Gayi Meri Ghazal Padhker Qasidah Noor Ka. 🌹
📚 Dars E Fiqah 📚
👥 WhatsApp Groups
📱 +919886596449
Comments
Post a Comment