Ka'ar Aamad Naseehatein

1) Har Kaam ALLAH Ta'ala Ki Raza Keliye Khuloos Se Karo.

2) Rasool ALLAH ﷺ Se Ishq O Mohabbat Ka Beej Dil Mein Bowo Yunhi Aapke Adab O Tazeem Ko Jaan E Imaan Samjho.

3) Anbiya O Awliya Se Aqidat Rakho Inke Aadaab Awr Aezaaz Mein Kami Na Karo. (Yunhi Ulma E Ahle Sunnat Ke Saath Pesh Aao).

4) Apne Rutbe Se Badhkar Daawa Na Karo. Har Waqt Ajz O Tawazeh Mein Raho.

5) Jis Liaqat Ka Jo Aadmi Ho Iski Waise Hi Izzat Karo.

6) Har Ek Ka Haq Pehchano.

7) Jo Raaz Kehne Ke Qabil Na Ho Usko Muh Se Hargiz Na Nikalo.

8) Dost Ki Pehchan Yeh Haike Waqt E Musibat Kaam Aaye.

9) Ahmaq Awr Nadaan Admi Ki Sohbat Se Kinara Karo.

10) Aqalmand Awr Daana Admi Se Dosti Karo.

11) Nek Kaam Mein Jis Qadar Hosake Jald Koshish Karo.

12) Jab Tum Koi Baath Kaho To Daleel Ke Saath Kaho Awr Jhoota Daawa Na Karo.

13) Jawani Ke Din Bade Khatarnak Hain Inme Neki Karna Mardangi Hai.

14) Kisi Shaks Se Fizool Behas O Mubahisa Math Karo Khwa Dost Ho Ya Dushman.

15) Maa Baap Ko Apne Upar Ghanimat Samjho.

16) Asateza (Teachers) Ki Izzat Baap Se Ziada Karo Kyunke Woh Tumhari Rooh Ki Islah Karte Hain.

17) Aamadni Se Ziada Kabhi Kharch Math Karo.

18) Sab Kaamo Mein Miyana Rawi Iqtiyar Karo.

19) Agar Koi Shaks Mehman Bankar Tumhare Ghar Aaye To Iski Khidmat Karo.

20) Apni Ankh Awr Zubaan Ko Har Waqt Apne Khabo Mein Rakho.

21) Apne Padosi Ko Hargiz Takleef Na Do Balke Apni Tarha Tasawwur Karo.

22) Apna Libas Awr Apna Badan Paak O Saaf Rakho Taake Sehat Awr Izzat Hasil Ho.

23) Apni Aulad Ko Ilm O Adab Sikhao Ke Deen O Duniya Ki Khushali Mile.

24) Jab Kisi Majlis Mein Koi Baath Kehna Chaho To Khoob Gaur Karlo Ke Wahan Woh Baath Kisike Khilaf Na Ho.

25) Koi Baath Aisi Na Karo Ke Ahle Mehfil Ki Nafrat Ya Narazgi Hasil Ho.

26) Hakim Ko Lazim Haike Insaaf Ki Baath Kahe Agarche Kisi Bhi Fareeq Ke Khilaf Ho.

27) Ahle Majlis Meinse Har Ek Ko Apna Hum Mazhab, Apna Dost Ya Apne Jaisa Math Samjho.

28) Bhook Se Ziada Khana Khana Munasib Nahi Yeh Baath Sehat Ke Khilaf Hai.

29) Jis Baath Ko Tum Apne Liye Bura Samjhte Ho Woh Dusron Keliye Bhi Pasand Na Karo.

30) Kisiki Chiz Ka Lalach Math Karo, Hasad Se Bacho, Rashk Ki Adat Dallo.

31) Kam Bolna, Bohat Sonchna awr Hasbe Zarurat Sona Daanai Ke Kaam Hain.

32) Matlab Parast Dost Se Kabhi Wafa Ki Umeed Na Rakho.

33) Jis Kaam Ko Tum Abhi Tak Nahi Kar Paaye Yeh Math Samjho Ke Wo Hogaya.

34) Jab Bolna Chaho To Khoob Sonchlo Ke Yeh Baath Kaho Ke Na Kaho Bolne Mein Is Qadar Jaldi Na Karo Jis Tarha Sonchne Mein.

35) Jo Kaam Aaj Karna Chahiye Usse Kal Pe Na Chodo.

36) Jo Shaks Apne Se Buzurg Ho Usse Mazak Na Karo.

37) Bade Ohde Wale Admi Ke Ru Ba Ru Bohat Mukhtasar Baath Karo.

38) Awwam Un Naas Se Istarha Baath Cheeth Na Karo Ke Woh Bebaak Hojayein.

39) Agar Kisi Hajatmand Ka Koi Kaam Tumhare Haath Ya Baath Se Mumkin Hoto Isse Hargiz Mayoos Na Karo.

40) Agar Koi Bewakhoofi Ki Baath Tumse Sadir Hojaye To Isse Hamesha Yaad Rakho Ke Ayenda Yeh Galti Dobara Na Ho.

41) Aisa Muqtasar Bhi Na Bolo Ke Maqsad Kisiki Samjh Na Aaye.

42) Har Roz Raat Ko Jab Sona Chaho To Pehle Shumar Karlia Karo Ke Aaj Ke Din Kis Qadar Galtiyan Huyein hain Mujhse Taake Dusre Din Unse Bach Sako.

43) Agar Koi Neki Tumse Hogayi Hoto Isko Bhool Jao Kyunke Iska Yaad Rakhna Guroor Paida Karta Hai.

44) Agar Kisika Bhala Hota Hoto Bahane Math Karo.

45) Dushman Ki Bhi Burai Math Chaho Agar Hosake To Ispar Kuch Ehsan Kardo.

46) Neki Karna Kisike Saath Aisa Haike Goya Isko Tamam Umr Apna Ghulam Banana Hai.

47) Bure Admi Ka Muqabala Neki Se Karna Aisa Haike Goya Isko Ehsan Ke Qaid Khane Mein Hamesha Keliye Qaid Karna.

48) Tum Bhalai Karke Bhool Jaoge Lekin Jiske Saath Tum Kuch Bhala Karoge Woh Tumhein Kabhi Na Bhulega.

49) Jab Kisi Shaks Se Koi Awr Shaks Baath Karraha Hoto Tum Hargiz Iske Beech Mein Na Bolo Agarche Tum Isse Behtar Jante Ho.

50) Ahmaq Ki Ek Nishani Yeh Bhi Haike Woh Bagair Poche Bol Uthta Hai.

51) Apne Maal Or Asbaab ko Apne Qareb se Aisa Chhupa ke Na Rakho Ke baad tumhare marne ke bhi Unhe dastyaab na ho.

52) Maghroor Aadmi ko koi pasand Nahi karta Agarche Wo Baadshah hi kyun na ho.

53) Gheebat Kisi ki na karo Khususan Nek Aadmiyon ki Burayi Kabhi Na karo.

54) Jahan Mazmaa Ho uske Bar Khilaf baat nahi karni chahiye Agar khilafe sharah ho to usse door rehna Bahtar hai.

55) Agar Ho Sake To Sakhawat Pasand Raho.

56) Khud Beeni, khud gharji Or khushaamid se bacho.

57) Susti ko paas na aane do ye tamaam kharabiyon ki jad hai.

58) Behooda Taana Aamez Guftgu se Parhej karo aur Kisi ka mazaaq na udaao.

59) Kisi aadmi ko ghair Aadmiyon ke samne sharmindah Na karo.

60) Agar kisi ko tanbiyah karna ho to ghosa,e me tanha bula kar samjha do.

61) Agar koi Sakhsh Aibdaar ho jaise langda,lunja,kotaah gardan,lagher Ya Daimul Marz To use apna nokar na rakho.

62) kisi ghair ke naam ka khat hargiz na padho.

63) Agar kahin se koi khat aaya ho to sab kaam chhor kar pehle usko padho.

64) Jis waqt koi shakhs kuch likh rha ho to use harghiz na dekho jab tak wo ijazat na de .

65) Jo baat munh se nikal jaye wo ab tumhare Akhtiyar me nahi hai

66) Apni ya apne kunbe ki taarif kabhi apne munh se naa karo.

67) Mardo'n ko Aurto'n Ki mushabihat Nahi karni chahiye.

68) Jo zewar Aurton ke liye khas hain mardon ko chahiye ke usse bache.

69) mardon ko chahiye ke wo Aisa kapda ya zewar na pehne jo Aurton ko zeba de .

70) Jab tak ho sake ladayi Or jhagda na karo, Sulah karne me hi har tarah ka aman hai.

71) Har ek kaam me jaldi karna bura hai .

72) Jo shakhs Tumhari izzat kare tum uski Izzat zarur karo .

73) Gusse ke waqt jo baat tum Kehna chaho to Pehle khub soch samajh lo ke is baat se koi qabahat to barpa nahi hogi.

74) Mehmaan ke Rubaru ksi par khafa nahi hona chahiye.

75) Mehmaan se kuch kaam na lo balki uska kaam karo .

76) Kisi Nafaa ya nuqsaan ki surat me apne chehre ka Aasar na badlo .

77) Aisi Aadat Akhtiyar na karo ke log tumhen Fizool samjhe'n  .

78) Kisi ka jhagda Apne jimme Na lo.

79) Teen Chizen hamesha apne sath rakho kuch paise,chadar or anghuthi .

80) Tarafdaari wahan tak munasib hai ke khud jaleel o khwar na ho jaye .

81) Sehat ek Badi Nemat hai Ise jaaya Na karo .

82) Shaher ke hakim, Hakeem or doctor se dosti paida karo .

83) Duniya me Apne aapko miskeen Or mutawaze Banaye Rakho.

84) Har waqt Khuda ko pesh nazar samjho .

85) Apne Nafs par qahar karte raho

86) Allah ki makhluq se insaaf karo,Kisi ki tarafdari ya kisi par Zyadati na karo .

87) Bujurgo'n ki khidmat karo or Chhoto par shafqat karo .

88) Muhtajo se sakhawat se pesh aao.

89) Dosto or yaaro ko nasihat dete raho .

90) Dushmano ko muaaf karo, Musafiro se muhabbat se pesh aao .

91) Jahilo'n se ba zarurat Baat karo Agar woh Kuch Kahe To Khamosh Raho .

92) Jo tumhara Pesha ho Jahan tak ho sake use firog do .

93) Kisi Lalach Ko Madde Nazar Rakh kar Ilm Hasil na Karo Balki Apna Zahir Or Batin Sanwaro .

94) Ahmaq Ki Nishani hai ke wo Bahut bolta Hai Or Baghair Samjhe Jawab Deta hai .

95) Jo shakhs Ek Hi Baat baar baar dohraye,Muhabbat Ke Qaul Ko na samjhe Taàsub Ki baat kare Or Tahqeeq na Kare woh jahil or Ahmaq hai .

96) Aalim be Amal aisa Hai jaise Andhe Ke Hath me Chirag .

97) Jo shakhs Kisi Ki ghibat tumhare Samne Karta Hai Woh tumhari Ghibat  kisi or ke samne bhi karta hoga .

98) Jab tak zar se kaam nikle apne aapko Musibat me na dalna Chahiye .

99) Na Itna Lutf Karo ke ke log Aseer Ban jaye'n or is qadar Narmi Karo ke log DAler Ho jaye'n .

100) Zalim Hakim Dushman hai mulk ka Aise hi Zahid  Be Amal Dushman hai Deen ka .

101) Amanat me Khyanat Bahut Bru Bala hai .

102) Sabse Badi Nasihat Ye hai ke Banda jhoot na bole .

103) Jisne Apni zuban qabu me ki usne kayi masa'eb Apne Akhtiyar me Kar liye .

104) Lalach Halaqat Ka sabab hai .

105) Bahtar Maal wo hai jisse Izzat Bani Rahe .

106) Jihalat Sabse Badi Musibat hai .

107) Buri Sohbat se behtar hai ke insan Tanha Rahe .

108) Acchi Kitab wo hai jiskr padhne se Insaan Apna Muhaasba kare,Apni Acchaiyan Buraiyan Kitab me dhund sake or Khuda ki Pehchan ho sake .

109) Hakim ki Aazmaish gusse ke waqt karo or Shaja'à ki jang ke waqt, Or dost ki zarurat ke waqt .

110) Khairat Aise karo ke daye'n hath se khairat kro to Baye'n hath ko khabar na ho .

111) Nek Kaamo me sabit qadmi Akhtiyar Karo Taake Anjaam uska bhala ho .

112) Jo shakhs Kisi ki Burayi Khush hokar sunta hai wo gheebat karne walon me shumar hota hai .

113) Jaldi ka kaam nidamat ka ba'às or soch samajh ke kaam karna Rahat ka ba'às  hai .

114) jo shakhs Aaram ki qadar nahi karta woh bahut Ranz uthata hai .

115) Har ek baat par hansna or har ek baat se nafrat karna bewaqufon ki khaslat me shumar hota hai .

116) Taqdeer ke likhne par hamesha sabr karna chahiye ( jaise- Maut, Rizq wagairah) .

117) Jo shakhs koshis karta hai wo Apna matlab Zarur hasil karta hai .

118) Jo sabar karta hai wo fateh pata hai .

119) waqt bahut qeemti shay hai koi ghadi uski bekar na jane do .

120) Khuda or maut ko hamesha yaad rakho or neki jo tumne ki ya kisi ne tumse burai ki ho use bhul jao .

121) Jo shakhs Zuban Shiri'n Or akhlaq se baat karta hai usse har koi khush hota hai .

122) Lalach zillat ki or Badmijazi Dushmani ki kunji hai.

123) Jab Tak insaan Zinda'h ho use Hamesha Apne ilm ki Taraqqi karni chahaiye .

124) Aqlmand Shakhs wo hai jo gairo ko musibat zada dekh kar khud nasihat yaab hota hai .

125) Allah ki ibadat har gham ka Ilaaj hai .

126) Talwar ka jakhm jism par lagta hai or Gunah ka Rooh par .

127) Jo logo'n ko shukriya Nahi kehta wo Allah ka shukr Ada nahi karta.

128) Momin ki niyyat uske Amal se behtar hai .

129) Bhuka Agar che Dushman bhi ho to use bhi khana Khilana chahiye.

130) Ibaadat wo karta hai jise khauf ho khuda ka .

131) Insano Ke liye Behtarin Hasti Uski Apni Maa hai  .

132) KhudGarz Insan se kabhi bhalayi ki Ummid Na Rakho .

133) Do (2) Musalmano me Sulah Karwana Behtarin Ibadat hai .

134) Zuban ki Hifazat Daulat ki Hifazat se jyada Mushkil hai .

135) Wo Zindagi Bekar hai jo ksi ke kaam na aa sake .

136) Aqlmand ko Ek ishara kaafi hota hai or jahil ko saza dene ki zarurat hoti hai  .

137) A'ajizi se izzat badhti hai or takabbur se rutwa gat'ta hai .

138) Dost se Qarz lene me kabhi Ranj bhi ho jata hai isliye dost se nahi lena chahiye .

139) Kamine ko jab koi Ohda milta hai to takabbur karta or jab hakim banta hai to zulm karta hai .

140) Apne mizaj ko qabu me rakho Izzat ke qabil ban jaoge .

141) Sabse Badi nasihat maut hai Agar samjho to .

142) Jo apni Aankh ko haram se mehfuz rakhta hai uski Aankh ko dono jahan me sadma na hoga .

143) Allah Tawarak Wa Taala se ghafil hona Aag me jane se jyada sakht tar hai .

144) Wo shab bekar hai jisme ibadat na ki jaye .

145) Nek hamsaya Door ke rishtedar se behtar hai .

146) Fizul Kharchi behtar hai dusro'n ke aage hath failane se .

147) Zindagi Ek safar hai ise Acchi kaifiyat se mukammal karo .

148) Dil Aazari sabse bada gunah hai .

149) Takabbur karne wala Apne munh ke bal girta hai .

150) Aulad ke liye maa baap Qibla hain or Ustad or Murshid Usse bhi badh kar hain .

151) Allah ki nafarmani ka Anjaam Nihayat khaufnak hai .

152) Tamaam Buraiya'n Nafsaani khwahishat se paida hoti hain .

153) Wo shakhs Nafarman hai khuda ka,jo Ahsaan karke jataye .

154) jab tak ksi se guftagu na hua, Use apne se haqeer samjho .

155) Tauba Budhe se khub magar Jawan se khub tar hai .

156) Jo jannat ki khwahish karta hai wo Bhalayi ki taraf jaldi karta hai .

157) Ahmaq ki Aqal uski zuban ke piche or Aqlmand ki zuban uski aqal ke piche hoti hai .

158) Intiqam ki quwwat Rakhte huye Gusse ko pi jana Afzal jihad hai  .

159) Agar ksi ko tumhare bare me Accha khayal ho to use accha kar dikhao .

160) Ahsan ek aisi neki hai jiska Ajr bahut jyada milta hai.

161) Dusro'n ke halaat dekh kar Nasihat hasil karne wala Aqlmand hai .

162) Masa'eb ka muqabla sabr se or nemat ki hifazat shukr se karo .

163) Nemat ka milna bhi Aajmaish hai ke kon kitna shukrgujar hai  .

164) Buri Aadat par galib Aana Kamaal ibadat hai .

165) Agar Ankhe Roshan hain to har roj yaume mehshar hai.

166) Muskurahat Rooh ka darwaza khol deti hai .

167) Jise Amanat ka paas nahi uska Imaan Na mukammal hai .

168) Nek logon ko dushmano se bhi Nafa hasil hota hai  .

169) Jisne Aarzu'on ko taweel kiya usne umar ko kharab kiya .

170) Us khayal ko dil me na lao jo apna fayda sochta hai.

171) Gussa Hamesha Hiqamat pe shuru hokar Nidamat pe Khatm hota hai .

172) Deeni Ilm Aisa badal hai jisse rahmat hi rahmat barasti hai .

173) Aisar Afzal tarin ibadat hai or buland tarin sardari hai .

174) Dost numa Dushman jyada khatarnaak hai .

175) Aakhrat Nek logon ki kaamyabi or duniya bad bakht logo ki Aarzu hai.

176) Insaan seerat se hasin hai na ke surat se .

177) zuban ki hifazat karo sone chandi se badh kar .

178) zyada khwahish wale ka pet nahi bharta .

179) jisne thode pe Qana'at ki wo sabir hoga .

180) Allah ke Piyare Ki Aadat , Kam khana kam sona or kam Bolna.

181) Insan wo hai jisko sharm o haya ka Ahsas damangir hota hai .

182) Khush Akhlaqi Rooh me basne wali khushbu hai .

183) Mohtaj ko mohlat dena koi ahsan nhi balki Adal or insaf hai .

184) Faqeer ka 1 dirham sadqa Daulatmand ke laakh dirham sadqa se Behtar hai .

185) Bekar baithne se zindgi ki mushkilaat badhti hain.

📚 Do Sadd Pand Suud Mand (200 Ka'arAamad Naseehatein)

🖊 Faize Millat Mufti Muhammad Faiz Ahmed Uwaisi Razvi.

🌸Dua-Allah Subhan Wa Ta'ala Apne Menboob Sallallahu Alaihi Wasallam ke Sadqe wa Tufail Hum sabko Amal karne ki taufiq Ata farmaye'n Aameen Allahumma Aameen.

↪ To Join ⤵

Dars E Fiqaha 

WhatsApp Group

📲 +919886596449

Like Our FB Page ⤵

📧 https://www.facebook.com/Dars-E-Fiqaha-1496837920620194/